| e-texts navigator |
| Wylie |
303b1 ན། །སྐུ་ལ་སོགས་པ་གསུམ་གྱིས་མཚན། །སེམས་ཞེས་བཤད་པའི་སྟོན་པ་མཆོག་།སེམས་ཅན་རྣམས་ཀྱི་དེ་ཉིད་རིག་།བསྐལ་པ་གངྒཱའི་བྱེ་སྙེད་དུ། །སངས་རྒྱས་རྡོ་རྗེའི་མཆོག་གིས་འགེངས། །རྡོ་རྗེ་བསམ་མི་ཁྱབ་སྔོན
303b2 འགྲོ། །རང་གི་རྣ་བ་སེམས་བཅས་པས། །གང་གཱའི་བྱེ་མའི་མིང་ཅན་གྱི། །གནས་ཀྱི་དངོས་གྲུབ་བཤད་པ་ཡིན། །སངས་རྒྱས་རྣམས་ཀྱི་མངོན་ཤེས་ནས། །འདི་ནི་ཡང་དག་བཀའ་སྩལ་ཏོ། །མངོན་ཤེས་དྲུག་ནི་དོན་གྲུབ་པའི། །
303b3 དེ་ནི་སངས་རྒྱས་འདྲ་བར་འགྱུར། །གང་གཱའི་ཀླུང་གི་བྱེ་སྙེད་ཀྱི། །འཁོར་རྣམས་ཀྱིས་ནི་རབ་མཛེས་པས། །སྐུ་སོགས་རྡོ་རྗེ་གསུམ་འདི་ནི། །འཇིག་རྟེན་ཁམས་རྣམས་ཀུན་དུ་སྤྱོད། །ཡིད་རྟོན་བདེ་གཅིག་བསྟེན་པ་སྟེ། །དེ་ཉིད
303b4 གསུམ་མཉམ་གཉིས་སྤྱོད་དུ། །བསྟེན་ཏེ་དམ་ཚིག་གཅིག་གྱུར་པ། །ཡེ་ཤེས་ཉེ་བར་སྒྲུབ་པའོ། །ཡིད་རྟོན་མཉམ་པའི་སྦྱོར་བ་ལས། །སྒྲུབ་པ་ཡི་ནི་དམ་ཚིག་འགྱུར། །འབྲས་བུ་མངོན་སུམ་བྱས་སྦྱོར་བ། །སྒྲུབ་པ་ཆེན་པོ་བཞི་པའོ། །
303b5 རྐྱེན་དང་ཉན་ཐོས་མདོ་སྡེ་པ། །འདི་དང་ལྡན་པ་རབ་ཏུ་བསྔགས། །སེམས་ལ་དམིགས་དང་འདིར་སྦྱོར་བ། །སྐད་ཅིག་གིས་ཀྱང་དེ་འགྲུབ་འགྱུར། །བསྙེན་པའི་དམ་ཚིག་སྦྱོར་གཅིག་དང་། །ཉེ་བར་བསྒྲུབ
303b6 པར་གང་གྱུར་དང་། །སྒྲུབ་པའི་དམ་ཚིག་ཉིད་དང་ནི། །སྒྲུབ་པ་ཆེན་པོ་བཞི་པ་ཡིན། །འདི་ལ་ཡང་དག་འཇུག་འགྱུར་བ། །ཇི་ལྟ་ཇི་ལྟར་འཇིག་རྟེན་སོགས། །ས་དང་ཤིང་གི་རིན་ཆེན་སོགས། །ལྷ་ཉིད་དུ་ནི་རབ་ཏུ་བརྟག་།ཆོས་ཀྱི་དབྱེ་བས
303b7 ཤེས་པར་བྱ། །རྡོ་རྗེ་ཡེ་ཤེས་སྒྲུབ་པ་པོ། །བསྟེན་པའི་དམ་ཚིག་ཡང་དག་སྦྱོར། །བྱང་ཆུབ་མཆོག་ནི་རྣམ་པར་སྒོམ། །གཟུགས་དང་སྒྲ་དང་དེ་བཞིན་དྲི། །རོ་དང་རེག་བྱ་ཆོས་རྣམས་ལ། །དངོས་གྲུབ་མཆོག་ནི་རྣམ་དཔྱད་པ། །དེ་ནི་ཉེ་བར་སྒྲུབ་པར་འགྱུར། །སྔགས
303b8 པ་གང་ཡིན་བསྒོམ་ནས་ནི། །བསྐུལ་བར་སྒྲུབ་པར་བྱེད་པ་ཡིན། །རང་སྔགས་རྡོ་རྗེ་ཅན་གྱི་གཟུགས། །དེ་ནི་སྒྲུབ་པ་ཆེན་པོར་འདོད། །བསྙེན་པ་རྡོ་རྗེ་བདུད་རྩི་གང་། །སྔགས་པས་ཀུན་དུ་བརྟག་པར་བྱ། །དངོས་གྲུབ་འདོད་པས་གནས་པ་ནི། །དབུ་རྒྱན་ལ་ནི་མཆོག་གང་བསམ། །
iiif viewer powered by OpenSeadragon
