| e-texts navigator |
| Wylie |
31b1 རྣམ་པ་གསུམ་གྱི་འགུགས་པར་བྱེད། །པད་མ་གཟུགས་ལྡན་གྱུར་པས་མཛོད། །རྟག་སྦྱོར་རྒྱུན་དུ་རྣལ་འབྱོར་པས། །མར་མེ་གཡོ་མེད་གནས་པ་བཞིན། །སྔོན་གསུངས་ལྷ་ཡི་ལྷ་དབང་ཕྱུག་།སྐྱ་རེངས་དམར་པོ་དང་མཚུངས་འོད། །
31b2 མཚན་མོ་ཕྱེད་ཀྱི་དུས་གནས་ལ། །རྣལ་འབྱོར་ཉིད་ནི་ཡང་དག་སྤྱད། །དེ་ཡི་གཟུགས་འཛིན་ལུས་ལ་ནི། །ཡང་དག་སྔོན་དུ་བཀོད་པ་ཡིས། །ཞགས་པ་ལྕགས་ཀྱུ་འཛིན་པའི་ལྷ། །བསྒྲུབ་བྱའི་ལུས་ལ་ཡང་དག་བླང་། །
31b3 ཐམས་ཅད་བླ་མའི་ཞལ་ལ་གནས། །ཞགས་པ་ལྕགས་ཀྱུའི་འོད་ཟེར་གྱིས། །དེ་ལས་ལྕགས་ཀྱུ་བསྣུན་ནས་ནི། །ཞགས་པ་ཡིས་ནི་འགུགས་པར་བྱེད། །རྣམ་པར་མྱོས་ཤིང་ལུས་ནི་དམར། །ཡང་དང་ཡང་དུ་བརྒྱལ་གྱུར་ཏེ། །
31b4 བུ་ག་སྒོ་དགུ་ནས་བསྣུན་ནས། །ཁྲག་ནི་རབ་ཏུ་འབབ་པར་བྱེད། །སྒྲིབ་པ་མེད་པར་དང་མཚུངས་པར། །རང་ལུས་རྣམ་པར་བལྟ་བར་བྱ། །དེ་ཡི་དབུས་ལས་བཞེངས་པའི་སྔགས། །ཡི་གེའི་དབང་པོ་དང་པོར་བསམ། །
31b5 འབར་ཞིང་འབར་བ་ལྟ་བུ་ཡིས། །ཁ་ཡི་སྒོ་རུ་སྔོན་འདོད་རོལ། །པད་མའི་གཟུགས་འཛིན་དེ་ཡང་ནི། །ཁ་ཡི་ནང་ནས་ངེས་པར་འབྱུང་། །བསྒྲུབ་བྱའི་ཁ་རུ་ཐིམ་གྱུར་ཏེ། །ཇི་སྲིད་དེ་སྙིང་ཆུ་སྐྱེས་ལ། །གང་ཞིག
31b6 དེ་ཡི་སྙིང་གནས་པ། །འདིར་ནི་དེའི་སྙིང་ཀུན་ནས་ཕྲོགས། །མེར་མེར་པོར་ནི་བླངས་པ་ཡིས། །སྒྲོལ་མའི་གཟུགས་བཞིན་ཡིད་འཕྲོག་པ། །དེ་ནི་གསུམ་པས་ཆོ་ག་བཞིན། །རླུང་གི་ལོ་མ་གཡོ་བ་ལྟར། །རང་གི་ཁྱིམ་དུ་རིམ
31b7 པར་བསྒོམ། །གཅིག་གི་ངོ་བོར་གྱུར་པ་མཆོག་།ལྷ་དང་ལྷ་ཡི་བསྒྲུབ་པའི་ཐབས། །མཚན་མོ་མདུན་དུ་བསྒྲུབ་པར་བྱ། །བྲན་གྱི་ངོ་བོས་འཇུག་འགྱུར་ཞིང་། །འཚོ་བ་དང་ནི་ནོར་གྱིས་ཀྱང་། །ས་སྟེངས་འཇིག་རྟེན་སླར་ཅི་སྨོས། །
31b8 འགྲུབ་འགྱུར་འདི་ལ་ཐེ་ཚོམ་མེད། །སྔགས་ཀྱི་དབང་པོ་བསྒྲུབ་པ་པོས། །རང་དབང་མེད་རྣམས་སྦྱར་མི་བྱ། །སྔགས་ཀྱི་རྒྱལ་དབང་བཟླས་བྱས་པས། །རྒྱལ་སྲིད་སྒྲུབ་པ་དེ་མཆོག་གོ། གཞན་དུ་གང་གིས་རབ་བསྒྲུབས་ན། །བུད་མེད་འདོད
iiif viewer powered by OpenSeadragon
