| e-texts navigator |
| Wylie |
99a1 པར་བྱ། །སྟོབས་ནི་ཆོས་རྣམས་ཐམས་ཅད་ལ། །སྒྱུ་མ་ལྟ་བུར་ཤེས་པ་དང་། །ཡང་དག་བདེན་པའི་སྟོབས་ཀྱིས་ནི། །རང་བཞིན་མེད་པར་རྟོགས་པས་འབྱུང་། །འཇུག་པ་ཐུན་མོང་མ་ཡིན་པ། །བྱམས་པ་སྙིང་རྗེ་བྱང
99a2 ཆུབ་སེམས། །ཚད་མེད་བཞི་དང་ལྡན་པ་ཡིས། །འགྲོ་བའི་དོན་ལ་སེམས་པ་པོ། །མངོན་དུ་བྱེད་པ་ཉེར་སྒྲུབ་སྟེ། །དུས་དང་གྲངས་དང་མཚན་མ་སྟེ། །དང་པོ་བར་དང་ཐ་མར་ཡང་། །གཙོ་བོ་དང་ནི་འཁོར་རྣམས་ཀྱི། །གང་གྲུབ་རབ
99a3 འབྲིང་ཐ་མ་རུ། །རྟགས་ཀྱི་དབྱེ་བ་བསྟན་པ་ཡིན། །རྒྱུ་ནི་ཐོགས་པ་མེད་པ་ཡི། །རྟེན་ཅིང་འབྲེལ་པར་འབྱུང་བ་སྟེ། །མངོན་སུམ་དུ་ནི་འབྱུང་བ་ལ། །གང་གིས་དགག་པར་མི་ནུས་པ། །དེ་ལས་འབྲས་བུ་ཕུན་སུམ་ཚོགས། །
99a4 སྙིང་པོ་སྨིན་པ་བཞིན་དུ་འབྱུང་། །གང་དུ་ཐོགས་མེད་རྡོ་རྗེ་ཡི། །སྙིང་པོ་ཟད་པ་མེད་པའི་དོན། །ཡང་དག་ཡེ་ཤེས་སྣང་བ་པོ། །བླ་མའི་དྲིན་ལས་ཐོབ་པར་འགྱུར། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས
99a5 གསང་བའི་རིམ་པ་བསྟན་པའི་ལེའུ་སྟེ་གསུམ་པའོ། ། །། དེ་ནས་དབང་ལྡན་བདུད་འཇོམས་པའི། །སྒྲུབ་པ་ཡང་དག་རབ་ཏུ་བཤད། །གསང་བའི་མགོན་པོ་ཆེན་པོ་ཡི། །སྦས་པའི་ཡུམ་དང་བཅས་པ་ཡི། །གསང་བ
99a6 མཁའ་འགྲོ་མ་བཞི་དང་། །ལྷན་ཅིག་ཏུ་ནི་དགྱེས་པར་རོལ། །ཞལ་གཅིག་པ་ལ་ཕྱག་བཞི་པ། །གདུལ་དཀའ་འདུལ་བའི་དཔའ་བོ་ནི། །ཞལ་གཅིག་པ་ལ་སྤྱན་གསུམ་པ། །མི་ཐུང་ཁྲོས་པ་ཨུཏྤལ་མདོག་།
99a7 མགོ་སྐྱེས་གྱེན་འགྲེང་རྔམ་པའི་སྐུ། །རོ་ཡི་གདན་ལ་བཞུགས་མཛད་ཅིང་། །ཀླུ་བརྒྱད་རྒྱན་གྱིས་བརྒྱན་པ་པོ། །ཁྲོས་པས་ཆར་སྤྲིན་ནག་པོ་ལྟར། །མེ་སྟག་ཕུང་པོ་ལྟ་བུ་ཡི། །སྤྱན་གསུམ་དྲག་པོའི་ལྟ་བས
99a8 གཟིགས། །གླང་པོའི་ཚུལ་ཅན་སྟོབས་ལྡན་པ། །རྒྱུ་མའི་དོ་ཤལ་སྦྱངས་པ་ཡི། །མི་མགོ་རློན་པའི་ཕྲེང་བས་ཀླུབས། །ཤིན་དུ་མི་སྲུན་སྒེག་པའི་སྐུ། །བདུད་འདུལ་ཆེན་པོ་ལྷ་ཡི་ལྷ། །ཉམས་ལྡན་གཟི་བརྗིད་ཕུན་སུམ་ཚོགས། །
iiif viewer powered by OpenSeadragon
