| e-texts navigator |
| Wylie |
317a1 མི་མཛད་དོ། །དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ཏེ་བརྗིད་པ་དང་བཅས་པར་གར་མཛད་ཅིང་ཞལ་འཛུམ་པ་དང་འདོར་བ་དང་བསྐུམ་པ་དང་། འགྱེད་པ་དང་སྤྱན་མཛེས་པས་སྨིན་རིངས་བསྐྱོད་ཅིང་བསྒྱུར་བ
317a2 དང་། པད་མའི་ཕྱག་གི་སོར་མོ་གཡས་གཡོན་གར་གྱི་ཕྲེང་བའི་ཚུལ་གྱིས་སའི་ངོས་ལ་ཞབས་འཕེན་ཞིང་སྒྱུར་བ་དང་། འདོར་ཞིང་བསྐུལ་བ་དང་འཇོག་ཅིང་འདེགས་པའི་རྣམ་པར་གནོན་པས་ནམ་མཁའི་དབྱིངས་འདི་ཐམས་ཅད་ཀུན
317a3 དུ་ཁྱབ་པར་མཛད་དེ། རླུང་གི་ཁམས་ཆེན་པོར་ཀུན་དུ་ཁྱབ་པར་མཛད། དེ་ལ་ཁྱབ་ནས་མེའི་ཁམས་ཆེན་པོར་ཀུན་དུ་ཁྱབ་པར་མཛད་དེ། དེ་ནས་ཆུའི་ཁམས་ཆེན་པོར་ཀུན་དུ་ཁྱབ་པར་མཛད། དེ་ནས་སའི་ཁམས་ཆེན་པོར་ཀུན་དུ་ཁྱབ
317a4 པར་མཛད་དོ། །དེ་ཡང་ཀུན་དུ་ཁྱབ་ནས་བཅོམ་ལྡན་འདས་བྱང་ཆུབ་ཀྱི་སེམས་ལ་ཀུན་དུ་ཁྱབ་པར་མཛད་དོ། །རི་དང་སེམས་ཅན་ཐམས་ཅད་དང་། །སྣ་ཚོགས་ཕྲ་བ་སྦོམ་པོ་དང་། །བུད་མེད་གཞོན་ནུ་རྒན་པོ་དང་། །སྐྱེས་པ་དང་ནི
317a5 མ་ནིང་དང་། །ལྷ་དང་ཀླུ་དང་གནོད་སྦྱིན་དང་། །གདོན་དང་སྐར་མ་གཤིན་རྗེ་དང་། །ཆུ་བདག་བརྒྱ་བྱིན་ལ་སོགས་དང་། །འབྱུང་དང་འབྱུང་འགྱུར་ཐམས་ཅད་ལ། །བཅོམ་ལྡན་འདས་ནི་བདེ་ཆེན་པོ། །ཀུན་དུ་བཟང་པོ་རྡོ་རྗེ་འཛིན། །ཀུན་དུ
317a6 ཁྱབ་པར་བྱས་ཏེ་གནས། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་རྡོ་རྗེ་མཁའ་འགྲོ་བྱིན་གྱིས་བརློབ་པའི་ལེའུ་སྟེ་དང་པོའོ།། །། དེ་ནས་གཞན་ཡང་བཤད་བྱ་བ། །ལས་ཀྱི་མཆོག་རྣམས་འགྲུབ་བྱེད་པའི། །
317a7 གསང་སྔགས་རྣམས་ནི་བཤད་པར་བྱ། །རྩེ་གཅིག་སེམས་ཀྱིས་མཉན་པར་བྱའོ། །ོཾ་ཨ་ཀཱ་རོ་མུ་ཁ~ཾ་སརྦ་དྷརྨཱ་ཎཱ~ཾ་ཨཱདྱཱ་ནུཏྤནྣ་ཏྭཱ་ཊ། གཏོར་མའི་སྔགས་སོ། ། ཨཱ། ཨཱི་ཨི། ཨཱུ་ཨུ། ཨེ་ཨཻ། ཨོ་ཨཽ།
317a8 ཨ~ཾ་ཨཿ་བུད་མེད་དོ། །རཱི་རི། ལཱི་ལི། མ་ནིང་ངོ་། །ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། སྐྱེས་པའི་འོ། །ཡ་ར་ལ་ཝ་འབྱུང་བའི་འོ། །ཥ་ཤ་ས་ཧ། འཇིགས་པ་ལ་སོགས་པའོ།
iiif viewer powered by OpenSeadragon
