| e-texts navigator |
| Wylie |
302a1 འབྱོར་པའི། །དེ་ནི་ཡང་དག་ཡིན་པར་བཤད། །གསང་བའི་སྙིང་པོ་བསྡུས་པ་ཡི། །དངོས་གྲུབ་ཀུན་གྱི་མཆོག་ཏུ་འདོད། །བཅོམ་ལྡན་དམ་ཚིག་ཆེན་པོ་ཡི། །རྣལ་འབྱོར་པས་ནི་དེ་སྐད་གསུངས། །དེ་ནས
302a2 ཕྱག་ན་རྡོ་རྗེ་ནི། །གོ་བྱེད་གསང་བ་ཡང་དག་གསུངས། །གང་ཞིག་ཤེས་ན་རྣལ་འབྱོར་པའི། །མཉམ་བཞག་མཆོག་ནི་ཐོབ་འགྱུར་བའི། །གསང་དབང་དེ་ཉིད་དམ་པ་ཡི། །དེ་ནི་དེ་ཡིས་ཡང་དག་བཤད། །རྣལ
302a3 འབྱོར་ཆེན་པོ་གཅིག་བདག་ཉིད། །ནམ་མཁའ་དང་ནི་མཉམ་པའི་གནས། །བྱས་ན་དམ་ཚིག་ཡང་དག་པ། །ཤ་ཆེན་ལ་ནི་ཡང་དག་སྦྱར། །དངོས་མེད་པ་ཡི་ཤ་ཆེན་གྱི། །དམ་ཚིག་མཆོག་ལ་གནས་ནས
302a4 ནི། །བློ་ལྡན་བདག་ཉིད་སྒོམ་པ་ནི། །རྡོ་རྗེ་དངོས་གྲུབ་ལོངས་སྤྱོད་སྟེར། །རྫོགས་ལོངས་སྤྱོད་ཡུལ་བཤང་བ་ཡིན། །དེ་ཉིད་ཡེ་ཤེས་དབང་པོ་གཅིག་།དམ་ཚིག་འདི་དག་ཉིད་ཀྱིས་ནི། །རིག་པ་འཛིན་པའི་གཙོ
302a5 བོར་འགྱུར། །ལོངས་སྤྱོད་རྫོགས་ཕུང་ལས་བྱུང་བ། །གླང་པོའི་ཤར་ནི་དེ་རབ་བརྟག་།དམ་ཚིག་གཅིག་ཏུ་ལེགས་སྦྱོར་ལས། །མངོན་ཤེས་ལྔ་དག་ཐོབ་པར་འགྱུར། །དབང་པོ་གཉིས་ནི་རྟ་ཤ་སྟེ། །དངོས
302a6 མེད་དེ་ཉིད་ལས་སྦྱོར་ལས། །དམ་ཚིག་གཅིག་ཏུ་ལེགས་སྦྱོར་ན། །མི་སྣང་གནས་ཀྱི་མཆོག་ཏུ་འགྱུར། །ཕུང་སོགས་ཡན་ལག་གང་གྱུར་པ། །དངོས་མེད་དེ་ནི་ཁྱི་ཤ་ཡིན། །དམ་ཚིག་གཅིག་ཏུ་ཡང
302a7 དག་སྦྱོར། །དངོས་གྲུབ་ཐམས་ཅད་རབ་བསྒྲུབ་པའོ། །རྫོགས་སངས་རྒྱས་སྤྱན་བ་ལང་ཤ་། ཁྲོ་བོའི་རྒྱལ་པོ་འགྲུབ་པར་འགྱུར། །དམ་ཚིག་གཅིག་ཏུ་ཡང་དག་སྦྱོར། །རྡོ་རྗེ་དགུག་པའི་དམ་པའོ། །
302a8 འདི་ནི་འཇིག་རྟེན་པར་གྱུར་ལས། །དགོངས་པས་གཅིག་ཤོས་བཟློག་པ་ཡིན། །ཤ་ཆེན་དང་ནི་བཤང་གཅི་དང་། །གླང་པོ་རྟ་ཁྱི་བ་ལང་དག་།མི་རྟོག་གཅིག་པའི་སྒྲུབ་པ་ཡིས། །དམ་ཚིག་གཅིག
iiif viewer powered by OpenSeadragon
