| e-texts navigator |
| Wylie |
180a1 ཐུགས་རྡོ་རྗེ་ལས་རྡོ་རྗེ་བཙུན་མོ་རྡོ་རྗེ་རིགས་ཀྱི་སྙིང་པོ་འདི་གསུངས་སོ། །ོཾ་ཨཱཿཧཱུ~ཾ། དེ་ནས་དེ་སྐད་དུ་གསུངས་མ་ཐག་ཏུ་བཅོམ་ལྡན་འདས་ཀྱི་བ་སྤུའི་བུའ་ག་ལས་དེ་བཞིན་གཤེགས
180a2 པ་ཐམས་ཅད་དང་། རིག་མ་དང་བྱང་ཆུབ་སེམས་དཔའ་དང་། ཁྲོ་བོའི་རྒྱལ་པོ་རྣམས་ཕྱུང་བར་གྱུར་ཏོ། །ཕྱུང་ནས་ཀྱང་བཅོམ་ལྡན་འདས་ཀྱི་ཤར་ལ་སོགས་པའི་ཕྱོགས་སུ་རང་རང་གི་སྟན་ལ་གནས་པར་གྱུར་ཏེ། ཁ
180a3 ཅིག་ནི་རྣམ་པར་སྣང་མཛད་ཀྱི་གཟུགས་ཀྱིས་སོ། །ཁ་ཅིག་ནི་རིན་ཆེན་འབྱུང་ལྡན་གྱི་གཟུགས་ཀྱིས་སོ། །ཁ་ཅིག་ནི་འོད་དཔག་ཏུ་མེད་པའི་གཟུགས་ཀྱིས་སོ། །ཇི་སྲིད་གནོད་མཛེས་རྒྱལ་པོ
180a4 དང་གཙུག་ཏོར་འཁོར་ལོས་སྒྱུར་བའི་རྒྱལ་པོའི་བར་གྱིས་གཟུགས་ཀྱིས་སོ། །དེ་ནས་བཅོམ་ལྡན་འདས་ཅུང་ཟད་ཅིག་ཅི་ཡང་མི་གསུང་བར་བཞུགས་སོ། །གང་གི་ཚེ་བྱང་ཆུབ་སེམས་དཔའ་དེ
180a5 དག་ཐམས་ཅད་ཀྱིས་དབྱངས་ཅིག་གིས་ཆེད་དུ་བརྗོད་ནས་སྨྲས་པ་ནི། ཨེ་མའོ་རྡོ་རྗེ་རིགས་ཆེན་པོ། །རྡོ་རྗེ་ཕྲེང་བའི་དོན་སྟོན་མཛད། །ེ་མའོ་རྡོ་རྗེ་ཐེག་གསལ་བ། །ཆོས་ཀྱི་དབྱིངས་ཀྱི
180a6 དོན་སྟོན་མཛད། །ཅེས་ལན་གསུམ་བརྗོད་ནས་དེ་དག་གིས་རྡོ་རྗེ་འཆང་ཆེན་པོ་ལ་ཕྱག་འཚལ་ནས་འདུག་པར་གྱུར་ཏོ། །དེ་ནས་དེའི་ཚེ་སྐད་ཅིག་ཐང་གཅིག་ཡུད་ཙམ་དེ་ལ་བྱང་ཆུབ
180a7 སེམས་དཔའ་སེམས་དཔའ་ཆེན་པོའི་འཁོར་རྒྱ་ཆེན་པོ་འདུས་པ་དེ་དག་མཐོང་ནས་ཕྱག་ན་རྡོ་རྗེས་བཅོམ་ལྡན་འདས་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །བཅོམ་ལྡན
180a8 ཡེ་ཤེས་རྡོར་དབང་ཕྱུག་། གསང་བའི་པད་མའི་ནང་བཞུགས་པ། །དམ་ཚིག་ཆེན་པོའི་རྣལ་འབྱོར་དབང་། །ཐུགས་རྗེས་བདག་གི་ཚིག་གསོན་ཅིག་།བསྐལ་པ་བཟང་པོའི་སངས་རྒྱས
iiif viewer powered by OpenSeadragon
