| e-texts navigator |
| Wylie |
314a1 བཤད་པར་བྱ། །དགའ་མ་སེམས་ཀྱིས་རྩེ་གཅིག་ཉོན། །དཀྱིལ་འཁོར་ལུས་ཤེས་གསུངས་པ་སྟེ། །དཀྱིལ་འཁོར་བྷ་གར་བསྟན་པ་ཡིན། །དཀྱིལ་འཁོར་བྱང་ཆུབ་སེམས་དང་ནི། །དཀྱིལ་འཁོར་གསུམ་དུ་བཏགས་པ་ཡིན། །བཏགས་པ་རྣམས་ཀྱང
314a2 འདུས་པ་སྟེ། །གང་དུ་གཙོ་བོ་སྐྱེད་པར་བྱེད། །ཕུང་པོ་རྣམས་ནི་སངས་རྒྱས་གསུངས། །འབྱུང་བ་རིག་མར་བཏགས་པའོ། །ཆག་པ་ལྕགས་ཀྱུ་ཁོ་ན་སྟེ། །ཞགས་པ་པད་མར་ཆུད་བྱེད་པ། །ཁ་ཕྲད་པ་ནི་སྒྲགས་ཡིན་པར། །སྒྲ་བསྒྲགས་པ་ནི་དྲིལ་བུར་བཤད། །
314a3 སྤོས་ནི་དྲི་ཆེན་ཞེས་གསུངས་ཏེ། །མེ་ཏོག་རཀ་ཏ་ཞེས་འདོད་དོ། །མར་མེ་ཤ་རྣམས་ཁོ་ན་ཡིན། །དྲི་ནི་བྱང་ཆུབ་སེམས་ཞེས་འདོད། །སྒེག་མོ་ལིངྒར་བསྟན་པ་སྟེ། །ཕྲེང་བ་བྷ་ག་ཁོ་ན་ཡིན། །དབྱངས་མ་དབུགས་སུ་བསྟན་པ་དང་། །གར་མཁན་མ་ནི
314a4 རྣལ་འབྱོར་ཏེ། །བཅོམ་ལྡན་འདས་ཀྱིས་བཟང་པོར་གསུངས། །དེ་རྟོགས་པ་ནི་སྐལ་བཟང་ཡིན། །རྟོགས་པ་དེ་རྣམས་བྱམས་པ་སོགས། །དེ་ལྟར་ནང་གི་བདག་ཉིད་གསུངས། །དཀྱིལ་འཁོར་གཞན་ནི་སྔོན་བཤད་ཟིན། །སྦྱིན་སྲེག་ལས་ནི་བཤད
314a5 པར་བྱ། །ཉོན་ཅིག་སྦྱིན་སྲེག་རྣམ་པ་བཞི། །སྦྱིན་སྲེག་ཕྱི་དང་ནང་གསུངས་ཏེ། །ཕྱི་ནི་སྔོན་དུ་བསྟན་པ་ཡིན། །ཉོན་ཅིག་ཁྱོད་ཀྱིས་ནང་གི་ནི། །པད་མ་བཞི་རྣམས་འབྱོར་པ་ནི། །ལུས་ཀྱི་དབུས་སུ་ཉེ་བར་གནས། །མེ་དང་དེ་བཞིན་རླུང་དང་ནི། །
314a6 དབང་ཆེན་དང་ནི་ཆུ་དེ་བཞིན། །རླུང་གིས་མེ་ནི་འབར་བྱས་ཏེ། །ཆུ་ཡི་ཡོངས་སུ་སྨིན་པར་བྱེད། །དབང་ཆེན་དཀྱིལ་འཁོར་ལས་བྱུང་བ། །གང་དུ་མེ་ནི་བསྐྱོད་པའོ། །ར་ཡིག་མངོན་སྤྱོད་ཡི་གེ་སྟེ། །ཡ་ཡིག་དབང་གི་ལས་ཁོ་ན། །ལ་ཡིག
314a7 རྒྱས་པར་འགྱུར་བ་སྟེ། །བ་ཡིག་ཞི་བ་ཞེས་གསུངས་སོ། །གང་ཞིག་ཟས་དང་བཏུང་བ་ནི། །དེ་དག་ཐམས་ཅད་ཆུ་ལ་སྟེ། །པད་མར་ཀྵཿཡིག་ཁ་མར་ལྟ། །སྙིང་གི་པད་མར་བཙུད་པར་བྱ། །ལྟེ་བའི་པད་མར་འགྲོ་ཕྱི་རོལ། །
314a8 ཁ་སྦྱོར་ཚུལ་གྱི་སྦྱོར་བ་ཡིས། །གསང་བའི་པད་མར་འགྲོ་མ་ཐག་།ཐལ་བར་མཐའ་རུ་རྣམ་པར་བསྟོན། །དེ་ལྟར་སྦྱིན་བསྲེག་བདག་བཤད་པ། །ཉིན་དང་ཉིན་དུ་བྱ་བ་སྟེ། །རྟག་པར་རྒྱུན་དུ་ཟས་ཟོས་ན། །ཚེ་འདི་ཁོ་ནར་འགྲུབ
iiif viewer powered by OpenSeadragon
