| e-texts navigator |
| Wylie |
295a1 རྡོ་རྗེ་ཆེན་པོ་ལེགས། །རྡོ་རྗེ་ཐལ་མོས་སྟོན་པར་བྱེད། །རྡོ་རྗེ་འདི་ནི་ཞུས་གྱུར་པ། །དེ་ཉིད་བསྡུས་པ་དམ་པའོ། །རྡོ་རྗེ་ཐལ་མོ་དེ་ཉིད་འདི། །ལུང་བསྟན་བྱ་ཡིས་དེ་ཉོན་ཅིག་།དེ་ཉིད་གསུམ་དུ་གྱུར་པ་དེ། །རྡོ་རྗེ་ཐལ
295a2 མོར་ཡོངས་སུ་བརྟག་། དེ་ཉིད་གསུམ་ནི་ལྷ་གསུམ་སྟེ། །ཚངས་དང་ཁྱབ་འཇུག་དབང་ཕྱུག་ཆེ། །དེ་རུ་ང་ནི་ལྷ་གསུམ་འགྱུར། །ོཾ་ཨཱཿཧཱུཾ་དང་གྲངས་མཉམ་པའི། །གསང་སྔགས་འཇུག་པ་ཐམས་ཅད་ནི། །སྣ་ཚོགས
295a3 ལུས་ཅན་གཅིག་མིང་ཅན། །ཞི་བ་ཉིད་ནི་གང་དུ་སྟོན། །དེར་ནི་ང་ཡང་གནས་པ་ཡིན། །དཔལ་ཡོན་དེ་ལ་བཞིན་མི་སྡུག་།དེ་ཡི་སྐྱེས་བུ་མིང་ལྡན་མིང་། །དེ་རྣམས་ལག་པའི་དབུས་ནས་ནི། །ཐིམ་སོགས་ཇི་བཞིན་གྲངས་སུ
295a4 བཤད། །ལག་པ་གཡོན་ནི་དྲག་པོར་གྱུར། །གཡས་པ་དེ་བཞིན་ཁྱབ་འཇུག་སྟེ། །གཉིས་པ་སྦྱོར་བར་ཚངས་པ་ཡིན། །དེ་བས་ཡོན་ཏན་གསུམ་བདག་དང་། །རིག་དང་མཆོད་སྦྱིན་སྙན་ཚིག་སྟེ། །རིག་བྱེད་དེར་གྱུར
295a5 གསུམ་དུ་བཤད། །སྲིད་སྲུང་ཞི་བ་ང་ཡིན་ཏེ། །མཐར་ནི་འགྲོ་བ་གནས་པ་ཡིན། །ལག་པ་གཉིས་པ་འདི་དག་ནི། །བཞི་པོའི་ཕྱེད་ཕྱེད་རྣམ་བརྒྱད་པ། །ཕྱེད་པོའི་ཚམ་གྱི་ཧཱུ~ཾ་མཆོག་ནི། །རབ་ཏུ་ཞི་བར་རབ་ཏུ་བསྒྲགས། །
295a6 ཉི་མ་ཟླ་བ་མི་རྣམས་དེར། །སོ་སོར་ཡོངས་སུ་བསྒྲགས་པ་ཡིན། །ཡི་གེ་ཕྱེད་ཙམ་མཆོག་གྱུར་པ། །ཤིས་པ་ཞི་བ་སྐྱོན་མེད་པ། །ཡོན་ཏན་ཨོཾ་དང་ཡི་གེ་ཕྱེད། །ོཾ་ཞེས་གསལ་བར་བརྗོད་པ་ཡིན། །སྣ་ཡི་རྩེ
295a7 མོར་ཡང་དག་ལྡན། །གཙུག་མཐའ་དང་ནི་ལག་པ་གནས། །ཉི་མ་ཟླ་བའི་སྦྱོར་བ་ལས། །ཡེ་ཤེས་མེ་ནི་ངེས་པར་སྐྱེ། །ལྕེ་དང་རྐན་གྱི་མཚན་མ་ནི། །སྦྱོར་ལས་ཐར་བར་དེ་བཤད་དེ། །། འོག་ཏུ་ཨ་དང་ཡང་དག
295a8 ལྡན། །དེ་སྟེང་ཡི་གེ་ཨ་ཉིད་དེ། །ཐད་ཀ་རུ་ནི་མ་བཤད་དེ། །ཁྱོད་ནི་ཡི་གེ་ཕྱེད་ཞིབ་ཉིད། །ཡི་གེ་ཨོཾ་ནི་ཚངས་པ་སྟེ། །ཱཿནི་ཁྱབ་འཇུག་ཡིན་པར་བཤད། །ཧཱུ~ཾ་ནི་རླུང་དུ་གྱུར་པ་ཡིན། །དེ་ཉིད་དྲག་པོ་ཞེས་བྱའོ། །ཞི་བའི་ཕྱེད་ཕྱེད
iiif viewer powered by OpenSeadragon
