| e-texts navigator |
| Wylie |
295b1 ཞེས་བྱ་བ། །དེར་ནི་བདག་ཡོངས་བསྒྲགས་པ་ཡིན། །གནས་དང་འཕོ་དང་སྐྱེ་བ་དང་། །གཞན་གྱི་ལུས་ལས་ཡང་དག་འཕོ། །ཡེ་ཤེས་རང་ཉིད་མེད་ཡིན་ཏེ། །ཁྱབ་པར་འཛིན་པ་དེ་བཞིན་ནོ། །རལ་གྲི་ལ་སོགས་དངོས་གྲུབ་དེར། །བྱང་ཆུབ་ཕྱི
295b2 རོལ་ཉིད་འགྲུབ་འགྱུར། །གཉིས་པོ་འདི་དག་གནས་པ་ཡི། །རྣམ་དག་འདི་དག་རབ་ཏུ་བརྟག་།ཚངས་པ་ལ་སོགས་པ་རྣམས་དེར། །མ་འོངས་པ་རྣམས་སྒོམ་པར་འགྱུར། །དེ་ནི་མཐོ་རིས་སོགས་འགག་པས། །དེ་བཞིན་འགྱུར་བ
295b3 སེལ་བ་ཡིན། །རྣལ་འབྱོར་པ་རྣམས་སྲོག་སྤངས་ནས། །གཉིས་སྤྱད་པར་ནི་རྣམ་པར་གནས། །ཤིན་དུ་སྦྱོར་གཅིག་གྱུར་སོང་བས། །འཇུག་འགྱུར་བ་ནི་དྲག་པོ་ཡིན། །ནམ་མཁའ་དགག་པའི་སྦྱོར་བ་ཡང་། །ཚངས་པར་གཞོལ
295b4 བའི་བདག་ཉིད་ཅན། །མངལ་གྱི་གཟུགས་གྱུར་ཁྱབ་འཇུག་སྟེ། །དེ་ཡི་དབུས་ན་དབུས་བཟུང་བ། །སྤུ་ཡི་ཆ་ནི་སྟོང་ལས་གཅིག་།ཞི་དེ་རྣམ་པར་མི་རྟོག་ཉིད། །ཐར་པ་གཅིག་པུར་དེ་སྟོན་བྱ། །ཐར་པའི་ངོ་བོ་ཉིད་མ་ཡིན། །དེ་ལྟ་བས་ན
295b5 འདི་ལོག་བྱ། །ཞི་བ་ཉིད་ནི་སྒྲོགས་པའོ། །སྟོན་པ་དེ་རྣམས་ཕྱེ་ནས་ནི། །ཞི་བའི་ཆོས་རྣམས་སྨྲ་བར་འགྱུར། །ཐབས་ཆེན་དེ་བཞིན་ཤེས་རབ་དག་།འདི་འདྲ་མཐོང་བར་མི་འགྱུར་རོ། །ཚངས་ལ་སོགས་པའི་ལྷ་རྣམས་ཀུན། །ཁྱོད་ཀྱི་ཐལ
295b6 མོ་དག་ལ་གནས། །དེ་རྣམས་ཕྱག་རྒྱ་སྟོན་བྱེད་ཅིང་། །སྔགས་ནི་བྱེ་བ་མཐའ་ཡས་པ། །འདི་ཉིད་དུ་ནི་ཉི་ཟླ་དང་། །སྦྱིན་བསྲེག་ལས་ཅན་མེ་དང་ནི། །ལོ་དང་ཟླ་བའི་སྦྱོར་བ་དང་། །རྟག་ཏུ་འཆར་དང་འཕེལ་འགྲིབ་དང་། །དེ་ཉིད
295b7 གསུམ་གྱི་སྦྱོར་སྐྱེས་འདི། །དེ་ཉིད་གཅིག་པུ་རྣམ་པར་གནས། །ཞི་བ་ཉིད་ཀྱི་སྦྱོར་ཆོས་ལ། །དེ་ཡང་གཅིག་དང་དུ་མ་སྤངས། །ཁྱེད་ཀྱི་ཐལ་མོ་ལས་བྱུང་བ། །དེ་བས་དེ་ནི་འདའ་མི་བྱ། །དེ་བཞིན་གཤེགས་ཀུན་སྤངས་འགྱུར
295b8 བས། །དེ་ནི་སྤོང་བར་མི་བྱ་ཞིང་། །འདི་དག་དངོས་མེད་ལ་ལྟོས་པས། །རྣལ་འབྱོར་པ་ནི་མཆོག་ཏུ་འདོད། །གཞན་དུ་རྣམ་རྟོག་ཉིད་ལས་ནི། །དངོས་གྲུབ་འབྲས་བུའི་སྣོད་མི་འགྱུར། །དེ་བས་ཐལ་མོ
iiif viewer powered by OpenSeadragon
