| e-texts navigator |
| Wylie |
326a1 གསུས་པོ་ཆེ་ལ་མིག་གསུམ་པ། །གདོང་བཞི་པ་ལ་ལག་བཞིར་ལྡན། །མདོག་དམར་རལ་པའི་ཐོར་ཚུགས་ཅན། །མེ་ཡི་དཀྱིལ་འཁོར་ལ་གནས་ཤིང་། །ལས་ཀྱི་འོད་ཟེར་རྣམས་ཀྱིས་བརྒྱན། །ལག་པ
326a2 དང་པོ་མཆོག་སྦྱིན་ལ། །གཉིས་པ་ན་ནི་སྔགས་ནོར་ཕྲེང་། །གཡོན་པ་རིལ་བ་སྤྱི་བླུགས་ཏེ། །གཉིས་པ་ན་ནི་བེ་ཅོན་ཉིད། །མདོག་དམར་རྒྱན་ནི་མེད་པ་ལ། །དྲང་སྲོང་རྣམས་ཀྱིས་ཡོངས་བསྐོར་བ། །འདི་ལྟའི་གཟུགས
326a3 ནི་བསམས་ནས་ཀྱང་། །ཐབ་ཀྱི་དབུས་སུ་བཞུགས་སུ་གསོལ། །དེ་ལ་སྦྱིན་སྲེག་ལ་དགོས་པ། །ཀུན་ལ་ལན་གསུམ་བསྲེག་བླུགས་དབུལ། །དེ་ནས་འཐོར་འཐུང་བྱས་ནས་སུ། །འབར་བའི་རྣམ་པར་བསྒྱུར་བར
326a4 བྱ། །རིམ་པ་འདི་ཡི་ཚུལ་གྱིས་ནི། །མཁས་པས་ལྷ་རྣམས་ཚིམ་པར་བྱ། །ལེགས་པར་ཚིམ་བྱས་བཟོད་གསོལ་ཏེ། །འདོད་པའི་དངོས་གྲུབ་གསོལ་བ་གདབ། །བུམ་པ་རྒྱལ་མཚན་རྡོ་རྗེ་གདུགས། །པད་མའི་ལྕགས་ཀྱུའི
326a5 རྣམ་པ་དང་། །མེ་ལྕེ་མདོག་དཀར་སྣང་བ་དང་། །འཁྱིལ་པའི་མཚན་མས་མཁས་པས་བརྟག་།དེས་ནི་མྱུར་དུ་འབྱུང་འགྱུར་བ། །བསྒོམ་དང་བཟླས་ལ་འབད་པར་བྱ། །ཞི་དང་རྒྱས་དང་དབང་ལ་ནི། །ོཾ་ཞེས་པ་དང་སྭཱ་ཧཱ་མཐར། །
326a6 དབྱངས་ཀྱི་རྒྱུད་ནི་བསྲིང་བ་ནི། །བར་ཆད་མེད་པའི་དབྱངས་ཀྱིས་སྦྱར། །ཞི་བའི་སེམས་ནི་ཞི་བ་ལ། །འབྱོར་པས་རྒྱས་པ་མངོན་པར་སྤེལ། །དྲེགས་བདེ་སྟབས་ཚུལ་བཅས་པ་དང་། །དབང་དུ་གྱུར་པས་དབང་དུ་བྱའོ། །དྲག་ཤུལ
326a7 སྤྱོད་ཚུལ་ལ་གནས་པ། །ཧཱུ~ཾ་ཞེས་པ་དང་ཕཊ་དང་བཅས། །ལུས་ནི་མེ་ལྕེ་འབར་བ་དང་། །འཇིག་རྟེན་གསུམ་པོ་བཟར་བསམས་ནས། །བསྐུལ་བའི་ཚིག་དང་སྤེལ་བ་ཡི། །གསང་སྔགས་ཡི་གེ་ངེས་པར་སྦྱོར། །སྔགས་གྲུབ
326a8 ཆོ་ག་ཤེས་པ་ཡིས། །སྦྱིན་སྲེག་ཆོ་ག་ཐམས་ཅད་ལ། །སྣ་ཚོགས་ལས་དང་ལྡན་པ་ཡི། །ཡང་དག་ཡིན་པ་མཆོད་པར་བྱ། །སྦྱིན་སྲེག་དེ་ཉིད་ལ་བསྐུལ་ཞིང་། །དང་པོར་དགང་བླུགས་བསྲེག་ཅིང་དབུལ། །ཕྱི་ནི་རིམ་བཞིན
iiif viewer powered by OpenSeadragon
