| e-texts navigator |
| Wylie |
327b1 བརྒྱན་ཅིང་། །འཇིག་རྟེན་ཁམས་ཀུན་འཁྲུག་བྱེད་པའི། །གཟུགས་ཀྱི་འཕྲོས་པས་ནམ་མཁའ་གང་། །རིག་མས་སྐུ་ལ་རབ་འཁྱུད་པས། །ཆགས་ཕྱིར་སྤྲོ་བའི་རྩོལ་བ་ཅན། །འདི་འདྲ་སྒོམ་པར་བྱེད་པ་ལ། །བགེགས་ཀྱིས
327b2 གནོད་པ་ཡོང་མི་གོས། །སྐྱོན་མེད་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །ཡང་ནི་བྲུ~ཾ་གྱི་ཡེ་ཤེས་ལས། །བྱུང་བ་སྔགས་ཀྱི་འཁོར་ལོ་ཅན། །ཞལ་གསུམ་གསེར་འདྲ་མདངས་པོ་ཆེ། །ཕྱག་དྲུག་འཁོར་ལོ་ལ་སོགས་པ། །
327b3 རོལ་པའི་གཙུག་ཏོར་གྱིས་བརྒྱན་པ། །འཛིན་ཅིང་སྟག་གི་སྨད་གཡོགས་ཏེ། །ཐོད་པའི་ཕྲེང་བས་སྐུ་ལ་བརྒྱན། །རིག་མ་དང་ལྡན་ཆགས་པ་པོ། །འཇོལ་སྒེག་ཉམས་ཀྱི་སྦྱོར་བ་མཛད། །འདི་བསྒོམ་སྤྲོ་བར་བྱེད་པ་ལ། །
327b4 ཉིན་དང་མཚན་དུ་རྡོ་རྗེ་སེམས། །འཁོར་བཅས་གནས་སུ་བྱོན་ནས་སུ། །རྟག་ཏུ་བསྲུང་བ་ཉིད་དུ་བྱེད། །བཀའ་བཞིན་བྱེད་པས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །དེ་བཞིན་བྲུ~ཾ་གྱི་ཡེ་ཤེས་ལས། །བྱུང་བའི་ཁྲོ་བོ་གཙུག
327b5 ཏོར་རྒྱལ། །ཞལ་གསུམ་སེར་པོ་མདངས་དང་ལྡན། །ཕྱག་དྲུག་ལྕགས་ཀྱུ་ལ་སོགས་པ། །འཛིན་ཅིང་སྦྲུལ་གྱིས་ཡང་དག་བརྒྱན། །འོག་ཏུ་བགེགས་ཀྱི་གཙོ་མནན་ནས། །གད་མོའི་སྒྲས་ནི་འདེབས་པར་བྱེད། །རལ
327b6 པའི་གཙུག་ཏོར་གྱིས་བརྒྱན་པ། །ཁྲོ་བོ་འདི་འདྲ་སྒོམ་བྱེད་པའི། །རྣལ་འབྱོར་གང་ལ་སངས་རྒྱས་ཀྱི། །སྤྲུལ་པའི་བགེགས་ཀྱང་རླག་བྱེད་ན། །གཞན་མ་རྣམས་ནི་སྨོས་ཅི་དགོས། །སྙིང་འགུགས་པ་རྡོ་རྗེ་ཞེས་བྱ་བའི་ཏིང
327b7 ངེ་འཛིན་ཏོ། །བྲུ~ཾ་ལས་ཡང་ནི་བྱུང་བ་ཡི། །གཙུག་ཏོར་དམ་ཚིག་སྤྱོད་པན་ཅན། །ཞལ་གསུམ་གསེར་ཞུན་མདངས་ལྡན་པ། །ཕྱག་དྲུག་ཀ་པཱ་ལ་སོགས་པ། །འཛིན་ཅིང་སྣ་ཚོགས་རབ་ཏུ་འབར། །རལ་པའི་གཙུག་ཏོར་གྱིས
327b8 བརྒྱན་པ། །ཞབས་རྣམས་བསྒྱུར་ཞིང་རྣམ་པར་འཕེན། །སྤྲོ་དང་བསྡུ་བའི་བློ་གྲོས་ཅན། །འདི་འདྲ་གང་ཞིག་བསྒོམ་པ་ལ། །བི་ནཱ་ཡ་ཀ་ལ་སོགས་པའི། །བགེགས་ཀྱིས་སྐབས་ནི་མི་རྙེད་ཕྱིར། །ཇི་བཞིན་རབ་ཏུ
iiif viewer powered by OpenSeadragon
