| e-texts navigator |
| Wylie |
27a1 ཞི་གཟུགས་རྡོ་རྗེ་ཅན་དེ་ལས། །ཁྲོ་བོའི་གཟུགས་ནི་ཅི་ལྟར་འགྱུར། །དེ་ནས་བཅོམ་ལྡན་རྡོ་རྗེ་ཅན། །རྡོ་རྗེ་བདུད་རྩི་བདེ་ཆེན་པོས། །རྡོ་རྗེ་པད་མ་མཉམ་སྦྱོར་ཏེ། །ཁྲོ་བོའི་གཟུགས་ནི་རྣམ་པར་ཕྱུང་། །
27a2 འབར་བའི་ཕྲེང་འཁྲུགས་དྲག་པོ་ཅན། །འཇིགས་བྱེད་ལ་ཡང་འཇིགས་པར་བྱེད། །ཞལ་བཞི་ལ་ནི་ཕྱག་བརྒྱད་དེ། །ཐོད་པའི་དབུ་རྒྱན་འཇིགས་པར་བརྒྱན། །ཁ་ཊྭཱཾ་ག་དང་མགོ་བསྣམས་ཏེ། །ཐོད་པ་དང་ནི་ཁྲག་དགའ་བ། །
27a3 གཏུམ་པོ་རྒྱུ་མའི་ཕྲེང་འཁྲུགས་པ། །རིག་མ་བརྒྱད་ཀྱིས་ཡོངས་སུ་བསྐོར། །དུར་ཁྲོད་ཆེན་པོ་བཞིར་བཞུགས་པ། །ཕཊ་ཡིག་སྔགས་ཀྱི་ང་རོ་ཅན། །འབྱུང་པོ་རོ་ལངས་ཚོགས་པ་དང་། །དུར་ཁྲོད་ལ་ནི་རོལ་མཛད་པས། །
27a4 དེ་འོག་དབང་དང་བཅས་པའི་ལྷ། །ཚངས་པ་ཁྱབ་འཇུག་དབང་ཕྱུག་ཆེ། །བཟའ་བྱེད་རྡོ་རྗེ་ཅན་ཆེན་པོ། །དཔལ་ལྡན་ཁྲག་འཐུང་གཟུགས་ནི་ཕྱུང་། །དང་པོའི་རིག་མ་འཇིགས་ཅན་མ། །མི་སྡུག་གདོལ་པ་སྨེ་ཤ་ཅན། །
27a5 སེར་མོ་རིགས་ཅན་དྲག་མོ་དང་། །འཇིགས་པར་བྱེད་མ་བརྒྱད་དུ་འདོད། །སྔགས་འདི་དག་ནི་བཟླ་བྱས་ཏེ། །གར་ཡང་བྱེད་ནས་དབྱངས་བླང་ངོ་། །འཇིགས་བྱེད་ཆེན་པོ་མཆེ་བ་གཙིགས། །རྒྱུ་མ་ཕྲེང་གི་རྒྱན་སྐུད
27a6 བརྒྱན། །ཤ་ཆེན་དག་ནི་གསོལ་བྱེད་པ། །དཔལ་ལྡན་ཁྲག་འཐུང་བདག་ཕྱག་འཚལ། །སྒྲུབ་པ་པོ་རྣམས་ཕན་བྱེད་ཕྱིར། །བཟླས་པའི་སྔགས་ནི་བཤད་པར་བྱ། །གསུམ་པ་ཡི་ནི་གསུམ་པ་ལ། །བདུན་པ
27a7 ཡི་ནི་བཞི་པ་སྦྱོར། །བདུན་པ་ཡི་ཡང་གསུམ་པ་སྟེ། །གཉིས་ཀྱི་ཚིག་ནི་གཉིས་སུ་སྦྱོར། །ཀུན་ལ་དེ་བཞིན་ཉིད་ལྡན་ཏེ། །ཡི་གེ་ཕྱེད་ཀྱིས་རྣམ་པར་བརྒྱན། །དྲུག་པའི་བཞི་པ་ཕྱུང་བྱས་ཏེ། །བདུན་པའི
27a8 དངོས་པོས་གདན་དུ་བྱ། །བཅུ་གསུམ་པ་ཡིས་སྟེང་གནོན་པའི། །སྭཱ་ཧཱ་མཐར་བཞག་སྔགས་ནི་ཕྱུང་། །དང་པོ་རྣམ་པར་སྣང་མཛད་དབུལ། །ཁྲག་འཐུང་རྩ་བའི་སྔགས་ཡིན་ནོ། །སྔགས་ཀྱི་རྒྱལ་པོ་འདི་ཉིད
iiif viewer powered by OpenSeadragon
