| e-texts navigator |
| Wylie |
312b1 ཀུན་གྱིས་བཏུད་ནས་སུ། །ཐལ་མོ་སྙིང་གར་སྦྱར་བྱས་ཏེ། །རྡོ་རྗེ་སེམས་དཔའ་ལ་གསོལ་པ། །ཆོས་ཀྱི་དབྱིངས་ཀྱི་བསྡུ་བ་དང་། །སྐུ་གསུང་ཐུགས་ཀྱི་རྡོ་རྗེ་ཡི། །རང་བཞིན་ཉིད་ནི་ཇི་ལྟར་ལགས། །ལྷ་ཡི་དབང་ཕྱུག་ཁྱོད་ལ་ཞུ། །
312b2 གང་གིས་འོད་ཀྱི་གོང་བུར་བསྡུ། །རྡོ་རྗེ་སེམས་དཔའ་ཇི་ལྟར་ལགས། །གསུངས་ཤིག་དེ་ཉིད་ཡིག་འབྲུའི་ཚིག་།འདུས་པ་གསུངས་པ་ཇི་ལྟར་ལགས། །ཆུ་ཁམས་དང་ནི་མེ་ཡི་ཁམས། །ཇི་ལྟར་རོ་ནི་མཉམ་པོར་འགྱུར། །མ་ལས་སྐྱེ་བ་གསུམ
312b3 ཙམ་དང་། །དེ་བཞིན་ཕ་ལས་སྐྱེ་བ་གསུམ། །དེ་དག་དྲུག་སོགས་གོང་བུ་ལས། །ཇི་ལྟར་མི་རྣམས་སྐྱེ་བ་ལགས། །སངས་རྒྱས་གཟུགས་ནི་བདག་མི་འཚལ། །ཐུབ་པ་ཆེན་པོས་བཀའ་སྩལ་མཛོད། །རྡོ་རྗེ་ཅན་གྱིས་བཀའ་སྩལ་པ། །གསང་བ་ཤིན་དུ
312b4 གསང་གྱུར་པ། །ཉོན་ཅིག་ལྷ་མོ་བཤད་པར་བྱ། །སྐྱེ་གནས་དབུས་སུ་རྩ་གཉིས་ནི། །གཡོན་དང་དེ་བཞིན་གཡས་པ་སྟེ། །གཡོན་དུ་བྱང་ཆུབ་སེམས་ཞེས་བྱ། །གཡས་སུ་དེ་བཞིན་རཀ་ཏའོ། །དེ་གཉིས་ཕྲད་ནས་གཅིག་འགྱུར་བ། །ཆོས་ཀྱི་དབྱིངས
312b5 ནི་འདུས་པ་ཡིན། །མུན་པ་སྐུ་སྟེ་རྡུལ་གསུང་གཟུགས། །ཐུགས་ཀྱི་རང་བཞིན་སྙིང་སྟོབས་ཏེ། །རྡུལ་ནི་རཀྟ་བྱང་ཆུབ་སེམས། །མུན་པ་དེ་བཞིན་སྐྱེད་པ་ཡིན། །རྡོ་རྗེ་པད་མ་མཉམ་སྦྱར་ནས། །རང་བཞིན་མཉམ་པའི་རོར་འགྱུར་རོ། །དྲི་ཆེན་ཆུ་དང
312b6 ཤེལ་མེ་ཏོག་། དེ་བཞིན་ལྔ་པ་བྱང་ཆུབ་སེམས། །བདུད་རྩི་ལྔ་དངོས་གོང་བུར་བསྡུས། །དེ་ལས་རྡོ་རྗེ་འདིར་གསུངས་སོ། །ཆ་ཤས་གཉིས་པ་དང་ལྡན་པ། །དེ་བཞིན་དགུ་པ་ཡང་ཡིན་ནོ། །དེ་སྐད་གསུངས་པ་དེ་ལ་ནི། །སུམ་བཅུ་དང་ནི་བཅུ་དང་ནི། །
312b7 དེ་བཞིན་ལྔ་པའི་ས་བོན་ཏེ། །ཆ་ཤས་གཉིས་པ་ལྔ་ཡིས་ནི། །དྲུག་གིས་བཏགས་པ་དེས་བྱུང་བ། །དེ་ནི་ཐིག་ལེར་གསུངས་པའོ། །ཆོས་ཀྱི་དབྱིངས་ཀྱི་ཡིག་འབྲུ་བྲུ~ཾ། །སྐྱེ་གནས་པདྨ་ལ་གནས་པ། །དེ་ཉིད་ས་བོན་སྭཱ་ཧཱ་མཐའ། །
312b8 འདུས་པ་ལ་ནི་ཤེས་པར་བྱ། །ཆུ་ཁམས་ཕ་ལས་སྐྱེ་ཞེས་བྱ། །མེ་ཡི་ཁམས་ནི་མ་ལས་སྐྱེས། །ཤ་དང་ཁྲག་དང་པགས་པ་ཡང་། །མ་ལས་སྐྱེས་པ་ཞེས་བཤད་དོ། །ཚིལ་དང
iiif viewer powered by OpenSeadragon
