| e-texts navigator |
| Wylie |
328a1 བསྒོམ་པར་བྱ། །གཞན་གྱིས་མི་ཐུབ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །བྲུ~ཾ་གྱི་ཡི་གེ་ལས་ཀྱང་བྱུང་། །མིང་གི་གཙུག་ཏོར་རྣམ་པར་འཐོར། །ཞལ་གསུམ་གསེར་ནི་བཙོ་མ་འདྲ། །ཕྱག་དྲུག་ཏྲི་ཤུ
328a2 ལ་སོགས་པ། །འཛིན་ཅིང་སྲོག་སོང་སྟེང་ན་གནས། །རོལ་པའི་སྟོབས་ཀྱིས་བགེགས་མཆུ་བཅིངས། །རལ་པའི་གཙུག་ཏོར་གྱིས་བརྒྱན་པ། །སངས་རྒྱས་སྤྲིན་ནི་སྤྲོ་བའོ། །གང་ཞིག་དེ་འདྲ་སྒོམ་བྱེད་པའི། །རྣལ་འབྱོར་དེ་ཡིས
328a3 གོ་ཆ་བགོས། །བསྲ་བའི་ངང་ཚུལ་ཅན་ཡིན་པས། །བགེགས་ལུས་གང་གིས་མི་གཡོའོ། །བགེགས་ལས་རྒྱལ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །བྲུ~ཾ་གྱི་ཡེ་ཤེས་མཐུ་ལས་བྱུང་། །གཙུག་ཏོར་རྣམ་པར་འཇོམས་པའི་མཆོག་།
328a4 ཞལ་གསུམ་གསེར་འདྲའི་ཉི་འོད་མཚུངས། །ཕྱག་དྲུག་རྡོ་རྗེ་ལ་སོགས་པ། །འཛིན་ཅིང་ཚེམས་ཀྱིས་སྒྲོས་མནན་ཏེ། །ཆགས་ལྡན་རིག་མས་འཁྱུད་པའོ། །རལ་པའི་གཙུག་ཏོར་གྱིས་བརྒྱན་པ། །ཁྲག་ཅན་ལྗགས་ཀྱང་འདྲིལ་བ
328a5 སྟེ། །བླ་མེད་བྱང་ཆུབ་ཐོབ་འདོད་པ། །འདི་འདྲ་སྒོམ་པར་བྱེད་པ་ལ། །བསྐལ་པ་བརྒྱད་ཅུའི་བར་དུ་ཡང་། །བགེགས་ཀྱི་གནོད་པ་ཡོང་མི་འོང་། །བགེགས་ཀྱི་སྟོང་པ་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །ཡང་ནི་བྲུ~ཾ་གྱི
328a6 ཡེ་ཤེས་ལས། །ཡང་དག་བྱུང་བའི་སྐབས་དཀར་པོ། །ཞལ་གསུམ་གསེར་ཞུན་ལྟ་བུར་གནས། །ཕྱག་དྲུག་གདུགས་ལ་སོགས་འཛིན་ཅིང་། །སྐྱབས་མེད་ཕོངས་པའི་སྐྱབས་མཛད་ཅིང་། །མ་ནིང་རྣམས་དང་ཟ་མ་ལ། །བུ་ནི་སྦྱིན་པར
328a7 བྱེད་པ་པོ། །རལ་པའི་གཙུག་ཏོར་གྱིས་བརྒྱན་པ། །རིག་མ་དང་ལྡན་སྐུ་ཆེན་འདི། །རྣལ་འབྱོར་གང་གིས་སྒོམ་བྱེད་ཅིང་། །བཟླས་པ་རྩེ་གཅིག་ཏུ་བྱེད་ན། །བགེགས་ཀྱི་གནོད་པས་དེ་མི་རྫི། །རིན་ཆེན་གྱི་སྐྱབས་རྡོ་རྗེ་ཞེས་བྱ་བའི་ཏིང་ངེ
328a8 འཛིན་ཏོ། །རྣལ་འབྱོར་ཁྱད་པར་ཅན་གྱིས་ནི། །འདི་རྣམས་བྱང་ཆུབ་བསྲུང་བའི་ཕྱིར། །འཁོར་ལོ་གཙོ་བོར་རབ་བསྒོམས་ན། །ནང་གི་བགེགས་ཀྱིས་ཡོང་མི་ཚུགས། །བྱང་ཆུབ་སྙིང་པོ་དོན་གཉེར་བས། །འདི་འདྲའི་འཁོར་ལོ་ཅན
iiif viewer powered by OpenSeadragon
