| e-texts navigator |
| Wylie |
298b1 དངོས་པོ་གཅིག་གྱུར་མཐོང་བ་དང་། །འགྲོ་བཅས་ཚངས་པ་འགྲོ་བདག་ཉིད། །ཚངས་པའི་གནས་པ་བཞི་པོ་ལས། །སྨོན་ལམ་ལ་སོགས་བསྒོམ་བྱ་བའོ། །འགྲོ་དོན་གཏོགས་འདོད་པ་ཡི་ཡོན་ཏན་གྱུར་བདག་ལ། །དགྱེས་པའི་བདེ་མཆོག
298b2 དགའ་བའི་འདོད་པ་མཛོད། །སྔོན་ཆད་མཛད་པའི་སྨོན་ལམ་རབ་མཆོག་དགོངས་ནས་ནི། །ཐུབ་པ་རྡོ་རྗེའི་ཚིག་མཆོག་རྣམ་པར་དབྱེ་བར་གསོལ། །ནོར་བུ་རིན་ཆེན་དག་གིས་རྣམ་བརྒྱན་སྐུ་ཡི་མཆོག་།འགྲོ་བའི་དོན་བྱེད་སྲིང་མོ་བདག
298b3 ལ་བརྟེན་པར་མཛད། །ལྷག་པའི་སྙིང་རྗེ་ལས་བྱུང་རབ་མཆོག་ལྡན་པའི་སྐུ། །བདག་ནི་ཡོངས་སུ་བཟུང་ལ་ཆོས་རྣམས་དོན་ཡོད་མཛོད། །སྲིང་མོས་ཀྱང་ནི་ཁྱད་པར་དུ། །དེ་ལྟར་བསྐུལ་བ་ཙམ་གྱིས་ནི། །དེ་ནས་ཡོངས་སུ་འཛིན་མཛད་དེ། །
298b4 རིག་པའི་པད་མ་དཔལ་དུ་མཛད། །ཤིན་དུ་སྙན་ཅིང་ཡིད་འོང་དབྱངས་ཀྱིས་ནི། །ཕན་པས་མྱུར་དུ་འགྲོ་བ་གཉིས་མེད་འདིར་སྣོད་གྱུར། །བླ་མ་བདག་ནི་གལ་ཏེ་གསོན་པར་མཆིས་བཞེད་ན། །དགའ་བ་ལས་བྱུང་ཆོས་དགའ་བདག་ལ་དགྱེས
298b5 པར་མཛོད། །འགྲོ་བ་དང་ནི་འོང་དང་གནས་པ་ཙམ་འདི་ནི། །ནམ་ཡང་ལྟོས་པར་གྱུར་པ་དག་གི་མངའ་བ་ལགས། །ཀུན་དུ་སོང་བའི་བདག་ཉིད་ཅན་གྱི་དམ་ཚིག་སྟོན། །འདོད་པའི་ཡོན་ཏན་རྣམས་དང་ཁྱེད་བདག་འདོད་པ་མཛོད། །དགོངས
298b6 པའི་ཡེ་ཤེས་རྡོ་རྗེ་ཡིས། །སངས་རྒྱས་ཡོན་ཏན་གཅིག་ལ་བཞུགས། །བཟླས་བརྗོད་སྦྱིན་བསྲེག་དེ་བཞིན་ཁྲུས། །དཀྱིལ་འཁོར་ཡོངས་སུ་བརྟགས་པ་མཛད། །འདོད་པ་མེད་ཅིང་ཆགས་ལ་ཞི། །དེ་ཡང་དོན་དམ་དག་གྱུར་ཡིན། །
298b7 སྤྱོད་དུས་དེ་བཞིན་སྔགས་པ་ནི། །བཟླས་བརྗོད་དངོས་པོ་མེད་པ་ཡིན། །བསྙེངས་པ་ཡང་ནི་ཡིད་བཟང་ལྡན། །མདའ་དང་རིག་བྱེད་ཡོན་ཏན་དང་། །ཟུང་དང་ཟླ་དཀྱིལ་རྣལ་འབྱོར་པ། །དབྱངས་ཀྱི་ཡི་གེ་གཞག་པར་བྱ། །ཧ་ཡི་སྡེ་ཚན་ཀ
298b8 སྡེ་དང་། །བཅུ་གཉིས་ཕྱེད་ཕྱེད་དག་ཏུ་སྦྱར། །གཤིན་རྗེའི་གཤེད་ཀྱི་གཟུགས་འདི་ནི། །ཉི་མའི་དཀྱིལ་འཁོར་དག་ལ་དགོད། །དེ་ནས་སྔགས་པ་མདུན་འདུག་སྟེ། །དགོངས་པའི་དོན་གྱིས་བརྟག་པར་བྱ། །ཕུང་པོ་ཁམས་ལ
iiif viewer powered by OpenSeadragon
