| e-texts navigator |
| Wylie |
300b1 བྱུང་རལ་གྲི་ནི། །བློ་ལྡན་ལག་པ་དེ་བཞག་ན། །རྡོ་རྗེ་རིག་པ་འཛིན་པར་འགྱུར། །རང་གི་སྔགས་ཀྱི་ཁོང་ཆུད་འདི། །ཧོ་ཧོ་ཧཱུ~ཾ་དེ་ཁམས་གསུམ་པ། །པད་མ་སྤངས་པའི་ཚངས་པ་ཆེར། །རྣལ་འབྱོར་པ་དེ་འགྱུར་བ་ཡིན། །ཁམས་གསུམ
300b2 ཀུན་གྱིས་ཆེར་མཆོད་ཅིང་། །ཚངས་པ་ལྷ་མིན་ཕྱག་བྱས་པ། །སྟོང་གསུམ་མི་ཡི་མཆོག་གཅིག་པུ། །དཔག་ཆེན་པོ་ཡི་ཚངས་པར་འགྱུར། །ཐུགས་ཀྱི་རྡོ་རྗེ་མཆོག་བསྒོམས་པས། །དངོས་གྲུབ་ཇི་ལྟར་འདོད་པ་དག་།སྐུ་གསུང
300b3 ཐུགས་ཀྱི་རྡོ་རྗེ་ལས། །དེ་ནི་དེ་མ་ཐག་ཏུ་འཐོབ། །རང་གི་རྡོ་རྗེ་ཏིང་འཛིན་འདི། །དངོས་མེད་གཅིག་པུ་ཡང་དག་བྱུང་། །བྱང་གྲོལ་ལ་ཡང་དེ་མི་གནས། །རལ་གྲི་ཁ་དང་འདྲ་བར་འགྱུར། །ོཾ་ནི་རིལ་བུ་ཙ་ན་ཀའི། །འབྲུ་ཚད་ཙམ་དུ
300b4 བསམས་ནས་ནི། །དབུས་སུ་རང་གི་ལྷ་ཡི་གཟུགས། །བསམས་ཏེ་ཁར་བཅུག་རྣམ་བསྒོམས་ན། །བྱང་ཆུབ་ཡེ་ཤེས་འོད་པོ་ཆེར། །བློ་ལྡན་དེ་མ་ཐག་དེ་འགྱུར། །འཛམ་བུའི་ཆུ་བོའི་གསེར་མདོག་གམ། །ཉི་མ་འཆར་བའི
300b5 མདོག་འདྲ་བའི། །ཙ་ན་ཀ་ཡི་འབྲུ་ཚོད་ཙམ། །ཡི་གེའི་དམ་པ་ཨཱཿབསམ་མོ། །དེ་ཡི་དབུས་སུ་ལྷ་ཡི་གཟུགས། །ཁར་བཅུག་ནས་ནི་རྣམ་བསྒོམས་ན། །བྱང་ཆུབ་ཡེ་ཤེས་འོད་པོ་ཆེ། །དེ་ནི་དེ་མ་ཐག་ཏུ་འགྱུར། །ནམ་མཁའི་དབུས
300b6 ན་གནས་པ་ཡི། །ཙ་ན་ཀ་ཡི་འབྲུ་ཚོད་ཙམ། །ཡི་གེ་ཧཱུ~ཾ་ནི་རྣམ་བསམས་ཏེ། །དབུས་སུ་རང་གི་ལྷ་བསམས་ན། །ཁར་བཅུག་ནས་ནི་རྣམ་བསམས་ན། །རྡོ་རྗེ་སེམས་དཔའ་འོད་པོ་ཆེ། །དཔལ་ལྡན་དེ་མ་ཐག་ཏུ་འགྱུར། །འཛམ་བུའི
300b7 ཆུ་བོའི་གསེར་མདོག་དང་། །ཉི་མ་འཆར་ཀའི་མདོག་འདྲ་བའི། །རྣམ་པར་སྣང་མཛད་མཁའ་དབྱིངས་ཀྱི། །དཀྱིལ་འཁོར་དབུས་སུ་རབ་བསྒོམས་ལ། །ལག་ཏུ་འཁོར་ལོ་རྣམ་བསྒོམས་ན། །འཁོར་ལོའི་རིག་པ་འཛིན་པར་འགྱུར། །
300b8 རྡོ་རྗེའི་སྐུ་མདོག་སྦྱོར་བ་ཡང་། །འདི་ནི་ཡེ་ཤེས་མཆོག་སྒྲུབ་པའོ། །འཁོར་ལོ་ཆེན་པོའི་རིགས་བསྒོམས་ཏེ། །ཡེ་ཤེས་རྡོ་རྗེ་དག་གིས་བྱ། །འཛམ་བུའི་ཆུ་བོའི་གསེར་མདོག་གམ། །ཉི་མ་འཆར་ཀའི་འོད་འདྲ་བའི། །ནམ་མཁའི
iiif viewer powered by OpenSeadragon
