| e-texts navigator |
| Wylie |
297a1 སེམས་ཅན་རྣམས་ནི་དེར་འཇོག་སྟེ། །གསོལ་བ་འདེབས་དང་ཕྱག་འཚལ་དང་། །འཇིག་རྟེན་རྣམས་ལ་གསོལ་བྱ་དང་། །རྫོགས་སངས་རྒྱས་རྣམས་མཉེས་བྱེད་དེ། །ཁྱོད་ཀྱི་ཐལ་མོར་གནས་པ་ཡིན། །གང་ཞིག་སེམས
297a2 ཅན་སངས་རྒྱས་གྱུར། །དེ་བཞིན་གཉིས་མེད་ཆོས་ཉིད་ཅན། །གནས་མེད་གནས་པའི་སྦྱོར་བ་ཡིས། །ཐམས་ཅད་སངས་རྒྱས་རྣམས་གནས་སོ། །སྣ་ཚོགས་མཚོན་པ་དེ་ཉིད་དོ། །མཐོང་བ་གསལ་བྱེད་ཐལ་མོ་ཡིན། །
297a3 དེ་བས་དེ་རྣམས་མགུ་གྱུར་པ། །ཆོས་ཀྱི་དེ་ཉིད་རྐྱེན་ལས་སོ། །རྒྱུ་མེད་རང་གི་དེ་ཉིད་འདི། །ཁྱེད་ཀྱི་ཕྱག་རྒྱའི་སྦྱོར་ལས་བྱུང་། །གང་ཞིག་ཤེས་པས་འདོད་འགྲུབ་པའི། །དངོས་གྲུབ་དེས་ནི་ཐོབ་པར་གྱུར། ། ཉིད་དེར་ནི་མི
297a4 གསལ་བའི། །རྒྱུ་ལས་སྦྱོར་བར་གྱུར་པ་ཡིན། །དོག་པར་དེ་ནི་ཡོངས་བཤད་དེ། །དངོས་པོ་མེད་པར་རས་ཀྱི་མིང་། །འཕགས་པ་གཤིན་རྗེ་གཤེད་བསྒོམས་ལ། །གཞོན་ནུའི་གཟུགས་སུའང་བསྒོམ་པར་བྱ། །དོག་པ་དེ་ཡི་རས་དོན་ལས། །
297a5 མི་སྣང་བ་ལ་སོགས་གྲུབ་ཅིང་། །ཡིད་བཞིན་ནོར་བུ་འདྲ་བའི་མཆོག་།འགྲོ་བའི་དོན་གཅིག་ཡང་དག་བྱུང་། ། ཡི་དོག་རས་མཚོན་པས་ནི། །འཇིག་རྟེན་པ་ལ་དགོངས་པས་བཤད། །འདི་ནི་ཆོས་དང་རྫོགས་ལོངས་སྤྱོད། །སྤྲུལ
297a6 པས་དེ་ནི་གསུམ་དུ་འགྱུར། །བྱིས་པ་རྟོག་པར་བྱ་བའི་ཕྱིར། །དེ་ནི་རྣམ་པ་ལྔར་ཡང་འགྱུར། །ཐ་མལ་བྱིས་པའི་ཆོས་རྣམས་གང་། །རྣམ་ལྔ་གཅིག་པའི་རྣལ་འབྱོར་པ། །དེ་ཡང་ཤིན་དུ་ལྡན་སེམས་ཅན། །སེམས་ཅན་སོགས
297a7 ལ་རྣམ་པར་གནས། །རྟག་པ་ལྟར་ནི་སོ་སོར་སྣང་། །འགྲོ་བ་དུས་གསུམ་མཚན་ཉིད་གཅིག་།སྐྱེ་བ་མེད་ལས་སྐྱེས་པས་ན། །གཅིག་དང་དུ་མ་རྣམ་སྤངས་པའོ། །ཤེས་འདོད་དེ་ཚེ་སྔགས་པ་ནི། །འགྲོ་བ་བྱིས་པ་དེ་ཚེ་སྤྱོད། །
297a8 དེ་ནས་གསང་སྔགས་གྲུབ་འགྱུར་བ། །རྣམ་པར་མི་རྟོག་གཅིག་ཤོས་ཉིད། །ཡ་ཡི་སྡེ་སོགས་གནས་བྱས་ཏེ། །སྔགས་ནི་ན་རི་བྲི་བར་བྱ། །རང་གི་སྡེ་བཅས་གནས་དག་ནི། །ཡི་གེ་ཨ་བཞིན་སྔོན་འགྲོ་བ། །སོ་སོ
iiif viewer powered by OpenSeadragon
