| e-texts navigator |
| Wylie |
296a1 སྦྱར་བ་འདི། །སེམས་ཅན་རྗེས་བཟུང་དམ་པ་ཡིན། །མ་བཟུང་བ་ཡི་སེམས་ཅན་རྣམས། །བསྡུ་བའི་དོན་དུ་ཁྱོད་ཀྱིས་བྱ། །སྨད་བྱ་འོན་པ་ལྐུགས་པ་དང་། །དེ་བཞིན་ལོང་བར་གྱུར་པ་དང་། །གང་ཞིག་འཕྱེ་བོ་ལ་སོགས
296a2 གྱུར། །དེ་རྣམས་ལ་ནི་ཕན་ཕྱིར་བྱ། །དེ་ལ་སོགས་པ་མདོར་བསྡུས་པ། །དེ་ནི་ཁྱེད་ཀྱི་ཐལ་མོར་གནས། །དེ་ནི་འཇིག་རྟེན་འདས་གཙོར་གྱུར། །དེ་ཉིད་བསྡུས་པའི་རྒྱུ་ཅན་ནོ། །དེ་ནི་ནང་མིན་ཕྱི་མ་ཡིན། །གཉིས་མིན་གཞན་གྱི་རྒྱུ་ལས་མིན། །
296a3 ཕྱག་རྒྱ་ཚོགས་པ་ལས་སྐྱེས་མིན། །འཇིག་རྟེན་རྐྱེན་ལས་བྱུང་བ་མིན། །རྡོ་རྗེ་ཐལ་མོ་བསྡོམས་པས་ན། །མིང་ནི་རྡོ་རྗེ་ཐལ་མོར་གྱུར། །སེམས་ཅན་རྣམས་ཀྱིས་རྟོགས་དཀའ་བའི། །སྙིང་པོ་རྟོགས་པར་བྱ་བའི་མཆོག་།ཕྱག་རྒྱ་འདི་ལྟ
296a4 བུ་འདི་ཡིན། །ཕྱི་ནང་གཉིས་ཀྱི་མིང་ཅན་ནོ། །མི་བསྐྱོད་རིན་ཆེན་དཔག་མེད་དེ། །དངོས་གྲུབ་རྣམ་སྣང་དེ་བཞིན་གཤེགས། །འདི་དག་ལག་པ་གཡས་པ་ཡི། །མཐེའུ་ཆུང་ལ་སོགས་རྣམས་ལ་གནས། །གཉིས་པོར་གཅིག་འགྱུར་དགེ
296a5 འདུན་ཏེ། །དེ་འདི་སྐྱབས་ནི་གསུམ་ཡིན་ཏེ། །སངས་རྒྱས་ཆོས་དང་དགེ་འདུན་རྣམས། །གཅིག་དང་གསུམ་དུ་བརྟགས་པ་ཡིན། །ཕན་ཚུན་བཅིངས་པའི་རྡོ་རྗེ་ཉིད། །ཤེས་རབ་ཐབས་ཀྱི་གནས་མཐོང་ཡིན། །ཐལ་མོ་བཅིངས
296a6 པ་ཙམ་གྱིས་ཀྱང་། །སངས་རྒྱས་ཐམས་ཅད་ཉིད་ཐོབ་འགྱུར། །སྐྱབས་གསུམ་དང་ནི་དེ་ཉིད་གསུམ། །རྡོ་རྗེ་གསུམ་དང་རྣམ་ཐར་གསུམ། །ཞལ་གསུམ་མདོག་གསུམ་སྤྱན་གསུམ་དང་། །ལྷ་གསུམ་དང་ནི་ཁམས
296a7 གསུམ་དང་། །དུས་གསུམ་དམ་ཚིག་མཆོག་གསུམ་དང་། །ཚུལ་གསུམ་དཀྱིལ་འཁོར་གསུམ་དུ་འགྱུར། །སྦྱོར་བ་གསུམ་དང་ལམ་གསུམ་སྟེ། །ཇི་སྲིད་རྟོགས་པའི་འདོད་པ་རྣམས། །དེ་ནི་ཐལ་མོར་སྦྱོར་འདི་ཡིན། །
296a8 འདོད་ནོར་ཡོན་ཏན་གསུམ་གྱི་མཆོག་།རིམ་དང་བསླབ་པ་སྟེར་བ་དག་།མ་འོངས་སྐྱེ་བོས་འཐོབ་པར་འགྱུར། །དེ་ཉིད་དུ་ནི་དེར་འགྱུར་ན། །གཅིག་དང་དུ་མ་རྣམ་པར་སྤངས། །ཆོས་བཤད་བཤད་པ་དངོས་མེད་པ། །འགྲོ་བ་རྐྱེན
iiif viewer powered by OpenSeadragon
