| e-texts navigator |
| Wylie |
161a1 གསུང་ཐུགས་རྡོ་རྗེ་ལས་ཕྱུང་ངོ་། །ཧཱུ~ཾ་ཧྲཱིཿཁ~ཾ། ཤ་རུས་ལ་སོགས་དཀྱིལ་འཁོར་ནི། །ནམ་མཁའི་དབྱིངས་ཀྱི་དབུས་གནས་བསམ། །སྐུ་དང་གསུང་ཐུགས་གསུམ་སྙིང་པོ། །རྡོ་རྗེ་སེམས་དཔའ་བསྒོམ་པར
161a2 བྱ། །དྲག་པོ་མི་སྡུག་ཀུན་ཏུ་ཁྲོས། །ུད་པལ་སྔོན་པོའི་ཁ་དོག་འདྲ། །ཕྱག་བཞི་པ་ནི་ཆོ་ག་ཡིས། ཕྱག་ན་ཐོད་པ་བསྣམས་པར་བསྒོམ། །ལྔ་ཡི་འོད་ཟེར་རབ་གསལ་བའི། །རང་ལྕེ་བརྟུལ་ཞུགས་ཅན་གྱིས་བསྒོམ། །བསམ
161a3 གཏན་རྡོ་རྗེའི་སྦྱོར་བ་ཡིས། །ཁྲག་དྲང་བ་ཡི་མཆོག་ཡིན་ནོ། །རྩེ་གསུམ་རྡོ་རྗེ་དམ་ཚིག་དང་། །ཕུར་བུ་དྲག་པོ་མཆོག་དག་གིས། །སངས་རྒྱས་ཉིད་ཀྱི་སྐུ་དག་ཀྱང་། །རྡོ་རྗེའི་སྦྱོར་བས་གཟིར་བར་བྱ། །དེ་ནས་ཕྱག
161a4 ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་སླར་ཡང་རྡོ་རྗེ་ཁ་ཟས་ཀྱི་དམ་ཚིག་གིས་བྱ་བ་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །བཟའ་བའམ་བཏུང་བ་གང་ཅུང་ཟད། །བརྟུལ་ཞུགས་ཅན
161a5 གྱིས་གང་ཟ་བ། །བཤང་གཅི་ཤ་ཡི་སྦྱོར་བ་ཡིས། །ཆོ་ག་བཞིན་དུ་ཡོངས་སུ་བརྟག་།དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་ཡང་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང
161a6 དང་ཐུགས་རྡོ་རྗེ་མཆོད་པའི་མཆོག་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །ཉེར་སྤྱོད་ལྔ་ཡི་མཆོད་མཆོག་གིས། །མཆོད་བྱ་དེ་དག་ཀྱང་མཆོད་བྱ། །འདི་ནི་རྡོ་རྗེ་ཐམས་ཅད་ཀྱི། །དམ་ཚིག་ཤིན་ཏུ་འདའ་དཀའ
161a7 བའོ། །དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་ཡང་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་མཆོད་པ་གསང་བ་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །
161a8 དབང་པོ་གཉིས་ཀྱི་སྦྱོར་བ་ཡིས། །རང་གི་ཁུ་བ་སོགས་བཟུང་བས། །ཆོ་ག་བཞིན་དུ་ཀུན་མཆོད་བྱ། །སངས་རྒྱས་བྱང་ཆུབ་ཐོབ་པར་འགྱུར། །དེ་ནས་ཡང་ཕྱག་ན་རྡོ་རྗེ་དེ་བཞིན་གཤེགས་པ་ཐམས
iiif viewer powered by OpenSeadragon
