| e-texts navigator |
| Wylie |
308b1 ཀྱིས་གསོལ་པ། བཅོམ་ལྡན་འདས་སྟོང་པ་གསུམ་འོད་གསལ་བའི་མཐར་ཇི་ལྟར་འགྱུར་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ཇི་ལྟར་མེས་ཤིང་བསྲེགས་ཏེ་ཐལ་བར་བྱེད་པ་དེ་བཞིན་དུ་འོད་གསལ
308b2 བར་ཤེས་རབ་ཀྱི་ཡེ་ཤེས་ཡུན་རིང་པོས་རྣམ་པར་སྦྱོང་བར་བྱེད་དོ། །ཇི་ལྟར་ཏ་ལའི་ལོ་མ་ཐལ་བར་བྱེད་པ་དེ་བཞིན་དུ་ཐབས་ཀྱི་ཡེ་ཤེས་རྣམ་པར་སྦྱོང་བར་བྱེད་དོ། །ཇི་ལྟར་རས་བལ་གྱི་འདབ་མ་བསྲེགས་པ་དེ་བཞིན་དུ
308b3 སྣང་བ་ཐོབ་པའི་ཡེ་ཤེས་མཆོག་ཏུ་མྱུར་བས་རྣམ་པར་སྦྱོང་བར་བྱེད་དོ། །དེ་བས་ན་རིམ་པ་འདིས་ཤིང་ཏ་ལའི་ལོ་མ་དང་། རས་བལ་གྱི་འདབ་མ་ཐལ་བར་འགྱུར་བ་དེ་བཞིན་དུ་སྟོང་པ་དང་། ཤིན་དུ་སྟོང་པ་དང་སྟོང་པ་ཆེན་པོ
308b4 རྣམས་མཐར་འོད་གསལ་བར་འགྱུར་རོ། །འདི་ནི་མཐར་ཐུག་པའི་བཤད་པ་གསུངས་པའོ། །བྱམས་པས་གསོལ་པ། བཅོམ་ལྡན་འདས་རྣལ་འབྱོར་གྱི་རྒྱུད་དུ་དེ་བཞིན་གཤེགས་པ་ཐམས་ཅད་ཀྱི་མཐའ་དྲུག་གིས་བཤད་པ་ཇི
308b5 ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། དགོངས་པས་བཤད་པ་དང་། དགོངས་པ་མ་ཡིན་པས་བཤད་པ་དང་། དྲང་བའི་དོན་དང་ངེས་པའི་དོན་དང་སྒྲ་ཇི་བཞིན་པ་དང་སྒྲ་ཇི་བཞིན་པ་མ་ཡིན་པ་རྣམས་སོ། །བྱམས་པས་གསོལ་པ།
308b6 བཅོམ་ལྡན་འདས་ཐུགས་བརྩེ་བ་ཉེ་བར་གཞག་སྟེ་ཚིག་རེ་རེའི་བཤད་པ་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གང་མཐར་ཐུག་པར་བཤད་པ་དེ་ཉིད་དགོངས་པས་བཤད་པ་སྟེ། འདི་ལྟ་སྟེ། འདོད་ཆགས་མ
308b7 ཡིན་པ་དང་འདོད་ཆགས་དང་བྲལ་བ་མ་ཡིན་པ་དང་། བར་མ་ཉེ་བར་མི་དམིགས་པ་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ནི་དགོངས་པས་བཤད་པའོ། །ལུས་དང་ངག་དང་ཡིད་མེད་པ་དང་བདག་མེད་པ་དང་ཐམས་ཅད་སྟོང་པ་དང་།
308b8 དག་པ་དང་འོད་གསལ་བ་ཞེས་བྱ་བ་ལ་སོགས་པ་རྡོ་རྗེའི་ཚིག་ནི་དགོངས་པ་མ་ཡིན་པས་བཤད་པའོ། །ག་བུར་དང་ཁྲག་ཆེན་པོ་དང་ཙན་དན་དམར་པོ་དང་རྡོ་རྗེ་དང་པད་མ་དང་ཕྱག་རྒྱ་ཞེས་བྱ་བ་ལ་སོགས་པ་རྡོ་རྗེའི་ཚིག་རྣམས་ནི་དྲང
iiif viewer powered by OpenSeadragon
