| e-texts navigator |
| Wylie |
328b1 བསྒོམས་ན། །བསྒྲིམས་ནས་རྣལ་འབྱོར་བསྒོམས་པ་ཡིས། །རིང་པོར་མི་ཐོགས་འདོད་པ་འཐོབ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་བྱང་ཆུབ་ཀྱི་སྙིང་པོའི་རྒྱན་གཙུག་ཏོར་འབྱུང་བའི་ལེའུ་སྟེ་བརྒྱད་པའོ།། །།
328b2 དེ་ནས་ཡང་རྡོ་རྗེ་མཁའ་འགྲོ་མ་ཐམས་ཅད་འདུས་ནས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་རྡོ་རྗེ་འཛིན་པ་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །འདི་ཡི་དཔལ་ནི་གང་ཞིག་ལགས། །རྡོ་རྗེ་དང་ནི
328b3 སྙིང་པོ་དང་། །དེ་བཞིན་རྒྱན་གྱི་དོན་ནི་ཅི། །ཀྱེ་ཧོ་མཆོག་དེ་བསྟན་དུ་གསོལ། །དེ་ནས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་རྡོ་རྗེ་འཛིན་པས་དེ་དག་ལ་འདི་སྐད་ཅེས་བཀའ་སྩལ་ཏོ། །འདི་ནི་ཐུན་མོང་མ་ཡིན་པའི། །གསང་བའི
328b4 རྒྱུད་དུ་རབ་སྦས་པ། །ཇི་བཞིན་གནས་པའི་དེ་ཁོ་ན། །ཡང་དག་བསྟན་གྱིས་རྩེ་གཅིག་ཉོན། །ལུས་ངག་ཡིད་གསུམ་བདེ་དམ་པས། །ལྷ་མོ་ལས་ནི་བསྐྱོད་བྱ་སྟེ། །བྱང་ཆུབ་ཆེན་པོ་བདེ་བ་ཡིས། །ཚུལ་བཞིན་དུ་ནི་སྔགས་པས་བྱ། །
328b5 བསྐུལ་བའི་སྙིང་པོས་འདི་སྨྲ་སྟེ། །ཛྫ་ཞེས་སྐད་ཅིག་སྐད་ཅིག་ཏུ། །རང་གི་གནས་ན་གནས་པ་ཡིན། །དེ་ཉིད་ལྷ་ཉིད་བསྐྱེད་པར་བྱ། །བཅུ་དྲུག་ཆ་དང་ཡང་དག་ལྡན། །ཟླ་བ་གསང་བའི་ཐིག་ལེ་ལ། །མེ་ཏོག་དང་ནི་འདྲ་བ་ཉིད། །རླུང
328b6 གིས་ཕུལ་བས་བསྐྱོད་པར་བྱ། །དེ་བཞིན་བསྐྱོད་པས་བསྒྲུབ་པར་བྱ། །དེ་བཞིན་དུ་ཡང་བསྐུལ་བྱ་བ། །རྒྱུད་ཀྱི་ཕྲེང་ནི་འོད་གསལ་བཞིན། །སྟེང་དང་མདུན་དུ་རྩ་གཉིས་ལས། །བཅུ་དྲུག་གནས་སུ་ཡང་དག་གནས། །དེ་ལས་སྙིང་དབུས
328b7 རབ་ཞུགས་ཏེ། །རླུང་གི་སྦྱོར་བས་ཕུལ་བྱས་པས། །སྟེང་དང་མདོག་རབ་མཛེས་རྫོགས་སྐུ། །བདག་གི་དཔལ་དུ་ཤེས་པར་བྱ། །དེ་ལས་བྱུང་བའི་དངོས་གྲུབ་ཆེ། །ནོར་བུ་ལ་གནས་རྟོག་བྲལ་བ། །ཐིག་ལེ་ཡིག་མེད་བསྡུས་པའི་སྐུ། །ལྷན
328b8 ཅིག་སྐྱེས་པར་ཤེས་པར་བྱ། །དེ་ལ་དེ་ཡི་གཟུགས་ཀྱི་སྐུ། །ནམ་མཁའི་ཁམས་ཀུན་གང་བ་ཡི། །བྲལ་བའི་ཤེས་པས་དོན་བྱེད་པ། །གཞན་གྱི་དཔལ་དུ་ཤེས་པར་བྱ། །དེ་རྣམས་རྒྱུ་ལས་བྱུང་བ་ཡི། །ཡེ་ཤེས་ཤེས་རབ་ཤིན
iiif viewer powered by OpenSeadragon
