| e-texts navigator |
| Wylie |
326b1 རྣམ་པར་སྤེལ། །ཞི་དང་རྒྱས་དང་དབང་རྣམས་ལ། །དགེ་བའི་རྫས་རྣམས་སྦྱིན་སྲེག་བྱ། །བཤང་གཅི་ཁྲག་རྐང་རུས་པ་དང་། །ཤ་ཆེན་དག་ཀྱང་སྦྱིན་སྲེག་བྱ། །ཅི་སྟེ་ཡེ་ཤེས་སེམས་དཔའི་ཞལ། །མི་གཙང་བ་ཡིས
326b2 བཀང་ན་ཀོ། །ཅི་ལྟར་སྡིག་པ་སྐྱེ་མི་འགྱུར། །གལ་ཏེ་སྡིག་འགྱུར་འབྲས་བུ་གང་། །སེམས་ཅན་མི་ཤེས་པས་རྨོངས་པ། །ཐབས་དང་ཤེས་རབ་རྣམ་སྤངས་ཤིང་། །ཕྱི་རོལ་དངོས་ལ་མངོན་ཞེན་པ། །རྣམ་རྟོག་དྲ་བས་བླུགས་བྱས
326b3 གང་། །དེ་དག་གིས་ནི་དགེ་སྡིག་གི། །ཕུང་པོ་གཉིས་སུ་རྣམ་པར་བརྟགས། །ཆོས་འདི་རང་བཞིན་གྱིས་དག་སྟེ། །སྐྱེ་བ་མེད་ཅིང་གནས་མེད་ཀྱང་། །སེམས་ཅན་ཤེས་པ་སྤེལ་བའི་ཕྱིར། །སངས་རྒྱས་རྣམས་ཀྱིས་ཐབས་སུ
326b4 བསྟན། །དམ་པའི་དོན་དུ་དགེ་སྤངས་ནས། །བསོད་ནམས་མིན་པ་ཅི་ཞིག་སྨོས། །དཔེར་ན་མི་གང་ཆུ་ཀླུང་གི། །ཕ་རོལ་འགྲོ་བའི་སེམས་ཅན་དག་།རྩཝ་དང་ཤིང་ལ་སོགས་བསྡུས་ནས། །ཆུ་ལ་རྒལ་བའི་གཟིངས་བྱས་ཏེ། །དེ་ལ
326b5 འཇུག་སྟེ་ལེགས་བརྒལ་ནས། །བོར་ཏེ་བདེ་བར་འགྲོ་བ་ལྟར། །དེ་བཞིན་འཁོར་བའི་ཕ་རོལ་གྱི། །ཆོས་ཀྱི་ལམ་ནི་བསྐྱེད་བྱས་ཀྱང་། །ཆོས་དང་ཆོས་མིན་རྣམ་སྤངས་ནས། །བྱང་ཆུབ་བདེ་བ་ཐོབ་པ་ནི། །དེ་ཕྱིར་རྣམ་རྟོག་རྣམ་སྤངས
326b6 ལ། །ཟབ་མོ་ཡི་ནི་ཆོས་སྤེལ་ཏེ། །དེ་བཞིན་གཤེགས་པས་གསུངས་རྣམས་ལ། །སྔགས་རིག་རྣམ་རྟོག་མ་བྱེད་ཅིག་།རྣམ་རྟོག་རྨོངས་པ་ཆེན་པོ་སྟེ། །འཁོར་བའི་རྒྱ་མཚོར་ལྟུང་བྱེད་པས། །ནམ་མཁའ་ལྟ་བུར་དྲི་མེད
326b7 པའི། །རྣམ་པར་མི་རྟོག་ཏིང་འཛིན་གནས། །དབང་པོ་གཉིས་ནི་མཉམ་སྦྱར་ཏེ། །ལུས་དང་ངག་དང་སེམས་བསྡུས་ནས། །ངའོ་སྙམ་པས་གཟི་བསྐྱེད་ལུས། །རྣམ་པ་ཀུན་གྱིས་རྣམ་བརྒྱན་ན། །རྣལ་འབྱོར་ལྡན་པས་ཚེ་འདི་ལ། །ཡེ
326b8 ཤེས་རྫོགས་པ་ཉིད་དུ་འགྱུར། །ལས་ལས་བྱུང་བར་བསྟན་པ་ཡི། །སྐྱེས་པ་བུད་མེད་གཟུགས་མང་ལ། །མཉེས་པ་ཉིད་དུ་མི་བྱ་འདི། །རྡོ་རྗེ་ལུས་ཅན་དམ་ཚིག་ཡིན། །ངན་རྟོག་བཟང་རྟོག་དྲ་བ་ཡི། །སེམས་ཀྱིས
iiif viewer powered by OpenSeadragon
