| e-texts navigator |
| Wylie |
28a1 སྔགས། །མཐའ་ནས་སྭཱ་ཧཱ་སྦྱོར་བྱེད་དོ། །གཏན་དུ་ཤིན་དུ་དགའ་འབྱོར་ནས། །བདུད་རྩི་བདུད་རྩི་ཕྱུང་ནས་སུ། །བདུད་རྩི་བདུད་རྩི་སྦྱོར་བ་ཡིས། །བདུད་རྩི་འཁྱིལ་པ་བསྒྲུབ་པར་བྱ། །དོན་ཀུན་དངོས་གྲུབ་ཐམས་ཅད་ཡང་། །
28a2 དེ་ཡིས་མྱུར་བར་བསྒྲུབ་པར་འགྱུར། །ཕ་འམ་གལ་ཏེ་མ་དག་གིས། །བདུད་རྩི་འཁྱིལ་པ་དྲན་བྱེད་ན། །རྒྱུ་དང་མི་རྒྱུ་འཇིག་རྟེན་གསུམ། །དེ་ཡི་ཕྱག་མཐིལ་ལ་ཀུན་གནས། །རྡོ་རྗེ་བདུད་རྩི་བདེ་ཆེན་པོ། །དུས་རྟག་པར་ནི
28a3 བསྒོམ་པར་བྱ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས་དཔལ་བདུད་རྩི་འཁྱིལ་པ་འབྱུང་བ་ཞེས་བྱ་བ་ལེའུ་དགུ་པའོ།། །།
28a4 དེ་ནས་རོ་ལངས་ཆེན་པོ་ཡི། །བསྒྲུབ་པ་གཞན་ཡང་བཤད་པར་བྱ། །ནག་པོའི་ཚེས་བརྒྱད་བཅུ་བཞི་ལ། །ལིང་ག་གཅིག་དང་ལམ་མདོ་དང་། །ཤིང་གཅིག་དང་ནི་དུར་ཁྲོད་དང་། །རི་དང་ཆུ་འགྲམ་དེ་རྣམས་ལ། །ལས་ཐམས་ཅད་ནི
28a5 བསྒྲུབ་བྱ་སྟེ། །དེ་བཞིན་རོ་ལངས་སློང་བ་ནི། །འགགས་ནས་ཤི་བ་མོ་རྣམས་ནི། །མཚན་ཐམས་ཅད་ནི་ཀུན་རྫོགས་པ། །གདོལ་པ་མོ་དང་སྨེ་ཤ་ཅན། །ཁྱིམ་ཆོས་མ་རྣམས་དེ་དག་ན། །མཛེས་པ་བཟང་བ་རྨ་མེད་པ། །
28a6 སུམ་བཅུ་རྩ་གཉིས་བསྔགས་པ་སྟེ། །ལོ་ནི་ཉི་ཤུ་རྩ་ལྔ་བསྐྱེད། །བུད་མེད་རོ་ཡི་སྐྲ་བཟུང་སྟེ། །གཙང་བའི་ཆུ་ཡིས་བཀྲུ་བར་བྱ། །སྔགས་དང་སྨན་གྱི་རྡོ་ལེབ་ལ། །ག་བུར་ཙནྡན་དཀར་པོ་ཡིས། །དེ་ལ་བྱུག་པར་བྱ་བྱས་སྟེ། །
28a7 སྣ་ཚོགས་མེ་ཏོག་སྤོས་རྣམས་ཀྱིས། །མཆོད་ཅིང་གཏོར་མ་དབུལ་བར་བྱ། །མར་ཁུ་ཆེན་པོས་བསྡུས་ནས་སུ། །ཡུངས་དཀར་ཀྱིས་ནི་རྡོ་ལ་བརྡེག་པར་བྱ། །ན་བལ་ཁྲག་འཐུང་ཞེས་བྱ་བའི་བསྒྲུབ་པ་པོས། །
28a8 དེ་ལ་དཀྱིལ་འཁོར་ཡང་བྲི་ཏེ། །ཐོད་པ་ཞེས་བྱ་ཟླ་གམ་འམ། །གཞུ་ཡི་ཚུལ་གྱིས་བཀང་བར་བྱ། །ཐོད་པས་ཉེ་བར་བརྒྱན་བྱེད་ཅིང་། །རིག་མ་བརྒྱད་དང་ལྡན་པར་བྱ། །ཤ་ཡི་ཁམས་ཅན་ཐོད་པ་དབང་། །
iiif viewer powered by OpenSeadragon
