| e-texts navigator |
| Wylie |
329a1 དུ་གསང་། །གསང་བ་རྣམ་པར་འགྲུབ་པ་ཡི། །རྡོ་རྗེ་སྙིང་པོའི་རྒྱན་ཞེས་བྱ། །ལྷ་མོ་ལས་བྱུང་བདེ་དང་ལྡན། །འཇའ་ཚོན་ལྟར་གསལ་རྒྱུད་དག་པ། །སྣང་བའི་སྐུ་དེ་མི་ཤིགས་པ། །རྡོ་རྗེ་ང་ཡིས་ཡང་དག་བསྒྲགས། །
329a2 སྣང་ཞིང་སྲིད་པའི་ཆོས་རྣམས་ཀུན། །བསྡུས་ཕྱིར་བརྩེགས་པའི་སྐུ་དམ་པ། །རྟོག་བྲལ་རྒྱུད་དུ་སིམ་གནས་པ། །འབྱུང་ཕྱིར་སྙིང་པོ་ཞེས་སུ་བསྒྲགས། །དག་དང་མ་དག་ཐམས་ཅད་ལ། །འཁོར་བ་ཇི་སྲིད་བར་སྣང་བ། །གཉིས
329a3 ཀ་མཛེས་པར་བྱེད་པས་ན། །རྒྱན་དུ་ཡང་དག་བསྒྲགས་པ་ཡི། །དཔལ་དང་རྡོ་རྗེ་སྙིང་པོ་དང་། །རྒྱན་ཞེས་བྱ་བ་བཞི་པོ་ནི། །འབྲེལ་ཅིང་གྲུབ་པར་བྱེད་པའི་ཕྱིར། །རྒྱུད་ཅེས་བྱ་བར་བཤད་པའོ། །ཆོས་ཀྱི་ཕུང་པོ་བརྒྱད་ཁྲི་དང་། །
329a4 བཞི་སྟོང་གི་ནི་གྲངས་སྙེད་ཀྱི། །མཚན་གྱི་དོན་ནི་འདི་དོན་དུ། །ཡང་དག་འདུས་པར་ངས་བཤད་དོ། །གཞན་དུ་དོན་ནི་མ་བསྒྲགས་པ། །བླ་མ་ལ་ནི་གུས་པ་ཡི། །སློབ་མ་ལ་ནི་མ་རྟོགས་པའི། །རྒྱུད་གཞན་དག་ཏུ་སྦས་པའོ། །
329a5 དོན་འདི་ཡང་དག་མ་ཤེས་ན། །ཇི་སྙེད་དོན་ནི་བསམ་ཡས་པ། །ཤེས་ཀྱང་དེ་ཡི་འབྲས་བུ་མེད། །དེ་འདོད་མཉེས་བྱས་ཡང་དག་བླང་། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་ཡེ་ཤེས་གསུམ་གྱི་མཚན་འབྱུང་བ་ཞེས་བྱ་བའི་ལེའུ
329a6 སྟེ་དགུ་པའོ། ། །། རྟག་པར་མི་ཕྱོགས་སྨྲ་བ་དང་། །བླ་མ་སྨོད་བྱེད་བརྩོན་པ་ལ། །དམ་ཚིག་ཕྱིར་ནི་ཡོངས་བསྒྲལ་བྱ། །དེ་ཡི་ཤ་ཁྲག་ཀླད་པ་རྣམས། །དྲངས་ཏེ་ཆོས
329a7 ཀྱི་སྟོན་མོ་བྱ། །དེ་ལྟར་མ་བྱས་སྡུག་བསྔལ་ཚོགས། །གཏི་མུག་ཅན་དེས་ཐོབ་པར་འགྱུར། །ནད་ཐམས་ཅད་དང་ཁྲོས་ཆེན་དང་། །འཇིགས་དང་ཉེ་བར་འཚེ་བ་ཡི། །བསྐལ་པ་གྲངས་མེད་བྱེ་བ་རུ། །སྡུག་བསྔལ་ཆེན་པོར་རབ་སྙེད་ཅིང་། །
329a8 འོ་དོད་འབོད་པས་སྦྲུལ་གྱི་བརྒྱན། །བསྟིར་མེད་ཆེན་པོར་རྟག་པར་འགྲོ། །དེ་བས་ལས་འདིས་རྒྱས་གདབ་པོ། །བདག་ཉིད་རྡོ་རྗེ་མཁའ་འགྲོ་ཡི། །ཁྲོ་བོ་གཟུགས་ཅན་ཉིད་གྱུར་ནས། །ུཏྤལ་མཐིང་ག་འདྲ་བ་ཡི། །ཞལ
iiif viewer powered by OpenSeadragon
