| e-texts navigator |
| Wylie |
325b1 དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་བྱང་ཆུབ་ཀྱི་སེམས་བསྒོམ་པའི་ཡེ་ཤེས་བསྒྲུབ་པའི་ལེའུ་སྟེ་དྲུག་པའོ།། །། སྦྱིན་སྲེག་དེ་ཉིད་ལ་གནས་པའི། །མེ་ནི་ལྷ་ཡི་ཞལ་ཡིན
325b2 པས། །སྣ་ཚོགས་ལས་རྣམས་གྲུབ་བྱེད་པའི། །སྦྱིན་བསྲེག་ལས་ནི་རབ་ཏུ་བཤད། །སྦྱིན་བསྲེག་གིས་ནི་ལྷ་རྣམས་ཚིམ། །ཚིམ་པར་གྱུར་ནས་དངོས་གྲུབ་སྟེར། །གསང་སྔགས་ལྷག་ཆད་གང་ཡིན་པ། །ཐམས་ཅད་སྦྱིན་སྲེག
325b3 དག་གིས་བསྐོངས། །དེ་ཕྱིར་སྐུ་གསུམ་ཆོས་མཆོག་གིས། །སྦྱིན་སྲེག་རབ་ཏུ་བསྔགས་པར་མཛད། །ཙུབ་ཤིང་ལས་ནི་བྱུང་བའི་མེ། །དགེ་བ་ཡི་ནི་ལས་རྣམས་བྱེད། །གདོལ་པའམ་དུར་ཁྲོད་བྱུང་བ་ཡི། །མེ་ནི་ལས་རྣམས་རབ
325b4 ཏུ་བསྒྲུབ། །ཐབ་ཁུང་ཟླུམ་པོ་གྲུ་བཞི་དང་། །ཟླ་གམ་དང་ནི་ཟུར་གསུམ་དང་། །དཀྱིལ་འཁོར་གྱི་ནི་ཁ་ཁྱེར་ལ། །རྡོ་རྗེ་མཚན་མ་དག་གིས་བརྒྱན། །སྦྱིན་སྲེག་དེ་ཉིད་ཚུལ་རིག་པས། །ཐབ་ཁུང་རྣམས་ཀྱི་དབུས་སུ་ནི། །པད་མའི་སྟེང
325b5 གནས་གཙུག་ཏོར་དང་། །རྡོ་རྗེ་རིན་ཆེན་པད་མ་བཞག་།ཇི་ལྟར་དམིགས་པས་གདུགས་ནས་སུ། །ལག་གཉིས་པུས་མོའི་བར་བཞག་སྟེ། །དགང་གཟར་མར་གྱིས་བཀང་ནས་ནི། །བླུགས་གཟར་བཀང་སྟེ་དེ་བཞིན་བསྲེག་།སྦྱིན
325b6 སྲེག་ལ་དགོས་གཡས་སུ་བཞག་། གཡོན་དུ་ཆུ་ཡི་སྣོད་དགོད་དོ། །ལས་ཀུན་བྱེད་པས་བཟླས་ནས་སུ། །བསང་གཏོར་དང་ནི་འཐོར་འཐུང་བྱ། །ཀུ་ཤ་རྩེ་མོ་རྣོན་པོ་ཡིས། །ཐབ་ཁུང་ཁོར་ཡུག་བསྐོར་བར་བྱ། །མེ་ནི་འབར་བར་ཤེས
325b7 པ་དང་། །གཡས་པ་མི་འཇིགས་ཐོབ་སྤྱོད་ཅིང་། །གསང་སྔགས་འདིས་ནི་ཆོ་ག་བཞིན། །མེ་ཡི་ལྷ་ནི་སྤྱན་དྲང་ངོ་། །ཚུར་སྤྱོན་ཚུར་སྤྱོན་འབྱུང་པོ་ཆེ། །ལྷ་ཡི་དྲང་སྲོང་བྲམ་ཟེ་མཆོག་།བསྲེག་བླུགས་ཞལ་ཟས་བཞེས་ནས་ཀྱང་། །
325b8 འདི་ཉིད་དུ་ནི་བཞུགས་སུ་གསོལ། །ོཾ་ཨགྣ་ཡེ་ཨཱ་དི་བྱ་ཨཱ་བཱི་ཤེ་ཨཱ་བཱི་ཤེ་མ་ཧཱ་ཤྲི་ཡེ་ཧཱ་བྱ་ཀཱ་བྱ་བཱ་ཧ་ནཱ་ཡ་སྭཱ་ཧཱ། ཕྱག་གཡོན་རྡོ་རྗེ་བསང་གཏོར་ཏེ། །མཆོད་ཡོན་མཆོད་པ་རྣམ་ལྔ་དབུལ། །མེ་ཡི་ཕྱོགས་ནས་བོད་པ་ནི། །
iiif viewer powered by OpenSeadragon
