| e-texts navigator |
| Wylie |
294b1 པས་རྗེས་འཇུག་པ། །གཏམ་དག་ཀྱང་ནི་བྱེད་པར་འགྱུར། །སྒྱུ་ནི་གཡོ་ཡི་ཚུལ་གྱིས་ན། །རྒྱལ་པོ་རྣམས་ནི་སླུ་བར་བྱེད། །སྟེང་དུ་གཡོགས་པ་དག་གིས་ནི། །བརྒྱད་གཉིས་པ་ཡི་ཚུལ་དུ་བྱེད། །དེ་ནི་མི་སྐྱེས་པ་ཡི་བདག་།རས་ཀྱི
294b2 རྒྱུ་མེད་པ་ཉིད་ནི། ། ཡི་དོག་རས་ཉིད་རྒྱལ་པོའི། །ཡང་དག་དངོས་གྲུབ་བྱེད་པའི་མཆོག་།དམ་པའི་སྐྱེ་བ་ཉིད་མཐོང་ན། །དེ་ནི་ལོངས་སྤྱོད་ལམ་སྐྱེད་མིན། །དེ་བས་སྐྱེ་བོ་མེད་གཅིག་པུ། །བྱ་བའི་སེམས་ནི
294b3 རབ་ཏུ་འཇུག་། དེར་ནི་མཆེ་བ་ཅན་མིང་འགྲོ། །དེ་ལ་བཙལ་བ་འབའ་ཞིག་ཡིན། །རྒྱལ་པོ་དངོས་གྲུབ་ཆེན་པོའི་རས། །བར་ཆད་ཤིན་ཏུ་མང་པོ་པ། །བྱ་བ་དེ་ནི་རྣམ་པར་འཇོམས། །སྒྲིབ་པ་མེད་པའི་རྣལ་འབྱོར་ཅན། །དེས་ནི་ཚིག
294b4 དེ་ཐོས་པ་དང་། །རྒྱལ་པོའི་བར་དུ་ཡིད་དགའ་ཞིང་། །དངོས་གྲུབ་ཆེན་པོའི་རིགས་མཆོག་ལས། །སུ་ཞིག་བདག་ནི་ཟློག་པར་བྱེད། །རས་ཀྱི་བར་ཆད་བྱེད་པ་དག་།དེ་ལ་ཆད་པས་གཅད་པར་བྱ། །འདི་ལ་འཇིགས་པའི་སེམས་འོང་ལ། །
294b5 སྐྱེ་བོ་མེད་པར་ཁྱེད་ཀྱིས་ནི། །རྒྱལ་རིགས་དག་གམ་རིགས་བཟངས་སམ། །གང་ཞིག་མི་སྲུན་རིགས་ཅན་རྣམས། །དོག་པ་མེད་པ་རས་འཇིག་པ། །དེ་དག་ཐམས་ཅད་བརླག་པར་བྱ། །དེ་ནས་རྒྱལ་པོ་སྦྱིན་པ་ནི། །རྒྱུད་ཀྱི་སློབ
294b6 དཔོན་བདག་ཉིད་ཆེ། །རིན་ཆེན་རིན་ཐང་མེད་ལྔ་སོགས། །བདེ་བ་ཀུན་གྱི་འབྲས་བུའོ། །འདི་ཡིས་གདོང་ནི་གཡོགས་ནས་སུ། །རྒྱལ་པོ་འབྲས་བུ་ལོངས་སྤྱོད་ཅིག་། ཡི་དོག་པ་རས་དེ་བྱིན། །ཇི་ལྟར་སྐྱེ་བཞིན་རྒྱལ་པོ་བྱས། །
294b7 རིན་ཆེན་རིན་ཐང་མེད་བླངས་རྣམས། །འདི་ནི་ཇི་ལྟར་གཞག་ནས་སུ། །དེ་ནས་དེ་ནི་མི་སྣང་བ། །རྒྱུན་ཅན་གྱིས་ནི་དེ་ཚེ་བྱས། །དེ་ལ་སོགས་པའི་སྣ་ཚོགས་ཚིག་།རིགས་སྐྱེས་པ་ལ་དེ་རྣམས་སྨྲ། །རང་ཉིད་འཇིགས་ཤིང་གཞན
294b8 རྣམས་ཀྱང་། །སྐྲག་པར་བྱེད་ཅིང་ཐེ་ཚོམ་མེད། །དེ་ནས་དེ་བཞིན་གཤེགས་བདག་པོ། །འབྱིན་པ་སྟོན་པ་མངའ་བདག་གཙོ། །ཕྱག་ན་རྡོ་རྗེ་གོ་བྱེད་པ། །སྙན་པའི་གསུང་གིས་བཀའ་སྩལ་པ། །རྡོ་རྗེ
iiif viewer powered by OpenSeadragon
