| e-texts navigator |
| Wylie |
321b1 རིན་ཆེན་གཡོན་པ་ན། །ཟླ་བའི་དཀྱིལ་འཁོར་དབུས་གནས་པ། །བྱང་གི་གནས་སུ་བསམ་པར་བྱ། །སྔགས་པས་ཕྱག་དྲུག་བསམ་པ་ནི། །སྤྱན་དེ་ཞལ་གསུམ་དཀར་མོ་ཡི། །རྣམ་པར་སྣང་མཛད་ཕྱག་རྒྱ་བཞིན། །དེ་ཡི་དོན་དུ་རྣམ་པར
321b2 བསྒོམ། །མཱ་མ་ཀཱི་ཡང་བསམ་པ་ནི། །ུཏྤལ་དང་ནི་བསམ་བ། །ཞལ་གསུམ་ཕྱག་དྲུག་ཆགས་པ་སྟེ། །མི་བསྐྱོད་ཕྱག་རྒྱ་མཆོག་འཛིན་པའོ། །ཆགས་པས་ཆགས་པ་རིགས་ཀྱི་སྔགས། །ཞལ་གསུམ་ཕྱག
321b3 དྲུག་དགེ་བ་སྟེ། །སྦྱོར་བའི་ས་ནི་དཀར་མོ་བསམ། །པད་མ་རཱ་གའི་ཕྱག་རྒྱའོ། །སྒྲོལ་མ་ཁ་དོག་སེར་མོ་སྟེ། །འཁྲིལ་བག་རྒྱན་གྱིས་རབ་ཏུ་བརྒྱན། །ཞལ་གསུམ་ཕྱག་དྲུག་རབ་ཏུ་བསམ། །ཐོགས་མེད་རྒྱལ་པོའི་ཕྱག་རྒྱའོ། །
321b4 སྒོ་བཞི་སྒོ་སྲུངས་དགོད་བྱ་བ། །སྒོ་རྣམས་སུ་ནི་ཁྲོ་བོ་བསམ། །ཁྲོ་བོ་ཆེན་པོ་གཤིན་རྗེའི་གཤེད། །གཞན་གྱིས་མི་ཐུབ་དེ་བཞིན་ཏེ། །ཐུབ་པར་དཀའ་བ་རྟ་མགྲིན་དང་། །ཁྲོ་བོ་བདུད་རྩི་འཁྱིལ་པ་བསམ། །དེ་དག་ཀུན
321b5 ཀྱང་ཞལ་གསུམ་པ། །དྲག་ཅིང་དྲག་པོར་གནོན་པའོ། །མཐིང་ག་སེར་པོ་དེ་བཞིན་དམར། །ལྗང་གུ་དག་ནི་ཁ་དོག་ཏུའོ། །མཚོན་ཆ་སྣ་ཚོགས་འཛིན་པ་སྟེ། །ཐོད་པའི་ཕྲེང་ཐོགས་དེ་བཞིན་ནོ། །གདོན
321b6 རྣམས་ཐམས་ཅད་སྐྲག་བྱེད་པ། །གནོད་སྦྱིན་སྲིན་པོ་འཕྲ་མེན་མ། །མ་ཧེ་སེང་གེ་སྟག་རྣམས་དང་། །བ་ལང་ཞོན་པ་རྣམས་བཞིའོ། །རྣམ་པར་འགྱུར་བའི་ཁྲོ་གཉེར་ཅན། །ཁྲོ་བོ་སྤྱན་ནི་ཀུན་ནས་བསྡུས། །
321b7 སྔགས་འདི་རྣམས་ཀྱིས་བསམ་པ་ནི། །གཤིན་རྗེའི་གཤེད་ལ་སོགས་པའོ། །སྔགས་ཀྱི་དེ་ཉིད་རྗེས་འཐུན་པར། །སྔགས་པའི་དཀྱིལ་འཁོར་བསྒྲུབས་ནས་སུ། །
321b8 ས་ཡི་སྙིང་པོ་ལ་སོགས་པ། །སེམས་དཔའ་རྣམས་ནི་དེར་གནས་བསམ། །ལུས་དང་ངག་དང་སེམས་དེ་ཉིད། །ཧཱུ~ཾ་ཞེས་བྱ་བའི་ཡི་གེ་མཆོག་།
iiif viewer powered by OpenSeadragon
