| e-texts navigator |
| Wylie |
318b1 པ་མངོན་པར་བསྔགས་པར་བྱ། །རྣམ་རྒྱལ་བུམ་པ་དཀྱིལ་འཁོར་གྱི། །བདག་པོ་ལྷ་མོ་རྣམས་ཀྱི་བཞི། །ལྷ་རྣམས་ཀྱི་ནི་བུམ་པ་བཞི། །སྒོ་ཡི་ཕྱོགས་ཀྱི་བུམ་པ་ནི། །ལས་ཀུན་བྱེད་པས་བཟླས་བྱས་ཏེ། །ཀུ་ཤའི་ཆུན་པོས་སེམས
318b2 ཅན་ཆེ། །འཇུག་པ་ཀུན་ལ་གཏོར་བར་བྱ། །ཡོན་དང་གཏོར་མ་མཆོད་ཕུལ་ནས། །དེ་དག་ཕྱི་གྲཝར་རབ་བཀོད་དེ། །གཡས་སུ་རྒྱལ་བ་སྤྱན་དྲང་ངོ་། །དེ་ནས་ལྷ་རྣམས་རབ་གནས་པའི། །བསམ་པའི་སྦྱོར་བས་བསམ་བྱ་སྟེ། །ཕྱག་རྒྱ
318b3 བྲལ་བའི་སྦྱོར་བ་ནི། །ལུས་ཅན་བྱིན་གྱིས་མི་རློབ་པས། །བུ་མོ་གཟུགས་བཟང་ལང་ཚོས་བརྒྱན། །དབང་ཐོབ་ལུས་རྒྱས་ཐོབ་པ་མོ། །གཡོན་མ་རྒྱན་གྱིས་རབ་བརྒྱན་ཏེ། །དེ་ཡིས་འཁོར་ལོ་སྤྲུལ་པར་བྱ། །དེ་ལ་མར་མེ་བརྒྱ
318b4 སོགས་པའི། །མཆོད་པ་ཕུལ་ནས་བསྟོད་བྱ་སྟེ། །བཤང་གཅི་ཁུ་བ་ཁྲག་རྣམས་ནི། །དུང་ཆེན་པོ་རུ་བཞག་བྱས་ཏེ། །ལྷ་རྣམས་ལ་ནི་དབུལ་བར་བྱ། །དེ་ནས་མཁའ་འགྲོ་གྲོང་མཆོག་ཏུ། །སློབ་མ་རྣམས་ནི་གཞུག་བྱ་སྟེ། །རྡོ་རྗེ
318b5 ཡེ་ཤེས་རབ་ཐོབ་པའི། །དེ་བཞིན་གཤེགས་པ་ཐམས་ཅད་ཀྱི། །ཕོ་བྲང་དཀྱིལ་འཁོར་དམ་པ་འདིར། །བདག་གིས་སློབ་མ་གཞུག་པར་བྱ། །དེ་ནས་སློབ་མ་དེ་ཡིས་ཀྱང་། །མེ་ཏོག་སྔགས་འདིས་གཏོར་བའོ། །ོཾ་པྲ་ཏཱ+ེཙྪ
318b6 བཛྲ་ཧོཿ་། དེ་ནས་ཚིག་འདིས་གདོང་གཡོགས་དགྲོལ། །དེ་རིང་དད་པའི་ཤུགས་ཀྱིས་ནི། །དཀྱིལ་འཁོར་དེང་འདིར་བལྟ་བར་བྱ། །སངས་རྒྱས་རིགས་སུ་ཁྱོད་སྐྱེས་སོ། །སྔགས་དང་ཕྱག་རྒྱས་ཁྱོད་བྱིན་བརླབ། །དངོས་གྲུབ་ཐམས
318b7 ཅད་ཕུན་སུམ་ཚོགས། །དམ་ཚིག་མཆོག་ཏུ་འགྲུབ་པར་བྱེད། །རྡོ་རྗེ་པད་མོ་རོལ་པའི་མཆོག་།སྔགས་ཀྱི་བདག་ཉིད་ཤེས་པར་བྱ། །པཱ་ཤ་བཛྲ། གང་དག་མེ་ཏོག་གསང་བ་སྟེ། །དེ་དེ་དེ་ཡི་ལྷ་ཡང་དག་།དེ་ཡི་སྦྱོར་བ་རབ་སྦྱིན་ཏེ། །
318b8 དེ་ཡི་ནན་ཏན་དུ་བསྒྲུབ་བོ། །དུང་ཆེན་བདུད་རྩི་ལྔ་བླུད་དེ། །དམྱལ་བའི་ཆུ་འདིས་ཁྱོད་ལ་ནི། །དམ་ཚིག་འདས་ན་བསྲེག་པར་བྱེད། །དམ་ཚིག་བསྲུངས་ན་དངོས་གྲུབ་པའི། །འཐུང་ཤིག་རྡོ་རྗེ་བདུད་རྩི་ཆུ། །བཛྲ་ཨུདྐ་ཐ། དེ་ནས
iiif viewer powered by OpenSeadragon
