| e-texts navigator |
| Wylie |
320a1 དུ་བརྒྱན། །དེ་བཞིན་གཤེགས་པ་ཀུན་གྱི་རྗེ། །ནན་ཏན་བླ་མ་དབུལ་བྱ་བ། །སྣ་ཚོགས་རྡོ་རྗེའི་རིགས་ཡིན་ནོ། །དེ་རྣམས་བཞི་དང་འགྱུར་བ་དང་། །མི་འགྱུར་བ་ཡི་བྱེ་བྲག་གིས། །གསུམ་དུ་ཤེས་བྱ་བླ
320a2 མ་ལ། །བློ་ལྡན་རྡོ་རྗེ་སློབ་མ་ཡིས། །ཅི་སྟེ་བདེ་བ་ཀུན་འདོད་ན། །དད་མོས་སེམས་ཀྱིས་དབུལ་བར་བྱ། །ཡིད་ལ་གང་བསམས་མ་ཕུལ་ལམ། །ཁས་བླངས་དེ་ནི་མ་ཕུལ་ན། །ཡི་དགས་དམྱལ་བ་རྣམ་གཉིས་སུ། །
320a3 ངེས་པར་སྐྱེས་ཏེ་བརླག་པར་འགྱུར། །དེ་བས་དེ་རྣམས་རབ་ཕུལ་ནས། །གསོལ་བ་དག་ནི་རབ་ཏུ་གདབ། །རྡོ་རྗེ་དཀྱིལ་འཁོར་ཆེན་པོ་ཡི། །དཀྱིལ་འཁོར་དུ་ནི་བདག་ཞུགས་སོ། །སྦྱོར་བའི་དཀྱིལ་འཁོར་ཆེན་པོ་ཡི། །དཀྱིལ་འཁོར
320a4 དུ་ནི་བདག་ཞུགས་སོ། །སྦྱོར་བའི་དཀྱིལ་འཁོར་ཆེན་པོ་ཡི། །དཀྱིལ་འཁོར་བདག་གིས་དི་རིང་མཐོང་། །གསང་བའི་དཀྱིལ་འཁོར་ཆེན་པོ་ཡི། །དཀྱིལ་འཁོར་དུ་ནི་བདག་དབང་བསྐུར། །དེ་ནས་བླ་མ་དེ་ཡིས་ཀྱང་། །དེ་ལ་དབང
320a5 བསྐུར་སྦྱིན་བྱ་སྟེ། །དྲི་དང་མེ་ཏོག་ཕྲེང་བས་བརྒྱན། །བསྒྲིམས་ཏེ་ཡང་དག་བརྟག་པར་བྱ། །དང་པོ་ལ་ནི་བུམ་པའི་དབང་། །གཉིས་པ་ལ་ནི་གསང་བའི་དབང་། །གསུམ་པ་ཤེས་རབ་ཡེ་ཤེས་ཏེ། །བཞི་པ་དེ་ཡི་ཡེ་ཤེས་ཏེ། །
320a6 བླ་མ་ལས་ནི་ཐོབ་པའོ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་ཕན་ཡོན་དང་བཅས་པར་དབང་བསྐུར་བའི་ལེའུ་སྟེ་བཞི་པའོ།། །། གང་གི་ཐབས་ཀྱིས་རིགས་ལྔའི་དོན། །རང་གི
320a7 དོན་གྱུར་ཀུན་དུ་བཟང་། །འདི་དག་གཞན་ལ་རབ་བདེའི་ཕྱིར། །རྡོ་རྗེ་སེམས་དཔའི་སྒྲུབ་ཐབས་བཤད། །ཡིད་འོང་དབེན་པའི་ས་ཕྱོགས་སུ། །ཅི་བདེར་གནས་ལ་ནམ་མཁའ་ཀུན། །སེམས་ཀྱིས་ཁྱབ་པར་བྱས་ནས་སུ། །
320a8 རྣལ་བརྟགས་ཨེ་མའོ་འཇིག་རྟེན་ཀུན། །སྡུག་བསྔལ་ཆོས་ཀྱིས་ཀུན་ནས་གཙེས། །བྱང་ཆུབ་སེམས་ཉམས་སེམས་ཅན་རྣམས། །ཀུན་ལས་འབྱུང་ཞེས་དམ་བཅས་པའི། །སྔགས་པས་སྤྱི་བོར་བཞག་པ་ནི། །ཱཿ
iiif viewer powered by OpenSeadragon
