| e-texts navigator |
| Wylie |
327a1 སེམས་ཅན་རྣམས་ལ་ནི། །སྣ་ཚོགས་གདུང་བས་སུན་མི་འབྱུང་། །རྡོ་རྗེ་དང་ལྡན་དམ་ཚིག་ཡིན། །སྲེད་པས་བསྐྱེད་རྩུབ་ཕྲ་མ་ཡི། །ཚིག་དག་རྣམ་པར་མི་སྨྲ་ཞིང་། །མཉན་ན་བདེ་བ་བྱེད་པ་འདི། །རྡོ་རྗེ་ངག་ཅན
327a2 དམ་ཚིག་ཡིན། །རྣམ་པར་སྣང་མཛད་ཆེན་འཁྲུག་མཆོག་།ཤ་ཡི་ཁམས་ལ་གནས་པ་ཡིན། །རྐང་ལ་མི་འཁྲུག་རྒྱས་པ་སྟེ། །ཁྲག་ལ་རིན་ཆེན་འབྱུང་བ་གཙོ། །སེམས་ཅན་རྣམས་ཀྱི་རུས་ཕུང་གི། །རུས་གོང་ལ་ནི་འོད
327a3 དཔག་མེད། །རྩ་ཡི་ཚོགས་རྣམས་རྣམ་འབྲེལ་ལ། །ཐུབ་པ་སྐྱེས་མཆོག་དོན་ཡོད་ལ། །དམ་ཚིག་ཤེས་པ་རྣམས་ལ་ནི། །གསང་ཆེན་པ་ཡིས་བསྟན་པ་འདི། །བློ་ལྡན་རྡོ་རྗེ་རྣམས་ཀྱིས་ནི། །རྟག་ཏུ་བརྟེན་ཅིང་བསྒོམ་པར
327a4 བྱ། །འདོད་ཆགས་དེ་བཞིན་གཏི་མུག་རྨོངས། །སྲེད་དང་འདུ་བྱེད་རྣམ་སེལ་བའི། །ཆོས་ནི་རྣམ་པ་ལྔ་པོ་འདི། །ཐུབ་པ་སྐྱེས་མཆོག་རྣམས་ཀྱིས་གསུངས། །བཤང་གཅི་ཁུ་ཆུ་མཆིལ་མ་ཁྲག་།འཛག་པ་འབྱུང་བ་བཞིས
327a5 བསྡུས་པ། །བསྒོམ་པའི་བློ་གྲོས་རྟོགས་པ་ཡིས། །དམ་ཚིག་བརྟན་པར་བྱ་བ་སྟེ། །རྟག་ཏུ་བཟའ་ཞིང་སྦྱིན་པར་བྱ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་སྦྱིན་སྲེག་གི་ལེའུ་སྟེ་བདུན་པའོ།། །།
327a6 དེ་ནས་གཞན་ཡང་བཤད་བྱ་བ། །འགྲོ་བ་མི་ཤེས་མུན་བསལ་ཕྱིར། །ཡེ་ཤེས་ཉི་མ་ཤར་བ་ལས། །ཀེག་བུ་མུན་པ་བསལ་ཚུལ་གསུངས། །གཤིན་རྗེའི་གཤེད་ལ་སོགས་པ་ཡི། །
327a7 མདོག་དང་ཕྱག་མཚན་ལ་སོགས་པ། །དེ་ཀུན་སྔོན་དུ་རྒྱས་པ་རུ། །བྱེ་བྲག་གིས་ནི་རྒྱས་པར་བསྟན། །དེ་ནི་ལས་ཀྱི་ཁྱད་པར་གྱི། །དབང་དུ་བྱས་པ་ཁྲོ་བོའི་ཚོགས། །གཞན་དུ་མ་གསུངས་གང་ཡིན་པ། །དེ་དག་འདི་རུ་བཤད
327a8 པར་བྱ། །བྲུ~ཾ་གྱི་ཡེ་ཤེས་ལས་བྱུང་བ། །གཙུག་ཏོར་གཟི་བརྗིད་ཕུང་པོ་སྟེ། །ཞལ་གསུམ་སེར་པོ་མདངས་དང་ལྡན། །ཕྱག་དྲུག་ཉི་མ་ལ་སོགས་པ། །འཛིན་ཅིང་སྐྱིལ་མོ་ཀྲུང་བཅས་པ། །རལ་པའི་གཙུག་ཏོར་གྱིས
iiif viewer powered by OpenSeadragon
