| e-texts navigator |
| Wylie |
301b1 པ་ཡིས་ནི་ཉེར་མཛེས་པ། །ཡིད་རྟོན་པ་ཡི་མཉམ་སྦྱོར་ལ། །རབ་ཏུ་ཞི་བའི་ཞི་གནས་སུ། །དུས་གསུམ་རྟོག་པ་གཅིག་ལས་འདས། །རྡོ་རྗེ་ལྕགས་ཀྱུ་ཁྱད་པར་དུ། །སྒྲུབ་པ་པོ་ནི་རྟག་ཏུ་བསྒྲུབ། །སྦྱོར་གསུམ་སྔགས
301b2 ཀྱི་སྐྱེས་བུ་ནི། །སྦྱོར་གསུམ་རྡོ་རྗེ་ཅན་བསམ་པ། །སྐུ་གསུང་ཐུགས་ཀྱི་ལྕགས་ཀྱུའོ། །སངས་རྒྱས་ཡེ་ཤེས་བློ་ཅན་གྱི། །མི་གསལ་གསལ་བར་ཡང་དག་ལྡན། །དེ་བཞིན་ཉིད་ཀྱི་ངོ་བོ་ལས། །འགྲོ་བ་ཐམས་ཅད་དགུག
301b3 པར་བྱ། །རླུང་གི་དཀྱིལ་འཁོར་མཆོག་གནས་པ། །སངས་རྒྱས་དགུག་པ་དམ་པ་ཡིན། །གནས་མེད་གནས་པའི་སྦྱོར་བ་ཡིས། །དེ་ཉིད་སྔགས་དོན་རྣལ་འབྱོར་པས། །འགྲོ་བ་འདོད་པའི་ལོངས་སྤྱོད་ཀྱང་། །མི་གསལ
301b4 སྦྱོར་བས་སྦྱོར་བར་བྱེད། །གང་ཡང་དམ་ཚིག་ཕྱོགས་རྣམས་ནི། །མཁའ་དབྱིངས་དབྱེ་བས་གནས་པ་རྣམས། །དེ་ཉིད་རྡོ་རྗེ་བཀུག་ནས་ནི། །སྔགས་རིག་པས་ནི་སྤྱད་པར་བྱ། །ནམ་མཁའི་ཁམས་ནི་དགུག་པ་འདི། །དམ
301b5 ཚིག་ཆེན་པོ་རྡོ་རྗེ་ཅན། །སྔགས་ཀྱི་དེ་ཉིད་གཅིག་སྦྱོར་ལས། །ལྕགས་ཀྱུ་དེ་རྣམས་འགྲུབ་པར་འགྱུར། །དམ་ཚིག་རྣམས་ནི་དགུག་པའི་མཆོག་།རྒྱལ་གནས་ལྕགས་ཀྱུ་བསམས་ནས་ནི། །རྣམ་པར་སྣང་མཛད
301b6 འཁོར་ལོ་ཆེ། །རྡོ་རྗེ་པད་མ་ལ་སོགས་བྱ། །མེ་ལོང་ལྟ་བུའི་སྔགས་པས་ནི། །སངས་རྒྱས་སྐུ་ནི་རྣམ་པར་བསྒོམ། །ལག་ཏུ་སྐུ་དང་གསུང་ཐུགས་ཀྱི། །ལྕགས་ཀྱུ་ལ་སོགས་རབ་ཏུ་བསྒོམ། །དེ་ནི་སྦྱོར་བ་འདི་ཉིད
301b7 ཀྱིས། །དེ་ཉིད་ལས་ནི་ལྷ་རྣམས་དགོད། །དེ་ནི་དེ་མ་ཐག་ཏུ་ཡང་། །དངོས་གྲུབ་ཀུན་སྟེར་ལས་བྱེད་འགྱུར། །སྐུ་དང་གསུང་ཐུགས་ཐམས་ཅད་ནི། །མཚན་ཉིད་གཅིག་པར་བསྒོམ་པར་བྱ། །ལྕེ་ཡི་རྡོ་རྗེ་སྦྱོར
301b8 བ་ཡིས། །གསུང་གི་རྡོ་རྗེ་དེ་མཉམ་བསྒོམ། །བརྟུལ་ཞུགས་ཅན་གྱིས་ཕྱི་ནང་གཉིས། །གསང་བའི་རྡོ་རྗེ་མཆོག་མཆོད་དོ། །དངོས་མེད་དམ་ཚིག་སྦྱོར་བ་ཡིས། །ཇི་ལྟ་ཇི་ལྟར་རབ་བསྒྲུབ་པ། །དམ་ཚིག་གསུམ་གྱི་རྣལ
iiif viewer powered by OpenSeadragon
