| e-texts navigator |
| Wylie |
329b1 གསུམ་པ་ལ་ཕྱག་དྲུག་པ། །རྡོ་རྗེ་ཏྲི་ཤུལ་ཕུར་བུ་དང་། །ཐོད་པ་གྲི་གུག་འཁོར་ལོ་འཛིན། །མི་སྡུག་ཁྲོས་པ་ལྕེ་ལྔ་པ། །བསམས་ནས་དེ་འོག་ནམ་མཁའ་ལ། །བསྒྲུབ་བྱ་རྒྱས་པར་དམིགས་ནས་སུ། །རྡོ་རྗེ་ཕུར་པ་ལ
329b2 སོགས་པ། །སེམས་ཅན་དཀྱིལ་འཁོར་གནས་པ་ལ། །སྒྲུབ་པོས་དེ་ཡི་ཉེས་པ་བསྒོ། །དེ་ནས་ཕྱག་མཚན་ཏྲི་ཤཱུལ་དང་། །ཕུར་བུ་དྲག་པོ་མཆོག་དག་གིས། །མགོ་དང་སྙིང་ག་ལྟེ་བ་དང་། །རྐང་པ་གཉིས་དང་ལག་པ་ཡི། །གནས
329b3 ལྔ་རབ་ཏུ་ཕུག་བྱ་སྟེ། །ལྕེ་ལྔའི་འོད་ཟེར་ལྔ་པོ་ཡིས། །སྲིན་བུ་འཛའ་ལུ་ཀ་བཞིན་དུ། །ཁྲག་ཀུན་སྔགས་ཀྱིས་དྲངས་ནས་སུ། །ཐོད་པར་ཕབ་ནས་བཏུང་བར་བྱ། །དེ་བཞིན་ཤ་རྣམས་ཡང་བསྡུས་ནས། །བཟའ་བ་རུ་ནི་རབ་ཏུ
329b4 བརྟག་། རུས་པ་རྣམས་ཀྱང་འཚོས་བྱས་ནས། །ཤེས་པ་རྡོ་རྗེ་པད་མར་སྦྱར། །འདི་ནི་དོན་སྒྲུབ་རབ་བྱེད་པས། །ཟླ་བ་ཕྱེད་ནི་ཚུན་ཆད་ཀྱིས། །རྡོ་རྗེ་འཛིན་པ་ཆེན་པོ་ཡང་། །འཆི་བར་འགྱུར་བར་གདོན་མི་ཟ། །རྡོ་རྗེ་གསང་བ་འདི
329b5 ལྟ་བུ། །བསྒྲུབ་བྱ་ལེགས་པར་བསྒྲུབ་བྱས་ནས། །ལས་ངན་དག་གིས་དེ་མི་འཁོལ། །སངས་རྒྱས་སུ་ནི་སྐྱེ་བར་འགྱུར། །རྣལ་འབྱོར་དེ་ཡང་དེ་ཡི་མཐུས། །ཁྲོ་བོ་མཁའ་འགྲོ་ཞེས་འགྱུར་ཏེ། །ཁམས་གསུམ་བསད་དང་གསོ་བ
329b6 དང་། །སེམས་ཀྱི་རྡོ་རྗེ་བརྟན་བྱས་ནས། །སྐད་ཅིག་ཙམ་དུ་བྱེད་པར་འགྱུར། །གསལ་བར་ནུས་པ་གདོན་མི་ཟ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་རྡོ་རྗེ་མཁའ་འགྲོ་ཁྲོ་བོའི་སྦྱོར་བས་དགྲ་བསད་པའི་ལེའུ་སྟེ་བཅུ་པའོ།། །།
329b7 དེ་ནས་གཞན་ཡང་བཤད་བྱ་བ། །འདོད་ཆགས་ཐབས་ཆེན་པོ་ཡི་རྒྱུད། །གང་གིས་ལེགས་པར་ཤེས་ན་ནི། །ཚེ་འདིས་དངོས་གྲུབ་སྦྱིན་པར་བཤད། །གསང་བ་འདུས་པ་སྟོང་ཕྲག་གཅིག་།རྡོ་རྗེ
329b8 ཕྲེང་བ་འབུམ་ཕྲག་གསུམ། །དགོངས་པ་ལུང་སྟོན་སྟོང་ཕྲག་བཞི། །ལྷ་མོ་བཞིས་ཞུས་བརྒྱ་བདུན་བཅུ། །ུདྟར་ཏནྟྲ་ཉིས་བརྒྱ་བརྒྱད། །དེ་ཡི་ཉེ་བར་བཤད་པའི་རྒྱུད། །དམ་ཚིག་ཆེན་པོ་ལྔ་བཅུ་ལྔ། །རྡོ་རྗེ་ལྔ་འདུས
iiif viewer powered by OpenSeadragon
