| e-texts navigator |
| Wylie |
299b1 བསམ་ཤིང་། །དངོས་གྲུབ་སྣ་ཚོགས་མེ་ཏོག་ལྡན། །སྤྲུལ་པའི་འབྲས་བུ་ཤིན་ཏུ་མཛེས། །ཡང་དག་རྫོགས་པའི་བྱང་ཆུབ་རི། །དངོས་མེད་དབེན་པ་ཉམས་དགའ་བ། །རྡོ་རྗེ་ཞེས་བྱ་དེས་བསྒྲུབ་བྱ། །ཕུང་སོགས་ཡན་ལག
299b2 ཐམས་ཅད་དེ། །སངས་རྒྱས་འབྱུང་བ་དངོས་གྲུབ་གྱུར། །སྔགས་འདོན་པར་ནི་གང་གྱུར་པ། །བསྡུས་པ་སྔགས་ནི་གཅིག་པུ་པ། །ལུས་སོགས་རྡོ་རྗེ་གསུམ་ལ་ནི། །རྡོ་རྗེ་འཇམ་པ་བསྒོམ་པར་བྱ། །ལུས་ལ་སོགས་པ
299b3 རྡོ་རྗེ་གསུམ། །དེ་ཉིད་གསུམ་ནས་སྤྲོ་བར་བྱ། །རྡོ་རྗེ་གསུམ་དང་ལུས་སྦྱོར་ལས། །འཇམ་པའི་རྡོ་རྗེ་འདྲ་བར་འགྱུར། །ནམ་མཁའ་མཐའ་ཡས་ཡང་དག་རྟོག་།སེམས་སྦྱོར་བ་ནི་དཔག་ཚད་ཡིན། །ལྔ་བཅུ
299b4 གཉིས་གྱུར་གང་ཡིན་པ། །བརྒྱ་བརྒྱ་པ་ནས་མངོན་ཕྱོགས་ལ། །ཅི་རིགས་གཅིག་པའི་ཡང་དག་རྟོགས། །སྣ་ཚོགས་རྡོ་རྗེ་འབར་གཅིག་སྩོལ། །དཔག་ཚད་བརྒྱ་ཡི་ཁྱོན་ཙམ་དུ། །འབར་བའི་རྡོ་རྗེ་སྣང་བ་ཡིས། །ས་ལ་སོགས་པ
299b5 བརྒྱན་པ་ནི། །དེ་ནི་སྣང་བ་ཞེས་བཤད་དོ། །ཚངས་པ་དབང་པོ་ལ་སོགས་ལྷ། །དད་པས་དེ་ལ་ཕྱག་ཀྱང་བྱེད། །འདི་ནི་མི་སྣང་བྱེད་པ་སྟེ། །ཏིང་འཛིན་འཇམ་པའི་རྡོ་རྗེ་ཉིད། །རྣམ་པར་སྨིན་པ་ལྡོག་གྱུར་ཅིང་། །ཇི་སྐད་གསུངས་པ་འགྲུབ་པར
299b6 འགྱུར། །ཕུང་པོ་ལ་སོགས་གྲངས་མཉམ་པར། །མི་བསྐྱོད་ལ་སོགས་རབ་ཏུ་བརྟག་།བཤང་གཅི་སྦྱངས་ལས་དེ་གྱུར་པ། །གང་ཞིག་དམ་ཚིག་ཅེས་བྱའོ། །དམ་ཚིག་ཅེས་བྱ་དེ་དག་མཆོག་།མི་ཕྱེད་རྡོ་རྗེ་གསུམ་འབྱུང་བས། །དཀོན
299b7 མཆོག་གསུམ་ནི་མཉམ་བྱས་ཏེ། །བདག་མེད་པ་ཡང་བསྒོམ་པར་བྱ། །དཀོན་མཆོག་གསུམ་ནི་ལྕགས་གསུམ་ཡིན། །བདག་མེད་ཅེས་བྱ་ཁ་ཡིན་ཏེ། །གང་འདི་རྣམ་རྟོག་གཅིག་ཉིད་དུ། །བཅུག་པ་རིལ་བུ་ཡིན་པར་འདོད། །སངས་རྒྱས
299b8 རྣམས་ཀྱིས་མི་བྱེད་པའི། །སྒོམ་པ་སེམས་ཀྱི་དམ་པའོ། །དེ་ལྟར་དེ་ཉིད་ཤེས་བསྒོམས་ན། །སྐད་ཅིག་གིས་རྣམ་རྡོ་རྗེར་འགྱུར། །འཁོར་ལོ་འོད་འཕྲོ་མཚུངས་པར་གྱུར། །རང་གི་སྔགས་ཀྱིས་རྣམ་སྒོམས་ནས། །སངས་རྒྱས་ཀུན་གྱི་གནས་བསྒོམས
iiif viewer powered by OpenSeadragon
