| e-texts navigator |
| Wylie |
322b1 སྦྱོར་བས་ན། །སྒྲ་རྣམས་ཐམས་ཅད་ཤེས་པ་དེ། །རྣ་བའི་རྣམ་ཤེས་དེ་བཞིན་འགྱུར། །ནམ་མཁའི་སྙིང་པོ་བདག་ཉིད་ཆེ། །སྣ་ཡི་རྣམ་ཤེས་སྦྱོར་བས་ན། །སངས་རྒྱས་ཤངས་ནི་བདག་ཉིད་ཤེས། །དེ་ཡང་དེ་ཡི
322b2 ངོ་བོར་འགྱུར། །འཇིག་རྟེན་དབང་པོར་རབ་ཆགས་པ། །རྡོ་རྗེ་ལྕེ་ཡི་སྦྱོར་བས་སུ། །རོ་ཡི་དངོས་པོ་མྱོང་བ་དེས། །སྐད་ཅིག་གཅིག་ལ་དེ་རུ་འགྱུར། །བློ་ལྡན་སྒྲིབ་པ་ཐམས་ཅད་ནི། །རྣམ་པར་སེལ་བའི་མིང་དང་ལྡན། །
322b3 ཉོན་མོངས་ཐམས་ཅད་རྣམ་པར་སེལ། །ཉེ་བའི་ཉོན་མོངས་པ་ཡང་འཇིག་།མེ་ལོང་གི་ནི་རྣམ་པ་ལྟར། །རྟེན་པའི་ཚུལ་གྱིས་འབྱུང་བ་ནི། །གཟུགས་བརྙན་གྱི་ནི་སྦྱོར་བས་སུ། །སྐད་ཅིག་གིས་ནི་དེ་རུ་འགྱུར། །
322b4 བཅོམ་ལྡན་རྡོ་རྗེ་སེམས་དཔའ་ལ། །རྣམ་པ་བཅུ་དང་དྲུག་ཏུ་ཡང་། །སྦྱོར་བ་དེ་ནི་བྱིན་བརླབས་ནས། །སྔགས་པས་དེ་ནི་སེམས་ལ་གཞུག་།ཁྲོ་བོ་ལྕགས་ཀྱུ་དཔུང་པ་ཡིས། །ཞགས་པ་ལྟ་བུ་གཉིས་པའོ། །
322b5 ལུ་གུ་རྒྱུད་ཀྱི་ཁ་སྤྲད་གསུམ། །རྒྱལ་མཚན་གཞུག་པར་ཁྱབ་པར་བཞག་།དེ་ལྟར་དོན་རྣམས་རབ་ཏུ་ཞུགས། །སངས་རྒྱས་ཀུན་གྱི་ངོ་བོར་བདག་།རྡོ་རྗེ་ཕྱག་རྒྱ་དང་ལྡན་པ། །གཡོན་པ་དྲིལ་བསྣམས་སྟ་ཟུར་བརྟེན། །
322b6 རྡོ་རྗེ་སེམས་དཔའ་དེ་གནས་འགྱུར། །རྣལ་འབྱོར་ཆེན་པོ་དཀར་བའི་གཟུགས། །དཀར་དང་མཐིང་ག་དམར་པོའི་དབུ། །སྟོང་ཉིད་ལ་སོགས་བདག་སྦྱོར་བ། །རྡོ་རྗེ་སེམས་དཔའ་ཞེས་སུ་སྨྲ། །རྡོ་རྗེ་ཕྱག་རྒྱ་རྗེས
322b7 སུ་ཆགས་པ་ལ། །ོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོུ྅ཧ~ཾ། །སངས་རྒྱས་མཆོད་པ་ལ། ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་བ་ཨཱཏྨ་ཀོུ྅ཧ~ཾ། རང་གི་དཀྱིལ་འཁོར་སྔ་མ་བཞིན། །མདུན་དུ་བསམས་ན
322b8 ཨས་ནམ་མཁའ་ལ། །ཁྱབ་པའི་སྦྱོར་བས་གཅིག་བྱས་ཏེ། །དཀྱིལ་འཁོར་སྔ་མ་བཞིན་བསམས་བཟླས། །བཅོམ་ལྡན་མི་མཉམ་གཞུག་ཅིང་བཞུགས། །རྡོ་རྗེ་ཕྱག་རྒྱ་ཐུགས་ཀར་བསྣམས། །གཡས་པར་འཁོར
iiif viewer powered by OpenSeadragon
