| e-texts navigator |
| Wylie |
312a1 སྙིང་གའི་པད་མ་ལ་གནས་ནག་།ཁ་ཡི་པད་མ་ལ་གནས་དཀར། །ང་རོ་ལྟེ་བའི་པད་མར་གནས། །གསང་བའི་པད་མ་ང་རོ་མཐའ། །སྟབས་ཀྱི་མཐའ་རུ་འགྲོ་བྱེད་པས། །ཐིག་ལེའི་སྦྱོར་བར་རབ་ཏུ་གནས། །བསྣོམ་བྱེད
312a2 པ་དང་ཐོས་བྱེད་པ། །དེ་ཚེ་མཐོང་བྱེད་ཟ་བྱེད་པ། །རེག་པར་བྱེད་ཀྱང་དེ་ཁོ་ནས། །བདེ་དང་སྡུག་བསྔལ་ཚོར་བྱེད་པའོ། །གང་ལས་བཞད་བྱེད་བཟའ་བྱེད་པ། །དེ་བཞིན་ཆོ་ངེ་དང་ངུ་བ། །བྱེད་པ་གཅོད་པ་དེ་ཁོ་ནས། །ཆོ་ག་རྣམ་པ་མང་པོ་ཤེས། །རྒྱལ་པོ
312a3 དོན་ཡང་བྱེད་པར་འགྱུར། །དབང་ཕྱུག་དོན་ཡང་བྱེད་པར་འགྱུར། །བྲམ་ཟེ་རྒྱལ་པོ་རྗེའུ་རིགས་དང་། །དམངས་རིགས་སྨད་པའི་རིགས་རྣམས་དང་། །བུད་མེད་དུ་མ་སྤྲུལ་པར་བྱེད། །དུད་འགྲོ་ཡི་དགས་སྐྱེ་བ་དང་། །གཟུགས་ཅན་རྣམས་དང་གཟུགས་མེད
312a4 དང་། །དེ་བཞིན་འདོད་པའི་སྲིད་རྣམས་ལས། །འབྱུང་བ་ཐམས་ཅད་སྐྱེད་བྱེད་མ། །དེ་ཉིད་ཁོ་ན་རྫུ་འཕྲུལ་གནས། །མོ་གཟུགས་དང་ནི་ཕོ་ཡི་གཟུགས། །བདེ་བ་ཆེན་པོ་གོ་འཕང་གནས། །དེ་ལྟར་དེ་བཞིན་ཉིད་ཤེས་པ། །དམ་པའི་ཡིག་འབྲུ་ཤེས་པ
312a5 གང་། །དེས་ནི་གསང་ཆེན་ཤེས་པ་སྟེ། །གང་དེས་བདག་ཉིད་ཀུན་གནས་པ། །ཁ་དོག་མེད་ཅིང་ཁ་དོག་དམར། །ཁ་དོག་དཀར་དང་སེར་བ་ཡི། །ཐིག་ལེའི་གཟུགས་སུ་བསྒྱུར་བ་འདི། །འགྲོ་དང་ཕྱིར་འོང་རྣམ་པར་བསྟན། །གང་དེ་རིག་པ་རྫུ་འཕྲུལ
312a6 ཆེ། །མཐའ་ཡས་བཅས་པ་སྣ་ཚོགས་གཟུགས། །སྐྱེ་དང་བསྡུས་དང་འཇིག་པ་ལ། །ཐིག་ལེའི་གཟུགས་སུ་རབ་གནས་སོ། །གང་གི་བརྒྱད་ཁྲི་རྩ་བཞིའི་ཆོས། །སྟོང་ཕྲག་བརྒྱ་རུ་ཤེས་ན་ཡང་། །དེ་ཡིས་དེ་ཉིད་མི་ཤེས་ཏེ། །དེ་དག་ཀུན
312a7 ཀྱང་འབྲས་མེད་དོ། །བཅུ་གཉིས་ལྔ་ཡི་ལྔ་པ་ཡང་། །བརྒྱད་ཀྱི་མཐའ་རུ་འབྱུང་བ་འདུས། །སྒྲ་ཡིག་དང་པོ་ཡི་གེ་ཨ། །ལྔ་པ་ཡིས་ནི་ཡང་དག་བརྒྱན། །སྙིང་རྗེ་ཆེན་པོ་ལས་བྱུང་བ། །ཁ་མར་བལྟས་པའི་དྲུག་པས་བཏགས། །གདོད་མ་མཐའ་མ
312a8 མེད་པའི་ལྷ། །དེ་ནི་སྤྱི་བོར་བསྟན་པ་ཡིན། །དེ་དག་གསང་ཆེན་དམ་པ་ཡིན། །ལྷ་མོ་བདག་གིས་རབ་བསྟན་ཏོ། །ལྷ་མོ་བཞིས་ཡོངས་སུ་ཞུས་པ་ལས་ལྷ་མོ་མཱ་མ་ཀཱིས་ཞུས་པ་སྟེ་ལེའུ་གཉིས་པའོ།། །། དེ་ནས་ལྷ་མོ་གོས་དཀར་མོས། །ཡན་ལག
iiif viewer powered by OpenSeadragon
