| e-texts navigator |
| Wylie |
300a1 ན། །སངས་རྒྱས་འདྲ་བར་འགྱུར་བར་བཤད། །སུམ་བཅུ་རྩ་དྲུག་གནས་སྦྱོར་བའི། །རི་རབ་ཀྱི་ནི་རྡུལ་ཕྲན་རྣམས། །དེ་སྙེད་དེ་ཡི་རྗེས་འབྲང་རྣམས། །དམ་ཚིག་རྡོ་རྗེ་ཞེས་བྱ་བའོ། །གནས་ནི་ལྷ་ཡི་སྦྱོར་བ་སྟེ། །སྣ་ནི
300a2 རི་རབ་ཅེས་བྱའོ། །བདག་ཉིད་ཆེན་པོ་སུམ་བཅུ་བདུན། །ནམ་མཁར་སྤྲོ་བ་བསམ་མི་ཁྱབ། །འཇམ་པའི་རྡོ་རྗེ་བདག་པོ་སྟེ། །འདི་དག་འཁོར་དུ་གྱུར་པ་ཡིན། །འཇིག་རྟེན་པ་ཡི་རང་ངོ་བོ། །ཕྱི་ཡི་རི་རབ་བརྟག་པ་ཡིན། །དམ
300a3 ཚིག་རྡོ་རྗེ་ཞེས་བྱ་བའི། །འཁོར་ལོའི་ཏིང་ངེ་འཛིན་ཅེས་བྱ། །འཁོར་ལོ་དངོས་གྲུབ་རྙེད་སླ་བ། །སྐད་ཅིག་སྦྱོར་བས་བསྒྲུབ་པའོ། །རྡོ་རྗེ་ཆེན་པོ་རང་སྔགས་ཀྱིས། །དཀྱིལ་འཁོར་དབུས་སུ་རབ་བསྒོམས་ན། །རྡོ་རྗེ་ཀུན
300a4 གྱི་གནས་མཆོག་སྟེ། །ཐུགས་ཀྱི་རྡོ་རྗེ་འདྲ་བར་འགྱུར། །རི་རབ་སུམ་བཅུ་རྩ་དྲུག་གི། རྡུལ་ཕྲན་ཇི་སྙེད་ཡོད་པ་ཡི། །དེ་སྙེད་བུད་མེད་དེ་ཡི་ནི། །གསུམ་འགྱུར་གནས་སུ་འགྱུར་བ་ཡིན། །ཁམས་གསུམ་གྱི་ནི་རྡོ་རྗེ་ཆེ། །
300a5 དྲུག་པོ་ཡིས་ནི་ཕྱག་བྱས་འགྱུར། །རྡོ་རྗེ་དམ་ཚིག་ཅེས་བྱ་བའི། །ཏིང་འཛིན་འདི་ནི་ཡང་དག་བཤད། །པད་མ་ཆེན་པོ་འདབ་བརྒྱད་པ། །རང་སྔགས་རྡོ་རྗེ་ལས་བྱུང་བ། །ཆོས་རྣམས་ཀུན་གྱི་གནས་བསྒོམས་ན། །རྡོ་རྗེ་ཆོས
300a6 དང་འདྲ་བར་འགྱུར། །སུམ་བཅུ་རྩ་དྲུག་གནས་སྦྱོར་བའི། །རི་རབ་རྡུལ་ཕྲན་གྲངས་སྙེད་ཀྱི། །སངས་རྒྱས་རྡོ་རྗེ་མཆོག་གི་ནི། །དཀྱིལ་འཁོར་ལ་བདག་བདག་ཉིད་འཇོག་།གོས་མེད་མཉམ་ཉིད་ཡེ་ཤེས་ཀྱི། །རྡོ་རྗེ་པད་མོ་གྲུབ
300a7 བཅས་སྦྱིན། །སོ་སོར་རྟོག་པ་ཞེས་བྱ་བའི། །ཏིང་ངེ་འཛིན་ནི་ཡང་དག་བཤད། །ཤིན་དུ་གྲངས་མེད་བསྐལ་པར་ནི། །གྲངས་ཀྱི་མིང་གིས་གནས་པར་ནི། །གནས་ཤིང་སྒོམ་པར་བྱེད་པ་ཡིན། །དེ་ཡི་ཡེ་ཤེས་ལྔར་ལྡན་པ། །
300a8 སངས་རྒྱས་ཀུན་གྱི་དགོངས་པ་ནི། །འཇིག་རྟེན་ཕན་ཕྱིར་གསུངས་པ་རྣམས། །ཕྱོགས་བཅུའི་སངས་རྒྱས་མཐའ་ཡས་པའི། །ཡོན་ཏན་གསུམ་ནི་ཡོངས་སུ་བསྟེན། །འོད་ཟེར་ལྔ་ཡི་མདོག་འདྲ་བའི། །རང་སྔགས་ལས
iiif viewer powered by OpenSeadragon
