| e-texts navigator |
| Wylie |
323a1 ལོ་རིན་པོ་ཆེ། །པད་མ་རལ་གྲི་གཡོན་པའོ། །དེ་ཉིད་གསུམ་གྱི་ཚུལ་གྱིས་ན། །ཅི་ཙམ་ནུས་པར་བཟླས་པར་བྱ། །སྐྱོ་ན་ཡིད་ཀྱིས་དྲངས་ནས་ནི། །དེ་དག་ཐམས་ཅད་སྙིང་གར་གཞུག་།མཉམ་པ་ཉིད
323a2 ཀྱི་གནས་འདུག་ན། །ལུས་ཀྱིས་ཇི་ཙམ་བསྐྱོད་པ་དང་། །ཚིག་ཏུ་རབ་ཏུ་འཕྲོ་བའི་རྣམས། །དེ་དག་སྔགས་དང་ཕྱག་རྒྱར་འགྱུར། །རྟག་ཏུ་བསྒོམ་པའི་སྦྱོར་བས་ནི། །དེ་ལ་སེམས་དཔའི་གཞན་མ་ཡིན། །རྣལ
323a3 འབྱོར་ངོ་བོ་གཟུགས་ཅན་ལ། །ལྷ་མོ་རྣམས་ཀྱང་དེ་ལ་འཛིན། །དབང་པོ་ལམ་དུ་གང་གྱུར་པ། །དེ་དང་དེ་ཡི་ངོ་བོ་དག་།ཤིན་དུ་མཉམ་གཞག་སྦྱོར་བས་སུ། །བདག་ཉིད་ལྷག་པའི་ལྷར་བྱའོ། །དཔལ་རྡོ་རྗེ་སྙིང་པོ
323a4 རྒྱན་གྱི་རྒྱུད་ལས་ལྷའི་ལེའུ་སྟེ་ལྔ་པའོ། ། །། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་སྐུ་དང་གསུང་དང་ཐུགས
323a5 རྡོ་རྗེའི་དེ་བཞིན་གཤེགས་པ་ལ་དེ་བཞིན་གཤེགས་པ་ཐམས་ཅད་དང་། །བྱང་ཆུབ་སེམས་དཔའ་ཐམས་ཅད་ཀྱིས་ཚིག་མཐུན་པར་སྒྲ་དབྱངས་གཅིག་གིས་གསོལ་བ་བཏབ་པ། བཅོམ་ལྡན་དེ་བཞིན་གཤེགས་ཀུན
323a6 གྱི། །ཡེ་ཤེས་གཅེས་པ་དྲི་མེད་པ། །བྱང་ཆུབ་སེམས་ནི་རིན་པོ་ཆེ། །བླ་ན་མེད་པ་བཤད་དུ་གསོལ། །དེ་ནས་བཅོམ་ལྡན་འདས་ལ་དེ་བཞིན་གཤེགས་པ་ཐམས་ཅད་ཀྱིས་གསོལ་བ་བཏབ་པར་ཐུགས་སུ་ཆུད་ནས
323a7 བྱང་ཆུབ་སེམས་དཔའ་རྣམས་ལ་འདི་སྐད་ཅེས་བཀའ་སྩལ་ཏོ། །སེམས་ནི་ལུས་ཀྱི་རྣམ་པ་ཡིན་ལ། ལུས་ཀྱང་སེམས་ཀྱི་རྣམ་པ་ཡིན་ཞིང་སེམས་ཀྱང་ཚིག་གིས་རབ་ཏུ་བརྗོད་པ་ཡིན་ནོ། །དེ་ནས་བྱང་ཆུབ
323a8 སེམས་དཔའ་དེ་དག་གིས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྦྱོར་བ་ཐོབ་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ཀྱེ་མ་ཀུན་དུ་བཟང་པོ་འདི། །སྐུ་གསུང་ཐུགས་ཀྱི་རྡོ་རྗེ་ཅན། །ཆོས
iiif viewer powered by OpenSeadragon
