| e-texts navigator |
| Wylie |
299a1 སོགས་བལྟ་བ། །བརྡ་ལས་ཇི་ལྟར་ལུས་ཡིན་བཞིན། །མ་བྱིན་ལེན་པ་བྱང་ཆུབ་སེམས། །ཀུན་རྫོབ་བསྟན་པ་རྫུན་སྨྲ་བ། །ཕུང་པོ་སྲོག་ཆགས་གྱུར་པ་སྟེ། །ཚངས་པའི་གནས་བཞི་བུད་མེད་ཡིན། །མི་སྦྱིན་ཚིག
299a2 དང་རྐང་པ་སྟེ། །དེ་བཞིན་རྟེན་པ་ཉིད་ཀྱང་ནི། །དུས་གསུམ་སྦྱོར་བ་གཅིག་པུ་རུ། །སྔགས་པ་ཡིས་ནི་དེ་བྱའོ། །བཤང་བ་ཞེས་ནི་ཡུལ་ལ་བཤད། །ཅིག་པ་ཞེས་ནི་དབང་པོ་ཡིན། །དེ་དག་ཟ་བར་བཤད་པ་ནི། །མ་སྐྱེས་གཅིག་པུར
299a3 མཐོང་བའོ། །ཁྲག་གི་པགས་པར་ཡང་དག་བཤད། །ས་བོན་ལུས་ཤེས་བྱ་བ་ཡིན། །རྐང་ནི་སེམས་ཀྱི་ཀུན་རྟོག་པ། །ཟ་བ་དངོས་མེད་གྱུར་པའོ། །སྨོན་ལམ་དབང་གིས་འདི་རྣམས་ནི། །བི་མུ་ར་ཤུ་པ་ས་འདི། །ལྷ་རྣམས
299a4 སྦྱོར་བའི་ཆོས་ཉིད་དུ། །བདུད་རྩི་ཞེས་ནི་བརྗོད་པ་ཡིན། །དགོངས་པ་ཡིས་ནི་བཤད་པ་ལ། །བྱིས་པ་རྣམས་ནི་ཡི་གེར་རྟོག་།རྡོ་རྗེ་ཐེག་ལ་གནས་ཁྱོད་ཀྱང་། །ཆོས་ཉིད་དེ་ཡང་མི་ཤེས་སོ། །རྟོག་པ་ཀུན་ལས
299a5 རྣམ་འདས་པས། །ཆོས་ཀྱི་དབྱིངས་ཏེ་མཁའ་དང་མཚུངས། །དེ་འདྲ་འཇིག་རྟེན་རྒྱང་པན་པ། །མཐོན་པོའི་གསང་གིས་རྟོག་པར་བྱེད། །ཡི་གེ་གང་གིས་མི་གང་ཞིག་།འགྲོ་ལ་གསལ་བར་རྟོག་བྱེད་པ། །འགྲོ་དོན་གཅིག
299a6 པའི་སྦྱོར་བ་ལས། །དེ་ཉིད་ཀྱི་ནི་དེ་ཉིད་མཐོང་། །གང་ཞིག་རྣམ་སྨིན་སྨིན་པ་ཡི། །སེམས་ནི་དངོས་གྲུབ་ལ་གཞོལ་བ། །རྫོགས་ལོངས་སྤྱོད་པའི་སྐུར་སྦྱོར་ལས། །དངོས་པོ་མེད་པ་ཉིད་དུ་བྱུང་། །བདག་ཉིད་བསམ་གྱིས་མི་ཁྱབ
299a7 གཟུགས། །ཀུན་རྫོབ་དོན་གྱི་གཉེན་པོར་འབྱུང་། །སྤྲུལ་པའི་ལུས་ལས་སྔགས་པས་ནི། །སྒྱུ་མ་བཞིན་དུ་སྟོན་པར་བྱེད། །གསང་བའི་དངོས་པོ་དེ་ཉིད་འདི། །འཇམ་དཔལ་ཡེ་ཤེས་དམ་པའོ། །རྡོ་རྗེ་གསུམ་གནས་སྦྱོར་བ་ཡིས། །
299a8 བསྒོམ་པའི་བདག་ཉིད་ཅན་གྱིས་བསྒོམ། །ནམ་མཁར་རྟོགས་པའི་རྣལ་འབྱོར་ལ། །ཕུང་པོ་དགོན་པ་ཆེན་པོར་འདོད། །གནས་མེད་གནས་པའི་སྦྱོར་བ་ཡིས། །དེ་བཞིན་ཉིད་གནས་ས་ཕྱོགས་ཡིན། །ལོངས་སྤྱོད་རྫོགས་པའི་དཔག
iiif viewer powered by OpenSeadragon
