| e-texts navigator |
| Wylie |
304a1 འདི་ནི་སྔགས་རྣམས་ཐམས་ཅད་ཀྱི། །དེ་ཉིད་གསུམ་གསང་ཡང་དག་འབྱུང་། །སྔགས་ཀྱི་དེ་ཉིད་དོན་གཉེར་བའི། །སྒྲུབ་པ་པོས་ནི་དབེན་པ་བསྟེན། །སྣ་ཚོགས་ལུང་གི་ཡང་དག་རྟོག་།སྔགས་ནི་དགོན་པ་ཆེན་པོར་འདོད། །
304a2 དེ་ཡི་དཔག་བསམ་ཤིང་ལོངས་སྤྱོད། །ས་ཕྱོགས་ཞེས་ནི་ཡོངས་སུ་བསྒྲགས། །མཁའ་དང་མཉམ་པའི་སྦྱོར་བ་ནི། །རྣམ་པར་དབེན་པ་ཆེན་པོར་བཤད། །རི་བོར་རྫོགས་པའི་སངས་རྒྱས་དང་། །དེ་རིགས་དངོས་མེད་ལས
304a3 བྱུང་བའོ། །འདི་འདྲའི་དབེན་པའི་མཚོན་པ་རུ། །དེར་ནི་འོད་ཆེན་རྣམས་གནས་ཏེ། །གནས་མེད་པ་ཡི་སྦྱོར་བ་ཡིས། །རྟག་ཏུ་དངོས་གྲུབ་འཐོབ་པར་འགྱུར། །བཅོམ་ལྡན་རྡོ་རྗེ་སྒྲུབ་པ་ནི། །ཆེན་པོས་དེ་སྐད་བཀའ་སྩལ་ཏོ། །
304a4 དགོན་པ་ཆེན་པོའི་ས་ཕྱོགས་སོགས། །འཇིག་རྟེན་པ་རྣམས་སྨྲ་བ་གསལ། །བསྙེན་པ་སྐུ་ཡི་བརྟུལ་ཞུགས་མཆོག་།བློ་དང་ལྡན་པས་རྡོ་རྗེ་བཞིས། །རྡོ་རྗེ་གསུམ་གཉིས་མེད་སྦྱོར་བས། །བསྒོམས་ན་དངོས་གྲུབ་ཐོབ
304a5 པར་འགྱུར། །མེ་ལོང་ཞེས་བྱ་དགོན་པ་ཆེ། །རིན་ཆེན་ཞེས་བྱ་དབེན་པའོ། །ཆེན་པོ་ཞེས་བྱ་འོད་དཔག་མེད། །དོན་ཡོད་པར་ནི་རིང་པོར་ཡིན། །ཆུ་ངོགས་དག་པའི་ཆོས་ཀྱི་ཆ། །གནས་ལྔ་དག་ཏུ་རབ་ཏུ་བརྟག་།ཇི་སྲིད་དོན
304a6 ནི་སྦྱོར་བ་བཞིས། །ཡི་གེ་ཨོཾ་ནི་སྡོམ་པར་འགྱུར། །ཇི་ལྟར་ནམ་མཁའི་མཚན་ཉིད་གཅིག་།རང་གི་མཚན་ཉིད་འདོར་མི་བྱེད། །དེ་བཞིན་དེ་ཉིད་གསུམ་བཞིའི་ཕྱེད། །ཡི་གེ་ཨོཾ་གཅིག་སྡོམ་པའོ། །གནས་མེད་གནས་པ་ཞེས་བྱ་བའི། །
304a7 ཨོཾ་གཅིག་གིས་ནི་འགྲོ་ལ་ཁྱབ། །དེ་ཉིད་མི་གསལ་སྦྱོར་དབང་པོ། །གཙོ་བོ་རང་ཉིད་བཟློག་པ་ཡིན། །ལ་ལ་གླང་པོ་སྤངས་ནས་ནི། །རྗེས་ལ་དབྱིབས་ནི་ཚོལ་བར་བྱེད། །དེ་བཞིན་མ་འོངས་སྔགས་པ་ནི། །ོཾ་ལས་སྡོམ་པ་གཞན་དུ་འདོད། །
304a8 གཅིག་གཉིས་གསུམ་དང་བཞི་དང་ལྔ། །དུས་ཐུབ་དེ་བཞིན་ནོར་ཅན་དང་། །ཕན་ཚུན་སྦྱོར་ནས་བརྗོད་པ་ལས། །བསམ་མི་ཁྱབ་པའི་གྲངས་སུ་འགྱུར། །བཅོམ་ལྡན་གཅིག་ཀྱང་དུ་མ་སྟེ། །ཚིག་ཏུ་བརྗོད་པ་རྣམ་པར་སྤངས། །བརྡ་ཙམ་དུ་ནི་ཨོཾ་ཞེས་བྱ། །དངོས་མེད་སྦྱོར་བའི
iiif viewer powered by OpenSeadragon
