| e-texts navigator |
| Wylie |
305b1 བཅུ་ན་ནི་གང་བཞུགས་པ། །བྱུང་དང་འབྱུང་འགྱུར་དེ་རྣམས་ནི། །མི་ཕྱེད་གསུམ་གྱི་ལམ་དུ་འགྱུར། །ཡིད་རྟོན་བདེ་བ་ཞི་བདག་ཉིད། །དེ་བཞིན་ཉིད་ཤེས་ལམ་བྱུང་བ། །ཡི་གེ་གཅིག་ནི་གསུམ་དྲུག་འདི། །རང་ཉིད་འགྲོ་བའི་ཁར
305b2 བརྗོད་དོ། །དེ་ཡི་བྱིན་གྱིས་བརླབ་པའི་གནས། །རྡོ་རྗེ་མི་ཕྱེད་རྡོ་རྗེ་ཅན། །གང་གཞན་སངས་རྒྱས་ཀྱིས་གསུངས་དང་། །འགྲོ་བའི་སྒྲར་ནི་འདི་གྱུར་ཏེ། །དུས་གསུམ་བཞུགས་པའི་སངས་རྒྱས་རྣམས། །རྡོ་རྗེ་མི་ཕྱེད་གསུམ
305b3 རྣལ་འབྱོར། །གསུང་གི་རྡོ་རྗེ་མི་ཕྱེད་པ། །རྡོ་རྗེ་ཅན་མཆོག་དེ་བྱིན་རློབ། །འཇུག་པ་གནས་པའི་སྦྱོར་བ་དང་། །ལྡང་བ་དང་ནི་ཡང་དག་ལྡན། །གསུང་གི་རྡོ་རྗེ་དངོས་མེད་པ། །དེ་ནི་སངས་རྒྱས་བྱིན་གྱིས་རློབ། །ཇི་ལྟར
305b4 འཁོར་ལོས་སྒྱུར་རྒྱལ་ནི། །ཚིག་གི་ལམ་གྱིས་ལས་བྱེད་འཇུག་།གསུང་བྱིན་བརླབས་པས་སྔགས་པ་ནི། །དེ་བཞིན་དོན་ཡོད་ཉིད་དུ་བྱེད། །དེར་ནི་ཡང་དག་བཤད་པ་འདི། །སྒྲུབ་པ་ཆེན་པོ་ཞེས་བྱའོ། །སངས་རྒྱས
305b5 དེ་རྣམས་བྱིན་རློབ་པ། །སྡོམ་པ་ཡུལ་གྱི་དམ་པའོ། །རྡོ་རྗེ་ཐུགས་ནི་འཛིན་རྒྱལ་པོ། །དེ་ནི་བདག་ལ་བྱིན་རློབ་མཛད། །མི་ཕྱེད་རྡོ་རྗེ་གསུམ་སྦྱོར་བས། །ནམ་མཁའི་ཁམས་དང་མཉམ་པའི་གནས། །གང་ཞིག
305b6 བྱུང་འབྱུང་འབྱུང་འགྱུར་བའི། །ཕྱོགས་བཅུར་བཞུགས་པའི་སངས་རྒྱས་རྣམས། །དེ་ཡི་བྱིན་གྱིས་རླབ་པའི་གནས། །ལམ་གསུམ་ལས་ནི་བྱུང་བ་མཛད། །སྐུ་ཡིས་སྟོན་པར་མཛད་པ་མཆོག་།རང་སངས་རྒྱས་ནི
305b7 བསྒོམ་པ་ཡིན། །མདོ་སྡེ་པ་དང་ཉན་ཐོས་ཀྱིའང་། །སྨྲ་བ་སྒྲུབ་པ་པོར་གྱུར་ཡིན། །སེམས་ནི་རྣལ་འབྱོར་ལྡན་མཆོག་གི། འགྲོ་བའི་དོན་ནི་རབ་སྒྲུབ་པའོ། །འགྲོ་འོང་གནས་དང་བྲལ་བ་ནི། །རྡོ་དང་ས་ནི་དབྱིག་བྱེད་པ། །ལུས
305b8 ལ་སོགས་པ་མཚོན་པ་ཡིས། །འོན་ཀྱང་དེ་ནི་གསུང་དུ་འགྱུར། །སེམས་དང་ལུས་དང་མི་ལྡན་པའི། །དེ་བཞིན་ཉིད་ནི་འགྲོ་དོན་ཅན། །སྐུ་གསུང་ཐུགས་ཀྱི་རྡོ་རྗེ་གཅིག་།གྱུར་ཀྱང་སོ་སོར་བསྟན་པ་ཡིན། །སངས་རྒྱས་རྡོ་རྗེ
iiif viewer powered by OpenSeadragon
