| e-texts navigator |
| Wylie |
293b1 གཅིག་དང་དུ་མ་ལས་གྲོལ་བ། །རྟེན་འབྱུང་གསལ་བར་བྱེད་པ་ཡིན། །དེ་ནས་གསང་བའི་བདག་མཆོག་དེ། །ཆོས་ཀྱི་དེ་ཉིད་རབ་སྟོན་པ། །ཐུབ་ཆེན་རྣམ་པར་སྣང་མཛད་ལ། །ཐལ་མོ་སྦྱར་བ་བྱས་ནས་ཞུས། །མགོན་པོ་དེ་ཉིད
293b2 བསྡུས་པ་ལས། །རོལ་མོ་འདིར་ནི་གྱུར་པ་དང་། །འཇིག་རྟེན་པ་དེ་གར་བྱེད་པ། །གསུངས་ཏེ་མ་འོངས་སྐྱེ་བོ་ནི། །ཆོས་དབྱིངས་དེ་ནི་གར་མིན་ན། །གཙོ་བོ་ཇི་ལྟར་གར་བགྱིད་ལགས། །རྨོངས་པའི་འཇིག་རྟེན་རྒྱང་པན་གར། །
293b3 གསང་མཐོན་མྱོས་པས་བསྐུལ་བ་ཡིན། །ཆོས་དབྱིངས་དེ་ནི་གླུ་མིན་ན། །གཙོ་བོ་ཇི་ལྟར་གླུ་ལེན་འགྱུར། །རྨོངས་པའི་འཇིག་རྟེན་རྒྱང་པན་གླུ། །གསང་མཐོན་མྱོས་པས་བསྐུལ་བ་ལགས། །ཆོས་དབྱིངས
293b4 དེ་ནི་རོལ་མོ་མིན། །གཙོ་བོ་ཇི་ལྟར་རོལ་མོར་འགྱུར། །འཇིག་རྟེན་རྒྱང་པན་རྨོངས་རོལ་མོ། །གསང་མཐོན་མྱོས་པས་བསྐུལ་བ་ལགས། །ཆོས་དབྱིངས་དེ་རྒོད་མ་ལགས་ན། །གཙོ་བོ་ཇི་ལྟར་རྒོད་པར་འགྱུར། །
293b5 རྨོངས་པའི་འཇིག་རྟེན་རྒྱང་པན་རྒོད། །གསང་མཐོན་མྱོས་པས་བསྐུལ་བ་ལགས། །ཆོས་དབྱིངས་དེ་སྒེག་མ་ལགས་ན། །གཙོ་བོ་ཇི་ལྟར་སྒེག་པར་འགྱུར། །རྨོངས་པའི་འཇིག་རྟེན་རྒྱང་པན་སྒེག་།གསང
293b6 མཐོན་མྱོས་པས་བསྐུལ་བ་ལགས། །དེ་ལྟར་རྣམ་པ་མང་པོ་ལ། །གཞན་རྣམས་ཀྱང་ནི་སྦྱོར་བྱེད་ཅིང་། །བཟའ་དང་མིན་ལས་སྦྱོར་བ་ཡིས། །རྣལ་འབྱོར་པ་ནི་བདག་ཡིན་སྙམ། །རྡོ་རྗེ་ཡི་ནི་ཚིག་མཆོག་འདི། །
293b7 ཡོད་མེད་རབ་ཏུ་ཞི་བ་ཉིད། །དེ་ཡི་རང་བཞིན་གཅིག་སྦྱོར་བདག་།ཡང་དག་མཆོག་བསྡུས་དེ་ཉིད་མཆོག་།དེ་ནས་དེ་ཉིད་ཡང་དག་གཟུང་། །རྣལ་འབྱོར་རིགས་མཆོག་རྣལ་འབྱོར་པ། །དེ་ཉིད་གསུམ་མཉམ་ཉིད་སྦྱོར་བ། །
293b8 སངས་རྒྱས་ཀྱི་ནི་རོལ་མོ་སྟོན། །སྣ་ཚོགས་ཚུལ་གྱིས་རྣམ་དགོད་པས། །ནོར་ཅན་མིང་ནི་ཉམས་ལ་སོགས། །གཅིག་པུའང་དཔག་མེད་དངོས་བཤད་པའི། །གར་གྱིས་སྐྱེ་དགུ་དགའ་བར་བྱེད། །རྫོགས་པའི་བྱང
iiif viewer powered by OpenSeadragon
