| e-texts navigator |
| Wylie |
322a1 སེམས་ནི་དེ་རུ་ཞུགས་པར་བསམ། །མི་བསྐྱོད་པ་ནི་བདག་ཉིད་ཆེ། །དབང་པོའི་ལམ་དུ་བྱུང་ནས་སུ། །དང་བའི་དཀྱིལ་འཁོར་གྱིས་ནི་བརྒྱན། །བདག་ཉིད་གཅིག་ཅིང་གཅིག་འགྱུར་བ། །སྐད་ཅིག་གིས
322a2 ནི་བརྟག་པར་བྱ། །ཁྱོད་ནི་རྡོ་རྗེ་སེམས་ཞེས་བྱ། །དེ་ལ་སོགས་པས་བསྟོད་པར་བྱེད། །དེ་ནས་རྣམ་སྣང་མཛད་ལ་སོགས། །རང་གི་སྙིང་གར་རབ་ཏུ་བཟུང་། །གཟུངས་རྣམས་ཀྱི་ནི་རང་བཞིན་དུ། །རྣམ་པར་སྣང་མཛད
322a3 ཐུབ་པ་བཞུགས། །ཚོར་བ་རིན་ཆེན་མགོན་པོ་ཡིན། །མཐའ་ཡས་འོད་ནི་འདུ་ཤེས་སུའོ། །འདུ་བྱེད་ཀུན་དུ་གདོན་མི་ཟ། །མི་བསྐྱོད་པ་ནི་ཕུང་པོ་ལྔར། །དེ་བཞིན་གཤེགས་པ་ལྔ་རྣམས་ནི། །སྔགས་འདི་རྣམས་ཀྱིས
322a4 བཞུགས་པར་བསམ། །ས་ཡི་ཁམས་ཀྱི་རང་བཞིན་དུ། །དེ་ནས་སྤྱན་ནི་བཞུགས་བྱ་སྟེ། །རྣལ་འབྱོར་ཡིད་ཀྱིས་བསམ་པ་ནི། །དེ་ཡང་སྤྲོ་བར་གནས་པར་བསམ། །མཱ་མ་ཀཱི་ཡང་ཆུ་ཡི་ཁམས། །བརླན་ཞིང་ཁྲག་ནི་རྒྱུ
322a5 བའི་ཕྱིར། །རྣལ་འབྱོར་པས་ནི་ཡིད་ཀྱིས་བསམ། །དེ་ཡི་ལུས་ནི་རྒྱས་པར་འགྱུར། །མེ་ཡི་ཁམས་ཀྱི་རང་བཞིན་དུ། །གོས་དཀར་མོ་ཡང་གཞུག་པར་བྱ། །ཀུན་དུ་ཁྱབ་པར་བཞུགས་པ་ཡི། །འོད་རྣམས་སུ་ནི་དེར
322a6 འགྱུར་རོ། །སྒྲོལ་མ་རླུང་གི་རང་བཞིན་དུ། །ཞུགས་པར་དེ་ནི་བསམ་པར་བྱ། །རླུང་ནི་རྣམ་པ་ལྔ་རུ་འགྱུར། །དེ་བཞིན་ཡིད་མགྱོགས་རྫུ་འཕྲུལ་འགྲུབ། །རྡོ་རྗེ་དབྱིངས་ཀྱི་དབང་ཕྱུག་མ། །ནམ་མཁའི་རང་བཞིན་དག་ཏུ
322a7 འཇུག་། དེ་ལུས་ཁོང་སྟོང་ཉིད་ལ་ནི། །རང་སེམས་ཡོན་ཏན་བསྒོམ་པའི་སེམས། །ནམ་མཁའི་དབྱིངས་ཀྱི་རྣལ་འབྱོར་གྱིས། །སངས་རྒྱས་སྒྱུ་མའི་སྦྱོར་བས་སུ། །དག་པའི་བདག་ཉིད་ཅི་འདོད་པར། །དེ་ནས
322a8 རི་རབ་ཕུལ་ནས་འགྲོ། །ས་ཡི་སྙིང་པོ་བདག་ཉིད་ཆེ། །སངས་རྒྱས་སྤྱན་ནི་བདག་ཉིད་དེ། །མིག་གི་ཕྱོགས་སུ་ཞུགས་ནས་ནི། །འཕྲུལ་གྱི་མིག་ཏུ་རྟག་ཏུ་འགྱུར། །ཕྱག་ན་རྡོ་རྗེ་བདག་ཉིད་ཆེ། །རྣ་བའི་རྣམ་ཤེས
iiif viewer powered by OpenSeadragon
