| e-texts navigator |
| Wylie |
305a1 ཕྱོགས་བཅུར་བཞུགས་པའི་སངས་རྒྱས་རྣམས། །མི་ཕྱེད་རྡོ་རྗེ་གསུམ་བསྒོམས་ལ། །སྐུ་ནི་ཇི་ལྟ་བར་འཚམ་པ། །དེ་ལྟར་བྱིན་གྱིས་རློབ་པར་མཛད། །རིག་དང་མ་རིག་ཡང་དག་ལྡན། །སྲོག་ལ་སོགས
305a2 ཏེ་བཅུ་གཉིས་བཤད། །དུས་ཀྱི་ཉིས་འགྱུར་ལམ་ལ་སོགས། །དེ་ཉིད་ཟླ་བ་ལ་སོགས་འགྱུར། །ཟླ་བ་ལ་སོགས་གྲངས་མཉམ་པས། །ཉི་མ་བཅུ་གཉིས་མིང་ཅན་ཡིན། །ཁྱབ་འཇུག་དེ་ཉིད་དབྱེ་བ་ཡིས། །ལམ་རྩོམ
305a3 པ་ནི་བརྟགས་པ་ཡིས། །དེ་ཉིད་དུ་ནི་སྒྲུབ་པ་མཆོག་།སྡོམ་པ་ཡུལ་ཞེས་བཤད་པ་ཡིན། །སྔགས་དང་དངོས་མེད་དེ་བྱེད་པ། །མགལ་མེ་འཁོར་ལོ་བསྐོར་དང་མཚུངས། །རྟོག་པ་ལས་བྱུང་དེ་འདི་ནི། །དངོས་མེད
305a4 པ་ནི་བསྒོམ་པས་སོ། །མ་འོངས་པ་ཡི་སྐྱེ་བོ་ནི། །ལྷ་ཡི་གཟུགས་ལ་འདུད་པར་བྱེད། །མིག་དང་དེ་བཞིན་རྣ་བ་སྣ། །ལྕེ་དང་དེ་བཞིན་ལུས་ངག་དང་། །པགས་པ་རྐང་པར་ཡང་དག་ལྡན། །འཛིན་པ་དག་ནི་མི་ནུས
305a5 པ། །ལྟ་དང་ཉན་དང་དྲི་དང་རོ། །རེག་བྱ་རྣམས་ནི་དངོས་མེད་པ། །རང་བཞིན་སེམས་མེད་གྱུར་པ་ཡི། །འཇིམ་གཟུགས་སངས་རྒྱས་སྐུ་ཅན་ཏེ། །འོན་ཀྱང་འགྲོ་བའི་བླ་མའི་སྐུ། །སངས་རྒྱས་བྱིན་གྱི་བྱིན་རླབས་ཀྱིས། །དེ་བཞིན
305a6 སྔགས་སྦྱོར་བདག་ཉིད་ཅན། །དངོས་མེད་རྡོ་རྗེའི་སྐུ་ཉིད་ཡིན། །ཤིང་དང་ས་དང་རིན་ཆེན་སོགས། །རང་གི་ལྷ་ཡི་གཟུགས་བྱས་ལ། །རང་གི་ཆོས་ནི་སྤངས་ནས་སུ། །ཚིག་གི་ལམ་དེ་སྟོན་པར་བྱེད། །སྐུ་གསུང་ཐུགས་དང་ལྡན
305a7 པ་མཆོག་། ཆོ་འཕྲུལ་དེ་འདྲ་ག་ལས་བྱུང་། །དེ་ནས་དད་སོགས་ཡང་དག་པས། །སླར་ཡང་དེ་ལ་གསོལ་འདེབས་ཀྱང་། །གསོལ་བ་འདེབས་པ་ཙམ་གྱིས་ནི། །དེ་དང་འདྲ་བར་ག་ལ་འགྱུར། །ཕྱི་རོལ་ཆོས་ལ་གང་ཞིག་དགའ། །ལྷ
305a8 རྣམས་ཐམས་ཅད་སྤོང་བ་ཡིན། །དེ་ལྟར་སྐུ་ལས་སྐུ་བྱུང་བ། །དཔལ་ལྡན་ཆོས་འདིའང་གསུམ་གྱི་ལམ། །བྱིན་རླབས་པ་དག་ལོངས་སྤྱོད་ན། །གསུང་གི་རྡོ་རྗེ་ཅན་དུ་བྱེད། །འདས་དང་མ་འོངས་སངས་རྒྱས་རྣམས། །ཕྱོགས
iiif viewer powered by OpenSeadragon
