| e-texts navigator |
| Wylie |
301a1 དབྱིངས་ཀྱི་དབུས་གནས་པར། །རྡོ་རྗེ་མི་ཕྱེད་རབ་བསྒོམས་ཏེ། །ལག་ཏུ་རྡོ་རྗེ་བསྒོམས་ན་ནི། །རྡོ་རྗེའི་རིག་པ་འཛིན་པར་འགྱུར། །རྡོ་རྗེ་མཆོག་གི་བསྒྲུབ་པ་འདི། །རྡོ་རྗེ་སྐུ་ཡི་སྦྱོར་བ་ལས། །རྡོ་རྗེ་རིགས་ཀྱི་མཆོག
301a2 བསྒོམ་པ། །ཡེ་ཤེས་རྡོ་རྗེ་དག་གིས་བྱ། །ནམ་མཁའ་ཁམས་ཀྱི་དབུས་གནས་པར། །རིན་ཆེན་ལ་ནི་རིན་ཆེན་བསྒོམ། །དེ་ཉིད་ལག་ཏུ་ལེགས་བཞག་ན། །རིན་ཆེན་རིག་པ་འཛིན་པར་འགྱུར། །རིན་ཆེན་མཆོག་གི་བསྒྲུབ་པ་འདི། །རིན
301a3 ཆེན་སྐུ་ཡི་སྦྱོར་བ་ལས། །རིན་ཆེན་རིགས་ཀྱི་མཆོག་བསྒོམ་པ། །ཡེ་ཤེས་རྡོ་རྗེ་དག་གིས་བྱ། །ནམ་མཁའི་དབྱིངས་ཀྱི་དབུས་གནས་པར། །ཚེ་དཔག་མེད་པ་རབ་བསྒོམས་ལ། །ལག་ཏུ་པད་མ་བསྒོམས་ན་ནི། །པད་མའི་རིག
301a4 པ་འཛིན་པར་འགྱུར། །པད་མ་མཆོག་གི་བསྒྲུབ་པ་འདི། །པད་མའི་སྐུར་ནི་སྦྱོར་བ་ལས། །པད་མའི་རིགས་ཆེན་བསྒོམས་པ་ནི། །ཡེ་ཤེས་རྡོ་རྗེ་དག་གིས་བྱ། །ནམ་མཁའི་དབྱིངས་ཀྱི་དབུས་གནས་པར། །དོན་ཡོད་མཆོག་ནི་རབ
301a5 བསྒོམས་ལ། །ལག་ཏུ་རལ་གྲི་རབ་བསྒོམས་ན། །རལ་གྲིའི་རིག་པ་འཛིན་པར་འགྱུར། །དམ་ཚིག་མཆོག་ནི་འདི་བསྒྲུབ་པ། །སྐུ་ཡི་དམ་ཚིག་སྦྱོར་བ་ལས། །དམ་ཚིག་རྡོ་རྗེ་རིགས་བསྒོམས་པ། །ཡེ་ཤེས་རྡོ་རྗེ་དག་གིས
301a6 བྱ། །བསྒྲུབ་བྱ་རྡོ་རྗེའི་དབྱེ་བ་ཡིས། །མདུང་ཐུང་རྡོ་རྗེ་ལྕགས་ཀྱུ་སོགས། །སྐུ་གསུང་ཐུགས་ཀྱི་བསྒྲུབ་པ་ཡིས། །བསམ་གཏན་ཉིད་ཀྱིས་བསྒྲུབ་པར་འགྱུར། །དམ་ཚིག་ཆེན་པོ་འབྱུང་བ་ཡི། །དམ་ཚིག་དངོས་གྲུབ་ཅེས
301a7 བྱ་བའི། །མི་ཕྱེད་རྡོ་རྗེ་གསུམ་དབང་ཕྱུག་།སྣ་ཚོགས་བཅོམ་ལྡན་འདས་ཀྱིས་གསུངས། །སྡུག་བསྔལ་དང་ནི་ཀུན་འབྱུང་ཉིད། །འགོག་དང་ལམ་ནི་བཞི་པོ་ནི། །ལམ་གྱི་བཞི་མདོར་ཡང་དག་བཤད། །བསྒྲུབ་པ་པོ་ནི
301a8 གནས་མིང་ཅན། །ཤིང་གཅིག་དྲུང་དུ་ཡང་དག་རྟོག་།ཆོས་དང་རྫོགས་ལོངས་སྤྱོད་མིང་ཅན། །སྣ་ཚོགས་མཚན་གཅིག་ཡང་དག་དགོད། །མཚན་མ་རྐྱེན་གྱི་གཟུགས་ཅན་ནོ། །འབྱིན་དང་རྔུབ་པ་ཉིད་དང་ནི། །གནས
iiif viewer powered by OpenSeadragon
