| e-texts navigator |
| Wylie |
309a1 བའི་དོན་ཏེ། ག་བུར་ནི་ཁུ་བ་དང་ཁྲག་ཆེན་པོ་ནི་ཟླ་མཚན་གྱི་ཁྲག་དང་ཙན་དན་དམར་པོའི་ཁུ་བ་དང་བསྲེས་པ་ནི་ཙན་དན་དམར་པོའོ། །རྡོ་རྗེ་ནི་མཚན་མ་སྟེ་ཐབས་སོ། །པད་མ་ནི་བྷ་ག་སྟེ་ཤེས་རབ་དང
309a2 ཕྱག་རྒྱ་དང་བཙུན་མོ་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ནི་ངེས་པའི་དོན་ཏོ། །གཉིས་ཀ་དང་སྤྱོད་པ་དང་བྱ་བའི་རྒྱུད་རྣམས་སུ་དོན་གསལ་བར་གསུངས་པ་འདི་ལྟ་སྟེ། དཀྱིལ་འཁོར་དང་མཆོད་སྦྱིན་དང་གཏོར་མ་དང
309a3 སྨན་དང་ཞི་བ་ལ་སོགས་པའི་ལས་ཀྱི་ཚོགས་རྣམས་དང་། དེ་བཞིན་དུ་འཇིག་རྟེན་པའི་དངོས་གྲུབ་ཆེན་པོ་བརྒྱད་གསུངས་པ་རྣམས་ནི། སྒྲ་ཇི་བཞིན་པ་སྟེ་དེ་ནི་ཡི་གེའི་དོན་གྱི་བཤད་པའོ། །ཀོ་ཏྲཱ་ཁྱ་ཀོ་ཏྲཱ་བ་ཀོ་ཏྲཱཿ
309a4 ཀོ་ཏྲཱ་པཤྩ། ཀོ་ཏི་རཱ་གཱ། ཀོ་ལ་ཁྱ། ཀོ་ལ་བ། ཀོ་ལ་ཀོ་ལ་པཤྩ། ཀོ་ལསྟ་ཐ། འདིས་དབང་པོ་དང་ཡུལ་གསུངས་ཏེ། དེ་ལྟ་བུ་ལ་སོགས་པ་རྡོ་རྗེའི་ཚིག་རྣམས་ནི་སྒྲ་ཇི་བཞིན་པ་མ་ཡིན་པས་བཤད་པའོ། །བྱང་ཆུབ་སེམས
309a5 དཔའ་སེམས་དཔའ་ཆེན་པོས་གསོལ་པ། བཅོམ་ལྡན་འདས་རྣལ་འབྱོར་ཆེན་པོའི་རྒྱུད་དང་གཉིས་ཀའི་རྒྱུད་དང་། སྤྱོད་པའི་རྒྱུད་དང་བྱ་བའི་རྒྱུད་དང་རྟོག་པའི་རྒྱུད་རྣམས་ཀྱི་ཚད་ཇི་ལྟར་ལགས། བཅོམ་ལྡན་འདས་ཀྱིས་བཀའ
309a6 སྩལ་པ། རྣལ་འབྱོར་ཆེན་པོའི་རྒྱུད་ཀྱི་མིང་སྟོང་ཕྲག་བཅུ་གཉིས་ཞེས་བྱ་སྟེ། རྒྱུས་པར་ཕྱེ་ན་གྲངས་མེད་དོ། །གཉིས་ཀའི་རྒྱུད་སྟོང་ཕྲག་དྲུག་གོ། སྤྱོད་པའི་རྒྱུད་སྟོང་ཕྲག་བརྒྱད་དོ། །བྱ་བའི་རྒྱུད་སྟོང་ཕྲག་བཞིའོ། །
309a7 རྟོག་པའི་རྒྱུད་སྟོང་ཕྲག་བཞིའོ། །དེ་དག་ནི་སྟོང་ཕྲག་སུམ་བཅུ་རྩ་བཞི་སྟེ། རྒྱུད་དང་རྟོག་པའི་མིང་གི་མཐའ་མའི་ཡི་གེ་ཇི་སྙེད་པ་ནི། ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ་ཀྴ།
309a8 འདི་དག་ནི་མིང་གི་ཡི་གེའི་མཐའ་མ་རྣམས་སོ། །བྱང་ཆུབ་སེམས་དཔའ་ཆེན་པོ་རྣམས་ཀྱིས་གསོལ་པ། བཅོམ་ལྡན་འདས་དེ་རྣམས་ཀྱི་བྱེད་པ་དང་ཆོ་ག་དང་བསྒྲུབ་བྱ་དང་སྒྲུབ་པ་དེ་གང་ལགས། བཅོམ་ལྡན་འདས་ཀྱིས་བཀའ
iiif viewer powered by OpenSeadragon
