| e-texts navigator |
| Wylie |
28b1 ཁ་ཊྭཱཾ་ཐམས་ཅད་ཀྱིས་འཛིན་ཏེ། །ཞལ་གསུམ་པ་ལ་དྲག་པོའི་གཟུགས། །ཕྱག་དྲུག་རལ་གྲི་ཕྱག་ན་འཛིན། །དཀྱིལ་འཁོར་དེ་ཡི་ཕྱི་རོལ་དུ། །སྒོ་སྲུངས་མ་ནི་རབ་ཏུ་བརྟགས། །གླང་རྣ་དང་ནི་གླང་ཆེན་རྣ། །ཞལ་མཛེས་དེ་བཞིན
28b2 ཞལ་གདུག་མ། །དྲག་མོ་ཞགས་པ་ལྕགས་ཀྱུ་འཛིན། །མི་སྡུག་འཇིགས་པས་འཇིགས་བྱེད་རྣམས། །ཞལ་གཅིག་པ་ལ་ཕྱག་གཉིས་པ། །མེ་ཏོག་མཆོད་པ་ཡང་དག་བྲི། །རྣམ་པ་སྣ་ཚོགས་རིག་མ་ཡང་། །དཀྱིལ་འཁོར
28b3 ལ་ནི་མཆོད་པ་བྲི། །དེ་ནས་དཔའ་བོ་བསྒྲུབ་པ་པོས། །དུང་ཆེན་གྱིས་ནི་བརྒྱན་བྱས་པ། །ཐོད་པའི་ཕྲེང་བས་ཐོད་བཅིངས་པའི། །ཁྲག་འཐུང་གཟུགས་ནི་སྒོམ་བྱེད་པས། །དེ་ལ་ཅང་ཏེའུ་བརྡུངས་ནས་སུ། །གར་བྱེད་ཅིང་ནི་ཁང་པར
28b4 འཇུག་། དེ་ཡི་སྙིང་གར་གནོད་པའི་སྔགས། །བྷྱོ་ཡིག་དེ་ལ་བཟླ་བྱ་སྟེ། །ལྷ་ཡི་དཀྱིལ་འཁོར་མཆོད་ནས་སུ། །ཁྲག་ཆེན་གྱིས་ནི་གཏོར་བར་བྱ། །དཔལ་ལྡན་ཁྲག་འཐུང་སྔགས་ཆེན་ནི། །སྒྲུབ་པ་པོས་ནི་བཟླས་མ་ཐག་།
28b5 ཁྲོ་དང་ལྡན་པའི་ཨག་བཙར་བྱ། །རོ་ལངས་གྱིས་ནི་གང་སྒྲོགས་བྱེད། །དེ་ཚེ་སྔགས་པས་མི་འཇིགས་ཏེ། །ཁྲག་འཐུང་སྔགས་ནི་དྲན་པར་བྱ། །ལངས་པའི་རོ་ལངས་དེ་ཡིས་ཀྱང་། །སྒྲུབ་པ་པོ་ལ་འདི་སྐད་སྨྲ། །དཔའ་ཆེན
28b6 པོ་ཀྱེ་ལས་གང་ཡང་། །བདག་ལ་བཀའ་སྩོལ་རྡོ་རྗེ་ཅན། །རལ་གྲི་མིག་སྨན་ས་འོག་དང་། །མཁའ་ལ་རྒྱུ་བར་འདོད་པ་དང་། །སྒྲུབ་པ་པོས་ནི་གང་འདོད་པ། །ལས་དེ་དག་ནི་བསྒྲུབ་པར་བགྱི། །དེ་ནས་བསྒྲུབ་པ་པོ་ཡིས་ནི། །ཡིད་ལ
28b7 གང་དང་གང་འདོད་བསླང་། །དེ་ལྟར་ཐམས་ཅད་བསྒྲུབ་བྱ་བ། །རྒྱས་པའི་པདྨ་མཱ་མ་ཀཱི། །རོ་ལངས་བསྒྲུབ་པའི་མཆོག་གྱུར་པ། །རྡོ་རྗེ་བདུད་རྩི་ལས་བྱུང་ཡིན། །སྐུ་གསུངས་ཐུགས་ཀྱི་བསྒྲུབ་དོན་དུ། །སྒྲུབ་པ་པོ་ཡི་བདེ་ཡང་འདྲེན། །
28b8 རྡོ་རྗེ་བདུད་ཆི་བདེ་ཅེན་པོ། །བཅོམ་ལྡན་རྡོ་རྗེས་དེ་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུངས་དང་ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས་རོ
iiif viewer powered by OpenSeadragon
