| e-texts navigator |
| Wylie |
318a1 རྙེད་དཀའ་བའི། །སྔགས་ཀྱི་ཚོགས་རྣམས་ཇི་སྙེད་པ། །དེ་ཀུན་སྔོན་དུ་རྒྱས་པ་རུ། །གསང་བ་དང་ནི་འཇིགས་བྱེད་དང་། །བདེ་མཆོག་སོགས་ལ་ང་ཡིས་ནི། །ལས་དང་བཅས་པར་རབ་བཤད་པ། །རྣལ་འབྱོར་རྟོགས
318a2 པས་ཤེས་བྱའོ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་སྔགས་ཀྱི་ལེའུ་སྟེ་གཉིས་པའོ།། །། དེ་ནས་མཁའ་འགྲོ་གྲོང་ཁྱེར་མཆོག་།དཀྱིལ་འཁོར་འཇིགས་པ་བྲི
318a3 བར་བྱ། །ལས་ཀྱི་ཆོ་ག་ཤེས་པ་ཡིས། །ཅི་རིགས་པར་ནི་ལས་རྣམས་བྱ། །ཉི་ཤུ་རྩ་ལྔའི་སྲུང་བུ་ནི། །སེམས་མེད་ལས་བྱུང་བྱས་ནས་སུ། །བྱིན་རླབས་མི་བསྐྱོད་རྟག་པ་རུ། །བྱས་ཏེ་ཐིག་ནི་གདབ་པའོ། །གྲུ་བཞི་པ
318a4 ལ་སྒོ་བཞི་པ། །ཏྭ་ར་ཎ་བཞིས་བརྒྱན་པ་སྟེ། །དར་དང་མེ་ཏོག་ཕྲེང་བས་ཀླུབས། །སྲད་བུ་བཞི་དང་རབ་ལྡན་པ། །ཟུར་གྱི་ཆ་ནི་ཐམས་ཅད་དུ། །ཟླ་བ་རིན་ཆེན་རྡོ་རྗེ་དགོད། །ལས་ཀྱི་བྱེ་བྲག་ཤེས་པ་ཡིས། །བློ་དང་ལྡན་པས་ཕྱག
318a5 རྒྱ་དགོད། །ིནྡྲ་ནཱི་ལ་ལྟ་བུ་ཡི། །འཇིགས་བྱེད་རྡོ་རྗེ་དབུས་སུ་བྲི། །ཤར་དུ་རྩིབས་བརྒྱད་འཁོར་ལོ་དཀར། །ལྷོ་རུ་རིན་ཆེན་ཟུར་དགུ་ལྗང་། །ནུབ་ཏུ་འདབ་བརྒྱད་པད་མ་དམར། །བྱང་དུ་རལ་གྲི་སྔོན་པོ་བྲི། །མེ་ཡི་མཚམས
318a6 སུ་འཁོར་ལོ་སྔོན། །བདེན་བྲལ་ཨུཏྤལ་དམར་པོ་དང་། །རླུང་གི་མཚམས་སུ་པད་མ་དམར། །དབང་ལྡན་ཨུཏྤལ་སེར་པོ་སྟེ། །རྡོ་རྗེ་ཐོ་བ་ཤར་གྱི་སྒོ། །ལྷོ་ཡི་སྒོ་རུ་རྡོ་རྗེ་དབྱུག་།པད་མའི་སྡོང་བུ་ནུབ་ཀྱི་སྒོ། །བྱང་སྒོ་རྡོ་རྗེ་ཁ
318a7 བྱེ་བ། །སྦྱོར་བ་ལྡན་པས་དགོད་པར་བྱ། །རྣམ་པ་ཉི་ཤུ་རྩ་ལྔར་ནི། །ཚོན་རྩི་དག་ཀྱང་བསྒོམ་བྱ་སྟེ། །རྡུལ་ཚོན་ལྔ་ལ་སོགས་པ་རྣམས། །རིམ་པ་བཞིན་དུ་གདབ་པར་བྱ། །དེ་ནས་བུམ་པ་གཟུང་བྱ་བ། །རྩ་བ་ནག་ནོག་མེད་པ
318a8 ཡི། །ཞབས་བརྟན་མགྲིན་རིང་མཆུ་འཕྱང་བ། །ལྷ་ཡི་གྲངས་ཙམ་སྟ་གོན་གནས། །མགུལ་པར་རས་ཀྱིས་ཡང་དག་དཀྲིས། །ལྡུམ་བུ་ཡིས་ནི་ཁ་མཛེས་པ། །རིན་ཆེན་སྨན་འབྲུ་སྣ་ལྔ་དང་། །སྤོས་ཆུ་ཡིས་ནི་རབ་བཀང་ནས། །བུམ
iiif viewer powered by OpenSeadragon
