| e-texts navigator |
| Wylie |
302b1 ཏུ་དེ་འགྲུབ་འགྱུར། །བསྟན་པས་འདི་ནི་སྒྲུབ་པ་ནི། །སྔགས་ཀྱི་ལོངས་སྤྱོད་རྣལ་འབྱོར་པ། །རྡོ་རྗེ་སྦྱོར་བའི་གསང་བ་ཡིས། །སྒྲུབ་པ་འདི་དང་ལྡན་པར་འགྱུར། །དེ་ནི་སངས་རྒྱས་བྱིན་བརླབ་ཅིང་། །རྣམ
302b2 ཀུན་རྡོ་རྗེ་ཅན་གསུམ་དང་། །སྙིང་གར་ཡེ་ཤེས་དམ་ཚིག་དང་། །དབུ་རྒྱན་ལ་ནི་རྡོ་རྗེ་འཛིན། །སངས་རྒྱས་ཐམས་ཅད་ཚིམ་འགྱུར་བའི། །འདི་ནི་དམ་ཚིག་སྡོམ་པའོ། །དངོས་གྲུབ་ཐམས་ཅད་སྟེར་བའི་མཆོག་།དམ་ཚིག་མཆོག་འདིས
302b3 རབ་ཏུ་བྱ། །དམ་ཚིག་ཀུན་གྱི་དམ་པ་སྟེ། །རྡོ་རྗེ་ཟས་ཀྱི་ཏིང་འཛིན་ཏོ། །དེ་ནས་འགྲོ་ལ་ཕན་པའི་མགོན། །གཙོ་བོ་རྣམ་སྣང་ཆེན་པོ་ལ། །གསང་བའི་དགོངས་པ་དམ་པ་ནི། །རྡོ་རྗེ་འཛིན་པས་སླར་ཡང་ཞུས། །གང་ཞིག་སྤྱི་བོར་བརྟགས
302b4 པ་ནི། །གཅིག་པུ་ཉིད་དུ་གྱུར་པ་དེས། །རི་རབ་སུམ་བཅུ་རྩ་དྲུག་ཏུ། །མུ་སྟེགས་རྣམས་ཀྱིས་འཚལ་མི་འགྱུར། །རང་གི་བསྟན་བཅོས་བརྡ་ཡིས་ནི། །ཕྱི་རོལ་པ་དེ་རྣམ་རྟོག་ལ། །ཏིང་འཛིན་བརྟགས་པ་འདི་དག་ཀྱང་། །འདི་ལ་རང་གི
302b5 ངོ་བོ་མེད། །ཚངས་སྒོ་མཛོད་ཀྱི་རྒྱུད་ལས་ནི། །རི་རབ་གཅིག་དང་བཅས་པར་བཤད། །བྱིས་པ་མཆོག་ནི་རྨོངས་བྱེད་པ། །གསུང་འདི་སྐྱེ་བོ་ལྟུང་བར་འགྱུར། །དེ་ནས་བཅོམ་ལྡན་བདག་པོ་འདིས། །རྡོ་རྗེ་ཅན་ལ་སླར་གསུངས་པ། །
302b6 ལེགས་སོ་རྡོ་རྗེ་ལེགས་པ་ཆེ། །སྐྱེས་བུ་དམ་པ་ཁྱོད་ལེགས་པ། །རྐྱེན་དང་ཉན་ཐོས་ཐེག་པ་དང་། །འདིར་ནི་ང་ཡིས་གསལ་བཤད་པ། །སངས་རྒྱས་ཀྱིས་བཤད་ཡེ་ཤེས་དག་།ཐེག་པ་ཆེན་པོ་མི་མཐོང་ངོ་། །ཚད་ཡོད་པ
302b7 དང་ཡོངས་ཆད་པའི། །རང་གི་ལུས་ལ་གང་བཤད་དེ། །ཡེ་ཤེས་དེ་རྣམས་དྲི་མེད་འདོད། །ཁྲོན་པའི་རུས་སྦལ་ཞེས་བྱའོ། །ནམ་མཁའ་དང་ནི་མཉམ་ཡེ་ཤེས། །རྡོ་རྗེ་ཐེག་པ་བླ་མེད་པ། །མཆོག་སྦྱིན་ང་ནི་ཁྱེད་བཞིན་དུ། །
302b8 རྒྱ་ཆེན་དེ་ཡིས་མི་མཐོང་ངོ་། །རྡོ་རྗེ་ཐེག་པ་རྒྱ་མཚོ་སྟེ། །དེ་ཡིས་ཡང་དག་མ་མཐོང་བས། །རང་གི་ལུང་ནི་ཚད་མ་ཡིས། །གཞན་ཡོད་པ་ནི་མིན་ཞེས་སྨྲ། །ཐེག་པ་ཆེན་ལ་གསང་བ་རྣམས། །སྲང་ལ་བཅལ་ཏེ་དེ་སྨྲ་བ། །
iiif viewer powered by OpenSeadragon
