| e-texts navigator |
| Wylie |
32a1 པས་ལོང་བཞིན་མྱོས། །གལ་ཏེ་ལྷ་ཡི་བུ་མོ་ཡང་། །དེ་ཡི་སྐད་ཅིག་ཉིད་ལ་མཆི། །རིགས་ཀྱི་འཇིག་རྟེན་མགོན་པོའི་ལྔ་བཅུ་པ་ལས་ལྷའི་དེ་ཁོ་ན་ཉིད་ཀྱི་ལེའུ་སྟེ་གསུམ་པའོ།། །།
32a2 འཇིག་རྟེན་དབང་ཕྱུག་སྙིང་པོ་མཆོག་།སྦ་ཞིང་སྲོག་བཞིན་ཡང་དག་བསྲུང་། །དམ་ཚིག་སྤྱོད་པ་དམན་པས་ཀྱང་། །འདྲེན་པའི་བདག་ཉིད་སྔགས་བཟླས་བྱ། །གཅིག་པུ་གྲོགས་དང་བྲལ་བྱས་ཏེ། །བློ་དང་ལྡན་པས་འབུམ་དུ
32a3 བཟླས། །དེ་ཡི་མངོན་སུམ་འོང་འགྱུར་ཏེ། །འཁོར་ལོ་གསུམ་དུ་ལེགས་འགྲོ་མཆོག་།འཇིག་རྟེན་ཐམས་ཅད་འབྱིན་པ་དང་། །སྡུད་པ་དང་ནི་ཡང་དང་ཡང་། །ནམ་མཁའི་གོ་འཕང་བདེར་འགྲོ་སྟེ། །དྲན་པས་འདི་ལ་ཐེ་ཚོམ་མེད། །
32a4 སེམས་དང་སེམས་མེད་སྦྱོར་བ་ནི། །སེམས་ནི་སེམས་མེད་ལ་དེས་མཐོང་། །སེམས་ནི་སེམས་མ་ལ་ཐིམ་ནས། །རབ་འཇུག་ལུས་སྐྱེས་མ་རྣམས་ལ། །ནད་བཅས་ནད་མེད་པ་དང་ནི། །ནད་མེད་དེ་བཞིན་ནད་བཅས་བྱེད། །ཞགས
32a5 པ་ལྕགས་ཀྱུ་འཛིན་པའི་མཆོག་། སྔགས་ཀྱི་རྒྱལ་པོའི་དབང་པོས་སོ། །གཞན་དུ་བྱིས་པ་རྨོངས་པ་ཡིས། །ཟླ་བ་འཛིན་པར་འདོད་པ་བཞིན། །གང་ཞིག་རང་བཞིན་སྦྱོར་བྲལ་བས། །ལས་རྣམས་བསྒྲུབ་པ་དེ་མཆོག་མིན། །
32a6 གང་གིས་གསུམ་གསུམ་གནས་སྐབས་གསུམ། །འཇིག་རྟེན་མགོན་པོ་ཉིད་རིག་ནས། །ཆུ་འཛིན་བྲལ་བའི་ནམ་མཁའ་བཞིན། །འཇིག་རྟེན་མགོན་པོའི་གོ་འཕང་འགྲོ། །ཞེས་པ་ནི་དཔལ་པདྨ་འབར་བའི་རྒྱུད་ཆེན་པོ་ལས
32a7 ཕྱུང་བ་རིགས་ཀྱི་འཇིག་རྟེན་མགོན་པོ་ལྔ་བཅུ་པ་རྫོགས་སོ། ། །། པཎྜི་ཏ་ཆེན་པོ་བི་མ་ལ་ཤྲཱི་བྷ་དྲའི་ཞལ་སྔ་ནས། བྱང་ཆུབ་རིན་ཆེན་གྱིས་བསྐུལ་ནས། ཤུད་ཀ་གྲགས
32a8 པ་རྒྱལ་མཚན་གྱིས་དཔལ་ས་སྐྱའི་གཙུག་ལག་ཁང་ཆེན་པོར་བསྒྱུར་བའོ། །། ། ཚལ་བ་བཀའ་འགྱུར་རྒྱུད་འབུམ་ལ་བསྟུན་ནས་ཞུས། གཉིས་ཞུས། །།
iiif viewer powered by OpenSeadragon
