| e-texts navigator |
| Wylie |
319b1 བ་མཉམ་པར་འཇུག་པ་ཡི། །སྦྱོར་དང་ལྡན་པས་དབང་བསྐུར་བྱ། །རྡོ་རྗེ་པད་མོ་ལས་དྲང་བ། །སྦོམ་པོ་མཐའ་ལྟག་རྩེ་སྦྱར་ནས། །རྐན་དུ་རྡོ་རྗེ་བཞག་པར་བྱ། །ཀྱེ་མའོ་བདེ་བ་བདེ་བ་ཆེ། །ཀྱེ་མའོ་དམ་ཚིག་བདེ་བརྗོད་ཅིང་། །
319b2 ཀྱེ་མའོ་བདེ་བ་བླང་བར་བྱའོ། །འདི་ནི་གསང་བ་ཞེས་བྱ་བའི། །དེ་དབང་བསྐུར་བའི་ཐབས་མཆོག་གོ། ཡང་ན་ཤིན་དུ་དད་ལྡན་པ། །གཟུགས་བཟང་སྒྲུབ་ལ་དགའ་བ་དང་། །སྦྱོར་གོམས་བླ་མ་ལ་ནི་དབུལ། །བླ་མས
319b3 བྱིན་བརླབས་ལྷ་མོ་དང་། །སྒྲུབ་པ་དེ་ལ་སྦྱིན་པར་བྱ། །དེ་ཡིས་བླངས་ནས་བརྩོན་པའི་ཚོགས། །ཅི་སྐད་གསུངས་བཞིན་རབ་བྱས་ནས། །རང་གི་ལྷ་དང་སངས་རྒྱས་དང་། །བྱང་ཆུབ་སེམས་དཔའི་ཚོགས་རྣམས་ཀུན། །
319b4 མཉེས་བྱེད་ཆོ་གས་སེམས་བརྟགས་ཏེ། །མངོན་སུམ་བདེ་བ་རང་འབྱུང་བ། །གཞན་གྱིས་གང་དུ་བསྒྲག་མི་ནུས། །གོ་བའི་ཡུལ་དེ་བདེ་བ་ཆེ། །བླ་མ་དེ་ལ་དབུལ་བར་བྱ། །བླ་མ་གཞན་ལ་དེ་བཞིན་དུ། །ཅི་དགའ་བར་ནི
319b5 ཡོན་ཡང་དབུལ། །སློབ་དཔོན་ཅུང་ཟད་ཅི་འདོད་པ། །ཡིད་ལ་བསམས་པ་དབུལ་བར་བྱ། །དམ་ཚིག་འདའ་བས་འཇིགས་པའི་ཕྱིར། །བསྒྲིམས་ཏེ་དེ་བཞིན་དབུལ་བར་བྱ། །སློབ་དཔོན་གྱི་ནི་ཡུལ་གྱི་མཆོག་།རིགས
319b6 ཀྱི་ཁྱད་པར་གྱིས་ནི་ལྔ། །བུམ་པའི་དབང་སོགས་དབྱེ་བ་ཡིས། །ཡང་ན་གསུམ་དུ་འགྱུར་བ་ཡིན། །རང་གི་མ་དང་སེང་གེ་གདན། །ཡོན་གྱི་མཆོག་སྟེ་སངས་རྒྱས་རིགས། །གསེར་དང་གླང་པོ་རིན་ཆེན་དང་། །སྲིང་མོ་བླ
319b7 མ་ལ་དབུལ་བ། །རྡོ་རྗེ་སེམས་དཔའི་རིགས་ཡིན་ཏེ། །ཡོན་དེ་ཡོན་གྱི་མཆོག་ཡིན་ནོ། །ཤིང་རྟ་རྟ་ནི་ཤིན་དུ་བརྒྱན། །རང་གི་ཆུང་མ་དབུལ་བྱ་སྟེ། །རིན་ཆེན་སྣ་ཚོགས་རྣམ་དག་པ། །ཡོན་དེ་རིན་པོ་ཆེ་ཡི་རིགས། །
319b8 མུ་ཏིག་ཕྲེང་བ་ཤིན་དུ་མཛེས། །བུ་མོ་རིན་ཆེན་འདྲ་བ་ཡིས། །བརྒྱན་ཏེ་བླ་མ་ལ་དབུལ་བ། །ཡོན་དེ་པད་མའི་རིགས་ཡིན་ནོ། །རྒྱལ་པོ་དང་ནི་དབང་ཕྱུག་དང་། །ཆུང་མ་འཕྲུལ་གྱི་བཞོན་པ་སོགས། །གླང་པོ་རྟ་ནི་ཤིན
iiif viewer powered by OpenSeadragon
